المقارنه بين الجنات

سلام

كتبت الموضوع مليون مره بكذا صيغه بقصد الاختصار …. هذي اخر محاوله يلا …

انا علاقتي بخالتي طيبه الحمدلله وحمواتي اهم صديقاتي اصلا طايحه الميانه بينا قبل لا اصير مرت اخوهم وهالشي مريحني اكثر … بالرغم من هذا احس بغيره من مرت حماي لان احس يحبونها اكثر او يبجلونها اكثر ان صح التعبير تدرون ليش؟ لانها مرت حماي الكبير وتعرفون معزة البجر عند امه تخيلوا اهم عايشين بشقه وحماي يمر بالشهر مره او مرتين على خالتي واهي بالسنه حسنه مثل ما يقولون اما الزواره الرسميه فمرات تواضب جم اسبوع بعدين تقطع اسابيع … وتعالوا شوفوا الدلع الي يحصلونه وشلون يحسبولهم الف حساب وخالتي اللي هاديه وماتسولف لي شافت مرت حماي مادري من وين تطلع لسوالف وتسأل عنها وعن اخبارها وتضحك وياها وانا وريلي مساكين محد داري عنا بالرغم ان ساكنين معاهم بنفس البيت وريلي صاير حق خالتي وبناتها صبي عندهم يسويلهم ويقضيلهم كل احتياجاتهم مايردهم بشي ومع هذا سبحان الله المحبه من الله لان يحبون حماي اكثر مو اهو البكر المدلل محبة مرته من محبته

وحمواتي صج انا ميانه معاهم وزينه معاهم بس شوفوا شلون يتصرفون مع مرت حماي مسوينها يا دهينه لا تنكتين ويتناسون عيوبها

الزبده ان خالتي تحبني وترتاحلي بس محبتها حق حماي تفوق الوصف حتى ريلي يكسر خاطري مظلوم جدام حماي والي اقدر اقوله انهم يرتاحولي اكثر بس يحبونها اكثر ؟!

ومن ناحية ثانيه سالفة المقارنات باطه جبدي حتى خواتي يقارنوني فيها لوعوا جبدي كل الناس مرت حماج سوت مرت حماج لبست مرت حماج قالت لي متى يعني ؟ واي الكلام توقف مع انه عندي كلام وايد بقلبي بس لوقت تأخر ولازم اروح انام لحين

الله يعينج حبيبتي بس لا تخلين هذا الشي يأثر فيج
ويمكن يحبونها على قولتج ليش انها مرت البجر والشي الثاني انها مو قاعده عندكم في البيت يعني مايشوفونها كل يوم مثلج
وحبيبتي المثل يقول كل بعيد سعيد وانا من رايي لو اهل الزوج زينين ولا شينين السكن بره احسن حتى لو الميزانيه ماتكفي
المهم راحت البال

اختى الزين يفرض نفسة مافى اى مشكلة المشكلة فيك انتى 0انتى تقولين طايحة الميانة بينك وبين حمواتك وخالتك ايضا تحبك طيييب ليش الواحد يزن على خراب عشة 0يمكن عشان انتوا مجابلينهم ليل نهار وعندهم ومطمنين عليكم وهذولى برة ما يشوفونهم وايد -تعوذى من الشيطان والحب نالك منة نصيب دام ماحكوا فيك ولا ذموك عند الى يسوى ولا مايسوى قولى الحمد اللة 0ويمكن ان مرة حماتك ماكلة الجو منك عادى انتى يبيلك ثقة فى نفسك وشوية حضور وتطلعين روعة ووبس

حبيبتي عادي انتي ليش معطيه الموضوع اكبر من حجمه

شوفي انا هم احس انهم يحبون حماي الكبير وزوجته اكثر بس مالي شغل فيهم

المحبه من الله مع ان زوجي مثل زوجج خادمهم وصاير مثل الابو لهم بس هذا شيء لا ارادي

صح اني ماشفت منهم شيء بس دايما يمدحونها وهي ماشاء الله تمثل عليهم ادوار وانا ادري انها ماتواطنهم

وهالشيء تصرح فيه جدامي عادي وبالنسبه للغيره نهائيا مااغار حتى لو مدحوها الناس الحمد لله انا احلا واكشخ منها

بوااااااااااااااااااااااااااااااااااااااااااااجد ولا فكرت بيوم اغار منها والله يخلي لي زوجي وبنتي ودام زوجي يحبني وش عليا انا من الناس

وشعلااااا الناااس مني لوووووووووووووووووووول

حبيبتي خلي هالشيء ااااااااااااااااااااااخر همج وريحي بالج

انا ماني شايفة فيها مشكلة كلللللش …

المحبة من الله ..

والصراحة يعني اهل ريلي عزيزين وغالين بس مو اهلي اللي احتر لي حبو مرت حماي اكثر مني …

امي وابوي واهلي اي احتر عليهم بس شكو انا خالتي تحب مرت حماي اكثر ؟

خل تحبها .. وبعدين ؟؟

دام خالتي زينة معاي .. وكافة خيرها وشرها وما شفت منها اذية فهي عالعين والراس ..

