|
|
السلام عليكم و رحمة الله و بركاته
اشلونكم أبلات كويتيات؟؟
اشرايكم يا معلمات بالتغييرات الفضيعه اللي صايرة بالميدان هالسنة؟؟
سواء من ناحية المناهج اليديدة (رياضيات / علوم) .. و طريقة التحظير .. و طريقة التطبيق
هذا غير تدريس التربية الحياتية اللي توزع على مدرسات المواد الأساسية بدال مدرسات التربية الحياتية!!
انا عن نفسي راح أجاوب و أعطيكم إنطباعي .. بس عقب ما أشوف ردودكم عشان أغش منكم 
والله يعينا على التدريس ويعين اليهال على الدراسة.
والتحضير كوبي من دليل المعلم يعني امسهلينها علينا اشوي واحسها احسن من المناهج القديمة
الحياتية احس اني ضايعة فيها ما اعرف احضرها ولا ادرسها والكل مو عارف
الحصص المسانده مازالت موجوده لكن تغير إسمها للصفوف المسانده 
ومو رئيسة القسم ادرسهم لا معلمة متميزه ( مسكينه هالمتميزه بكل مكان مكروفه والدليل شوفوا الوثيقه مالت الإبتدائي واقروها عدل )
الرياضيات ما شفته بس حسن ما سمعت من الأبلات نفسهم إنه صعب وفيه أغلاط في منهج الصف الثالث وبعدين عطوهم الأعداد المكونه من 6 أرقام وأهم في ثانيه خذوا بس لي 4 أرقام يعني الله يستر
العلوم ما شفته ولا أعرف عنه شيء
مهارات الحياة وآآآآآآه يا قلبي كتاب لا يسمن ولا يغني من جوع المفروض يكون نشاط مصاحب للدروس في الحصة العاديه ولا يخصص لها حصه كامله فتوجيه الإسلامية قالهم إنها 4 مواضيع لازم بأربع حصص والوزارة تقول لا يبه فتره دراسية كامله وإهي عباره عن حسن التعامل مع الآخرين يعني نفس التهذيب قبل اللي كنا ندرسه علما إن المناهج اليديده ما تخلو من التهذيب فبإمكانهم إضافته وفكونا
مثلا مدرس التربية الإسلامية يدرس 3 مواد إسلامية وقرآن وحياتيه وتحضير هذا غير عن هذا غير عن ذاك .
المشكله بالوزاره صايره من طق طبله قال أنا قبله بلجان هالتأليف والهم الاكبر لهم مكافئات لجان التأليف ويالله نألف ويالله نخبص على حساب هالمساكين اللي من يطق جرس الفرصه الثانيه تلاقينهم شالوا جناطهم وركض للباب علبالهم هده
كتب الإبتدائي بدال 6 صاروا 12 وعلى ظهر هالياهل وقصوا علينا بتخفيف الحقيبه المدرسيه … النظام المطور حطوا للصفين الرابع والخامس إمتحانات كتاب كامل وكنترول عيل ليش سووا سلم تعليمي والإختبارات عمليه مستمره وعلشان ما نخرع اليهال بالإمتحانات حسبي الله عليكم
ولدي برابعه ابتدائي يكتب العنكبوت عن كبوت بالله هذا وينه وين يحل إمتحان من 60 درجه ججك بم عمره ما خذ اختبار اسلامية وإلا عربي وسيده أرقعه بـ60 درجه اختبار
عز الله طلعنا عباقره بالمحاتات والضغط وكره المدرسة والعنف …. ولنصفق لمن تقول الإغتصاب قد يحدث للطفل حتى لو كان في عقر داره …
ربنا عز وجل يقول " قفوهم إنهم مسؤولون .." الله يقرب هاليوم وياخذ الكل جزاه
عذرا شطيت عن الموضوع من غصه بقلبي قلت خلني أفضفض
انا بعد لايعه جبدي من التخبط اللي صاير
تخيلوا يغيرون مناهج 3 مراحل مره وحده .. و اللي يبط الجبد ان المنهج مرتبط ببعضه .. يعني اللي بثالثه و لا ثانية الحين راح يضيع .. لان المعلومات مبنية على مناهج المرحلة اللي قبل .. اهم ما درسوا المناهج اليديده قبل!!! درسوا المناهج القديمة!!! يعني معلوماتهم بالنسبة حق المناهج اليديدة بتكون ضحله..وعليه مساكين
انا الحين أدرس صف ثانية ابتدائي علوم .. لقيت معلومات حدها يديده على البنات .. ما درسوها بأولى .. و المشكله متعلقة بمنهج أولى اليديد .. يعني تعالي درسيهم منهجهم .. و منهج أولى اللي ما مر عليهم .. بالحصه بدال ما تفهمينهم النقطه بدقيقة لانها معلومات سابقة المفروض .. تقعدين تدرسينهم اياها طول الحصة لانهم مو ماخذينها أساسا
زبدة الكلام .. التغيير لازم يكون تدريجي .. يعني المناهج لازم تصعد مع الطالبات مرحلة مرحلة من أولى و طالع خصوصا العلوم و الرياضيات لانها معلومات تراكمية .. ما أغير 3 مراحل مره وحده !!! شنو هالفوضي ؟؟؟؟؟؟ هذا و انتو اسمكم وزارة التربية يعني!!!
