المعهد الديني

السلام عليكم

بنات اي افضل الثانويه العامه او المعهد الديني ؟

من ناحية الدراسه و المدرسات ..

ووين اماكن الدراسه فيه في منطقة مبارك الكبير التعليميه ..

وشكرا .. يا ليت تفيدوني

اختي اذا انتي بدشين من اولى ثانوي زين معهد ديني

المواد الشرعيه سهلة وهي اللي ترفع المعدل القران تحفظين جزء على سنة كاملة والحديث والتفسير والفقه كلة حلوو طبعا اللي يحب طلب العلم الشرعي والانجليزي مخفف حتى التعابير تافهه بس النحوو صعب شوي انا عن نفسي كنت ماشية فية وطبعا تراكمي وفيه بلاغة يعني مواد العربي سهلة بس المشكلة الوحيده ان الامتحانات واجد اسبوعين بس المواد زينه اعرف ناس واجد عاديين انجحوا ومشوا حالهم وتخرجوا للجامعه بس كل شي بالدراسه

هذا بالنسبة لي اما الثانوية العامة ماجرتها

اعرف معهد الديني بقرطبة وفي باصات وفي بالفروانية

والمدرسات كلهم عسل بالامانه ماعدا القليل

أختي تبين نصيحتي دشي معهد الديني لأن صراحه أنا عن نفسي أحس أسهل من الثانويه العامه لأن فيها مواد الشريعه وأهي اللي ترفع المعدل وزياده تاخذين أجر لأنج راح تحفظين 4أجزاء أذا تخرجتي من الثانويه والله يوفقج يارب
أهم شي أستخيري عشان ترتاحين

آآنا بالمعهد الديني الصراحه مواد الدين حيل حلوه وسهله بس الفقه يبيله شويه ويرفع المعدل وكل المواد سهله آآنا وحده أحب النحو فعندي سهل الحمدلله ودشي المعهد في إن شاء الله أجر طلب العلم

وانا بعد اضم صوتي لصوتهم

اذا تبين ادبي دشي المعهد نصيحه

بس اذا تبين علمي دشي الثانويات الباجي

لان المعهد ما فيه علمي

بس كدراسه ومواد وابلات وراحه المعهد يهبببببببببل

يعطيكم الف عافيه حبايبي ماقصرتوا

بس وين اعرف اقرب مركز عندي؟

مراكز منطقة مبارك الكبير؟

شوفي حبيبتي اذا تبين علم شرعي حياج الله بالمعهد لانج بتكونين
حابته وبتقدرين تمشين حالج فيه وع فكرة المعهد ما تمشي فيه الا الشااااطرة …

الفقه يبي له مجابل النحو <<امووت بهالمادة مع ان محد يحبها خخخخخ المهم اهي يبيلها حفظ وفهم ومراجعه البلاغه نفس النحو

اما باجي الموااد كلها يبي لها تحضير ومجابل ومراجعه ..

يعني من تدخلين المعهد راح تنكرفيين عدل <<انا خريجة معهد ولله الحمد بس كدراااسة لما اشووف رفيجاتي اللي برره
واهلي اللي يدرسون بالعامة الصراااااااااااااحة اهما حددددهم عايشين بعززززز …

بس هم بعد المعهد لا يعلى علييييييييييييه احلى ايام عمري قضيتها بالمعهد عموما انتي لي
حبيتي المكاان راح تقدرين تنجزين فيه …

وانتي دااايركت تروحيين قرطبة لانج بمبارك الكبير …
مع اني افضل ثم افضل ثم افضل معهد الفروانية .. ادارة + ابلات + طالبات كلهم عسل تبارك الرحمن

وما اذم بقررطبة بالعكس انا عشت بقرطبة 4 سنين متوسط وبالفروانية 4 سنين ثانوي
بس عن جد فرررقت علي .. عموما اذا تقدريين تجين الفروانية لا تفرطين فيه …

