|
|
اول شي انا بالصف التاسع ورايحه للعاشر وودي لماا اخلص الثانوي ادرس شريعه .. تنصحوني اكمل الثانوي بالمعهد الديني ولا لأ
وابي اعرف عن المعهد الديني كل شي مثل .. دراستهم سهله ولآ صعبه / شنو المواد اللي نآخذهاا " عآشر " / وين مكانهم / شنو الفرق بين المعهد الديني والمدارس العاديه / شنو لبسهم / متى الدوام ……………..
وبليز كل اللي تعرفونه كتبوه ..
والله ان احلى ايام عمري كانت فيه
لبسهم رمدي ساده يعني بدون قميص ونفنوف لا كل نفنوفج رمادي وحجاب الابيض وماتحيين العلم ولا توقفين للمدرسه
ودراستهم تهبل تنقي النفس وتخليج اكثر التزاما مو تعقيد
والله يوفقج ياب وانشالله للامام
بس بسألج الساعه جم الدوام و" متى نطلع ؟ " < اهم شي 
/ في طابور ولا لأ ؟
إذا بتدخلين شريعه وايد أحسن لج المعهد ع الأقل يكون عندج خلفية كبيره عن العلوم الشرعيه قبل الجامعه ..
انا السنة اليايه بروح 11 إن شاء الله
بالنسبة لعاشر .. المواد : نحو , بلاغة , قراءة , نصوص , محفوظات .. علوم , رياضيات , حاسوب "بس تاخذينهم بتاسع وعاشر " .. اجتماعيات , انجليزي .. فقة , تفسير , توحيد "بس تاخذينه بتاسع وعاشر " , حديث ومصطلح , قرآن وتجويد ..
نصيحه إذا مو شاطره بالعربي لا تدخلين إلا إذا خاطرج اتشدين حيلج وتفهمين مواد العربي ..
بالنسبه لمادة القراءة اهي فيها دروس النثر مالت مادة العربي العادية إلي تاخذونها برا ..
و النصوص اهي مالت الآيات و الشعر و هالسوالف ..
النحو اعتقد تعرفينه نفس إلي تاخذونه بس بالتفصيل و بمادة بروح ..
البلاغة هم اتوقع تعرفينها .. هم ناخذه بالتفصيل وبمادة بروح .. "يعطونج كتاب يكون معاج من تاسع لـ12"
"النحو والبلاغة دراستهم تراكميه يعني دروس تاسع بتظل معاج لين 12 "
المحفوظات مادة سهله مادري ليش حاطينها ..
مالت الشعر و الآيات إلي حفظتيهم بالنصوص اتسمعينهم و درجتهم بروح يعني جنها هدية هالمادة ..
العلوم و الرياضيات مو مفصلين و وايد محذوف منهم ..
الحاسوب عادي اظن نفس إلي تاخذونه برا ..
الاجتماعيات مال عاشر و يقولون مال 12 لج عليهم شويه بس شدي حيلج والباجي على الله ..
الانجليزي .. انا لحقت على مال المعهد بس انتي دفعتج اظن بتدرسون العادي نفس الي برا ..
الفقه دسم شوي يعني دراسته دسمه بس الاختبارات و الماده كـ كل حلوه وسهله إذا حبيتيها ..
التفسير آيات و تفسيرها معاني الكلمات و شرح اسباب النزول اذا كان فيه و الحواشي .. الاختبار دايما سهل ماشاء الله ..
"الفقة و التفسير كتابين كلهم مجلدات راح يعطونج اياه ويظل معاج من تاسع لـ 12 "
التوحيد مادة سهله عن العقيدة
الحديث و مصطلح .. طبعا عاشر مافيها مصطلح بس حديث .. أحاديث حفظ و أحاديث دراسه على حسب ..
المادة سهله وحلوه .. بس حديث و شرحه ..
القرآن و التجويد .. بالكورس الواحد تحفظين حزب .. يعني بالسنة جزء .. ترى سهله و انتي و همتج ..
والتجويد تبع القرآن أحكام التجويد وجذي .. يعطونج كتاب يكون معاج من تاسع لحد 12 ..
التعبير و التلخيص يكونون ظمن مادة القراءة ..
بـ 11 و 12 إن شاء الله تاخذين بدال التوحيد منطق ..
وبجذي انكون خلصنا المواد ..
طبعا المواد إلي أقول عنهم سهله ترى كل شي يصير سهل لا حبيتيه حبي المواد وكلها بصير سهله إن شاء الله ..
المكان بس فيه معهدين .. معهد بقرطبه و معهد بالفروانيه ..
اللبس قبل كان نفس ما قالت الليلاس .. بس الحين صار عادي من خامس لـ ثامن لبس متوسط العادي
و من تاسع لـ 12 لبس الثنوي العادي ..
الدوام نفس باجي مدارس الكويت يالغاليه ..
وبينور المعهد بوجودج ..
وسلامة راسج .. إذا عندج أي سؤال بعد انا موجوده ..
ولا تنسيني من دعواتج
د.كويتيه ..
الله يوفقــج .. ^_^