|
|
الســـــــلام عليكم
شلونكم ؟؟؟
بدخل بالموضوع على طـــــــــــــول
انا الحين بفترة الملجه واكلم زوجي يوميا واطلع معاه تقريبا كل 3 اسابيع مره وحده بس
والحمدلله احببببببه واموت فيه واهوه بعد تصرفاته وكلامه كله يدل على حبه لي
والصراحه انه مدلعني بكل شي وانا بعد ما اقصر لا من كلام ولا من هدايا احس اني تحسفت شوي على
هالشغله لانه الحين اذا ماسمع مني كلام حلو يزعل ويقولي انتي اكيد زعلانه مني ويسوي سالفه غصب
يخليني زعلانه عشان يراضيني!!
وكان ياخذ رايي بكللللللللللللل شي وكان رايي اهوه اللي يمشي بس بعدين كسر خاطري
وقمت امشي على رايه ( غبيه) الحين احسه قام يسوي شغلات اساسيه بالشقه ومايسألني
كلللللش ومادري بالشغله الا بعد ما يسويها بس الحمدلله انه ذوقه حلو
المشكله يا بنات انه هالايام مادري شفيني مااااااالي خلقه كللللللش اهوه طول اليوم مشغووووول
وقبل كنت انطره يدق والحين مالي خلقه اذا دق ابيه بسرعه يسكره والللللله واول ما اسكره احس اني
مشتاقتله الحمدلله والشكر مادري شفيني 
وصارلي جم يوم اكلمه ابرووووود مو نفس قبل واحسه حاس
فيني وينكت ويضحك يبي يغير الجو بس ماكو فايده وانا متعوده قبل لا اسكره اعطيه بوسه واليوم طلبها مني
وسكتتتتتتت مابي اعطيه
والله مادري ليييش قاعد يصير جذي ؟؟؟
عرسي انشالله بعد 3شهور واحس قاعده ابعده عني بتصرفاتي بدال لا اقربه لي بهالفتره ؟؟؟
واخاف انه اللي قاعد احس فيه ماراح يروح ويوصل لي اني اكلمه بنفسيه خايسه ولا اكرها فيني؟؟
بنااااااااااااااات ادري قرقت عليكم بس والله ودي افضفض
اللي ابي اعرفه الحين هل هالشي طبيعي يعني مره احبه ومره مالي خلقه ؟؟؟؟؟
ولا الموضوع في انه ؟؟؟
وشكراااااااااااااا
عسى الله يوفقج ويتتم عليج ياعمري يعني الموضوع يحصل جدا طبيعي
لاتحاتيين ولا شي حبيبتي لانه انا نفسج بهالشي
هذي نفسيه وتتغير
الله يوفقج ان شاء الله حبوبه ويسعدج يا ربي
شوفي يمكن نفسيتج تعبانه من التجهيز والتفكير بالعرس انا أقول روحي سبا سوي لج مساج وارتاحي
والله يوفقج ويسعدج ويسخر لج ريلج
ماادري ضرب الفيوز عندي طبيــــــــــــــــــعي الموضوع
اعتبريها ضربت فيوز بس حاولي ماتبينيله لانه مع الوقت راح يتغير بس دايما ادعي ان الله يسخره لج مايغيره عليج
يمكن بعد مثل ماقالوا البنات نفسيه التجهيز والعرس
خو مرينا كلنا فيها الاعصاب بالخشم
الله يهنيج ويوفقج
استغفر الله كنت اقوول ابيه يطلقني خلالاص مابيه
اسم الله علينا
حبيبتي لازم بهالمرحله تييلج افكار وتحاتين واايد الصرااحه ماتنلامين
ووراج تجهيز والتفكير بالعرس هذاا كله يأثر
بس لاتحسسينه بهالششي وحاولي ترجعين الامور مثل ماكانت
الله يوفقج
واللي يصير معاج هذا مزاجنا يالحريم….
ترى حتى احنا يالمتزوجات جذي نصير يوم حلو ويوم نفسيه
وترى ايام الدوره الشهريه تلعب بنفسية الوحده ولاحظي وقتها شتحسين فيه.
يصير فتور
مرات ويزيد الشوق مرات
على قولتهم الحياة
مد وجزر
شى طبيعى … لان الوحده لها مشاعر تزيد وتنقص لكن مثل ماقلتى لما يسكر التليفون اوله عليه يعنى لاتزالين تحبينه وايد وهذا شى طبيعى لاتخافين ولا تحاتين … بس بالنسبه للرأى مو كلم مره انتى تقررين او اهوه يقرر اتمنى يكون القرار مشترك عن قناعه خصوصا فى البيت او تجهيز الشقه
وبالتوفيق والف الف مبروك
والاخت اللي قالت يمكن من الدوره صجججج لانه انا بتنزل علي بعد جم يوم
ويمكن يكون هذا السبب لانه اذا بتنزل علي نفسيتي تتغير حيييييييييل