وفااالج التوفيييق يا الغاليه واي شي تبينه احنا موجودين

والله انا انصحج بالمعهد الديني وسهل حيل ولج اجر

انا ودي اكمل بس مرتبطه باعيال وريل
والله ان المواد كلها سهله والحفظ القران سورتين كل مرحله

بس يبيله امجابل ياما بنات مايعرفون شئ تخرجو منها

الله يوفقج ياقلبي انتي اي صف

قوه بنـآت ياليت تفيدوني وتقولون لي شنو المواد الي بلـمعهد الدينــي .ابي اعرفهم بلـيز واهو صعب ولا سهـل .
ياليت الي داخلته تقول لي

حياتي المواد واايد سهله صدقيني اسهل من الثنويات .. عندج فقه . حديث . تفسير . قران كريم .نحو . بلاغه .e . اجتماعيات . قراءه . و نصوص هذي للحادي عشر وفوق اما العاشر وتحت لا اكثر زياده عليهم توحيد و حاسوب و علوم و رياضيات هذي مواادهم بس صدقيني ووايد سهله .

والله يوفق الجميع .. ادعولنا

مشكوووووره يااقـلبي ع المعلـؤومه : ) .
بس بغيت اعرف انتي تقولين عاشر فيه رياضيآت ؟؟؟ الي اعرفه معهد ديني للمراحل كله من اولى ثانوي لي رابعه ثانويه مافيه رياضيآت انتي دارسه بالمعهد دييني ؟.؟؟

صرااحه انا ماشفت المعهد بس بنت خالتي بمعهد الفروانيه دشته لان قاالوولهاا ان اسهل واهياا نظامها ادبي فا قالولها دشي ودشته وانصدمت منه لان واايدد ضغط عالبناات والابلاات والاداره مسكريين عليهم وابلاااتهم كلش مو شي بس يحبون المشاكل والبنات اشاعااتهم وايد << هاذا اللي يقولوونه
ومسويلهم نظام خالتي قماشه كااااااااااااااااااااااااااك << وين قاعدين احنا هااذي مدرسه شنوو هاذا الله يكوون بعوون البنات مساكين خخخ وموفقين ..
المهم ما عليينا بس هاذا اللي اعرفه عنه فا لا ادشيينه وايد احسن

وين سهل صعب صعب انا بالمعهد الديني موااااااااااااااااد وايد كل شي يبيله مجابل النحو تراكمي مع البلاغه استغفرالله النحو الي ناخ>ه مال الجامعه وغير الحفظ والدراسه امتحانات 3 اسابيع وغير النفسيه وبالنسبه للرياضيات والعلوم باولى وثانيه مع التوحيد وثالثه ماكو لا علوم ولا رياضيات ولاتوحيد ويزيدون ماده الي هي منطق ونسبه السقوط بالمعهد واااااااااااااااااااااااايد الي تبي تدش المعهد لازم اتكون فاضيه واتجابل اول باول وبعدين بنات المسائي حسد اعو> بالله مايبون الخير لحد وقيل وقال لوعه جبد المعهد الديني انا افكر احول ثانويه

انا بمعهد ديني انصج بالمعهد الديني لان ما في اسهل منه والابلات عسسسسسسسسسسسل متعاوني معاج ويساعدونج والاداره نفس الشئ اما المواد سهله مواد شرعيه والمواد العااديه ..

والمعهد الديني بنات فيه اثنين واحد بقرطبه واحد واحد بالفروانيه

بنــآت والله حـيرتوني الي تقول صعب والي تقول سهــل !! انا رحت للفراونيــه وقالت لي مديره المدرسه اني اروح للمسـآئي الي اهو بالانـدلس من 4 العصر لي 8 بليل ! وقالت انهم يساعدون فـ أبي اعـــرف بنـآت لاني محتاره شنو ادش السنه الجآيه ثانويه عامه ولا معهد ديني ! وانا بعاشر بس رياضيات عاشر سهل ولا صعــب !؟