ثاني شي التربية الحياتية .. شقوووووول شحجي؟؟؟؟؟
اخر تخبط .. محد عارف شنو الهدف و لا اشلون يحظر .. و لا اشلون طريقة الحصص .. فوق النصاب و لا شنو!!!!
يا ربي توب علينا من هالهلاااااقه .. حتى التطور عندهم تهلق!!!
بعد بعد .. ما خلصت .. بقلبي حجي وااااااااااايد .. بس لو بتكلم بخوره أعرف نفسي .. خلوني ساكته مو عشان أحد .. محد يهمني .. بس عشان لا يرتفع ضغطي!
ثالثه ابتدائي يدرسون مئات الالوف وبثانيه ما درسو الالوف
وتعال اكتب الاسم اللفظى بالعربي للرقم والي ما تمكن من اللغه شنو يسقط بالعربي والرياضيات
واسئله صعبه وغير مباشره جنها للمتوسط مو لثالثه ابتدائي
حسبي الله ونعم الوكيل
المدرسات مساكين والله والمناهج صعبه على الطلبه
منو تقدر توفرلي طريقة التحضير حق صف اول وثاني وثالث >>> حتى لو تسويلها سكان وتطرشها على الايميل ولا رسالة خاصة>>سوري طلعت عن الموضوع بس انا اشتغل في مدرسة خاصة وماوزوعلنا دليل المعلم
|
المشاركة الأصلية كتبت بواسطة om deaj
 انا توني بشتغل مدرسة علوم حق ابتدائي تبون الصج صارلي اسبوع من داومت واشوف التحضير حق رابع وخامس احسن من المنهج الجديد
منو تقدر توفرلي طريقة التحضير حق صف اول وثاني وثالث >>> حتى لو تسويلها سكان وتطرشها على الايميل ولا رسالة خاصة>>سوري طلعت عن الموضوع بس انا اشتغل في مدرسة خاصة وماوزوعلنا دليل المعلم |
حبوبة الدليل ما وصلنا
احنا قاعدين نحظر من نسخة مصورتها لنا رئيسة قسمنا .. تصدقين عاد؟؟
أي شي .. حد التخبط
الحيااااااتية آآآآآآآآآآآآآآآآآآآآآآآآآه
التوجيه مو عارف شالطبخة
عيل شلون المدرسات
التوجيه يقولون أربع حصص بس
والوكيلة تقول الفترة كلها
التوجيه يقول ناخذ حصة من حصص الإسلامية
والوكيلة تقول إللي واصلها مادة بروح نازلة بالجدول وتضاف لنصاب المعلم
تخيلوا معلم الإسلامية يدرس قرآن وإسلامية وحياتية
وكل وحدة تحضيرها بروووح … يعني ثلاث تحاضير للمرحلة الوحدة
ولازم كل معلمة تاخذ مرحلتين
يعني 6 تحاضير
حسبي الله على من سبب هالتخبط
الشغلة إللي يشكر عليها توجيه الإسلامية تغيير المنهج تدريجي
كل سنة منهج يجربونه على كم مدرسة والسنة إللي وراها يتعمم
الطالب يصعد مع المنهج الجديد تدريجيا
والتحضير جاهز من الكمبيوتر بس يريت تشوفون الأخطاء في صياغة الأهداف
آآسفة دااشة عرض بس من القهر إللي فيني