ودام انا مرضية ربي وما اذيتهم وعلاقتي فيهم زينة ان حبوني يزاهم الله خير وان ما حبوني يسلم راسهم دام مو مأذيني ..

وولدهم يقوم فيهم وغصبن عليه لأنه ولدهم مو علشان يحبونه .. ومو فضل هذا ولا منة عليهم هذا الواجب .. ويعني اذا كان في احد ممكن يتأثر او يتضايق فهو ريلج ان يفضلون اخوه عليه بس انتي تتضايقين لأنهم يحبون مرت حماج ؟؟!! ماني متقبلتها عادي يعني ماحسها شي مهم وضروري ..

هذا الشيطان شاف امورج تمام مع حمولتج و يبي يدخل لج مدخل الغيره

اهيا تبتدي جذي و شوفي و ين توصل !!!

تعوذي من ابليس ماكو الا العافيه … اهم شي انهم يحبونج و يرتاحون لج و إن كنتي تحسين انهم يحبونها اكثر بس يظل لج عندهم مقدار و معزه

و بعدين مرات وايد مع اللي ما تمونين عليهم تصيرين زي الفل .. السوالف و الضحك و البرستيج و السنع مو علشان اني احبهم اكثر من غيرهم .. علشان انا ما امون عليهم !!!

بالعكس انتي المفروض تفرحين بهذا الشي ان حمولتج معتبرينج بنيتهم مو مثل مرت حماج اللي معتبرينها ضيفه و يحسبون لها حساب الضيوف !!

انا اقول تعوذي من ابليس و شيلي المقارنات من بالج و اهم اهم اهم شي صيري زينه مع ريلج و خالتج و حمواتج و لا تفكرين بهالشغلات … و ديري بالج تقولين حق احد من اهلج او اهل زوجج او صديقتج او اياً كان عن هالسخافات لان مع السوالف بتزيد الغيره و اهم نفسهم اللي تفضفضين لهم بيلاحظون تصرفاتج و يقعدون يستنتجون من مخهم و فلانه من الغيره سوت و من الغيره حطت !!!
انا عندي اثنين من اخواني متزوجين و من واقع تجربه مع كل جنه اقولج هالنصيحه

لا حول و لا قوة إلا بالله

حبوبه طالما ان خالتج وحمواتج يحبونج ويحترمونج خلاص هذا اهم شي لا تفكرين فيها وان لها معزه خاصه صدقيني هم انتي لج معزه بقلوبهم حتى لو اهي اكثر ودايما ادعي انه الله يحببهم فيج واهم شي انج تكونين كافه وطيبه واهم زوجج يا قلبي
الله يوفقج ان شاء الله
واذا قارنوا مرت حماج سوت وسوت ولبست ردي عليهم بابتسامه عليها بالعافيه

حبيبتي من قال ان الترحيب والسوالف والاستقبال الحلو دليل حب

مو شرررط

النااس مظاهر ولازم يسوون جذي معاها انتي عادينج مثل بنتهم واختهم

والمحبه بالقلووووب

لاتخلين ابليس يدخلج مدخل

تعوذي منه

وين المشكلة ؟؟؟ مدام يحبونج وطايحة الميانة حبيبتي لا تخلين الغيرة تعميج

حبوبه اثق انه المثل كل ماصرتي بعيدة يزيد غلاج

انا مابى ازيد الحجى الى قالوه خواتى بس عادى حبيبتى مفروض تستانسين لأنهم معتبرينج وحده منهم وفيهم وصدقينى يعزونج كثرها بسلأنه اهيا مايشوفونها وانتى ساكنه معاهم عشان جذى يختبون لما يشوفونها مو اكثر تعوذى من ابليس والله يوفقج ياعمرى

بس المواقف الكثيره اللي امر فيها تخليني افكر جذي

يعني لمن انا وريلي ندش البيت واحنا تونا معاريس ولا مسويلنا مكان على الطاولة ولا اكو قفشه ناكل فيها
ولمن يدش حماي مع مرته وكل وحده شاقه حلجها من هني لي هني ويسوولهم مكان ويحطولهم الغدا ويصبولهم الجاي

ولمن انا اقعد واقوم معاهم

سوري برب اكمل بعدين مشكورين بنات

حبيبتى تري شي عادى تدرين ليش لانه انى متعودين عليج ويشوفونج مرة حماج ابعيده عنهم فيصير الوضع غير اكيد بدارونها لانه بعيده عنهم وتلقين خالتج ما تبى اتضايقها اتخاف على ولدها ليش ابعيد عنها
بعدين بعيد عن القلب قريب للعين
يا عمرى راح اتشوفين نفس المعامله اذا انتى ابتعدتى عنهم اشوي وجربي اسبوع واحد لا يشوفونج وايد شغلى نفسج وشوفى المعامله راح تتقير معاج صدقينى
واذا صار عندج بيت وطلعتى عنهم وزرتيهم بالاسبوع مره راح اتصيرين نفس معاملتها صدقينى

الله يصلحم لج وانا حاسه معاج مو حلو انهم يفرقون علشان ما اتصير غيره