المعلمة اللي مايمر عليها يوم الا وتكشخ تدخل

[SIZE="4"][SIZE="4"][SIZE="6"]السلام عليكم ورحمة الله وبركاته
ارحب فيكم جميعاااااا"""""""""""

يمكن موضوع غريب

بس والله يحتاج مناقشة……….أنا معلمة صارلس سنة يعني العام الدراسي الل تونا مخلصينه كنت تعين جديد مو هذي السالفه"""""""""""انا طال عمركم مجنونة كشخه اكيد بتقولون شلون؟؟

مايمر علي يوم الا لابسه بدله جديدة وحاطه ماكياج ومو اي بدله واي ماكياج لازم يكون كل شي مشرق بس مناسب للدوام فمكياجي مساحته مو كبيره ولكن الوااااااان وضحه ومناسبه لشكلي بس هالشي مبالغ فيه لأني وصلت لمرحله اني اذا قعدت متأخر ومافي مجال اكشخ ودي اغيب أو ادق تلفون واستأذن عشان هالكشخه بالرغم من ان البيئة الل انا فيها مايكشخون والوانهم كئييييييييبه مع العلم اني ولله الحمد مجتهده جدا وشطووووووووووووره
بتقولون شلي حادج ومتعبه نفسج بالهشكل؟؟بقولكم اني اكشخ لنفسي لاني احس في اليوم اللي ماأكشخ فيه قلبي ميت مافيه حياة ولالي خلق الشغل احب الالواااااااان""""""
واكتشفت بعد فترة ان كل اللي اتعرف عليهم يقولون لي شكلج متكبره مع اني متواضعه جدا وأحيانا يبدون رايهم بشكل سلبي على ماكياجي او بدلتي وادري انها غيرة حريم لأن اللي تنتقدني صاراها كورس مابدلت عبايتها!!!!!!!!!!!!!بس عادي عندي وأساندهم بكونه خفيف او مبالغ فيه """""""""

هل أنتم نفسي من ناحية الكشخه؟؟وهل هذا السبب في كونهم يروني متكبرة؟؟؟

شنو رأيكم؟؟؟؟

بانتظار ردودكم؟؟؟؟؟[/SIZE[/SIZE[/SIZE]]

احم احم انا بعد ابلة روضة وهذه اول سنة لي

والله يابرنسيسة شيء طبيعي انج بتكشخين اول سنة تعيين نفس حالتي
بس الكل يقول لي اتحداج اذا بتستمرين على هالكشخة بعد خمس سنين

ومو عيب اذا كشختي ولا هي مشكلة

بس انا ما اشجع المكياج اليومي اللي من صباح الله خير ترسم لج عيونها ماله داعي يعني كحل داخل العين ومسكرة وقلوس وبسسسسسس احنا يايين نشتغل مو يايين عرس صح ؟

والله معانا وحدة بالدوام كل يوم ترسم عيونها ومكياجها الله يهداها جنها بحفلة مو بروضة وتترصرص بهاللبس كل يوم

طلع عليها حجي من اولياء الأمور استسوى عليها ؟

انا انصحج كشخي بس مو الكشخة اللي تلفت النظر والمكياج خطي شيء بسيط والحلوة حلوة لو تقعد من النوم

لا تخلين الكشخة هاجس لج بالدوام وكشخي برى الدوام احسن

مساء الخير يا برنسيسه شوفى يا اختى انا ما اقولك لا تحطين مكيياج لكن يفضل انك تحطين خفيف تدرين ليش علشان باكر اذا تزوجتى وفى ليلة فرحك تكونين زاهيه وحلوه لكن اذا استمريتى على نفس طريقة ميكياجك ما راح تزهين ليلة عرسك هذه نصيحتى لك وانتى براحتك

كنت عارفة بتضنون جذي بس انا ماكياجي رااااااااقي خفيييييييييف بس الوان وبعدين قلتلج ماكياجي وبدلاتي مناسبة للدوام وللعلم انا انسانه في بداية الدوام لما ماكانوا يعرفوني عبالهم ان ازرق وارجع عشان العباية اللي البسها اذا بصور اوراق مستحيييييل اروح الادارة بدون عباية حتى ا وحتى في اجتماع اولياء الامور

شوفي مافي احد ما يحب الكشخه

لكن المكياج اليومي والحر والشمس تخرب البشره مع الوقت

انا كنت نفسج اكشخ حدي بس مع التعب والكرف مليييت خصوصا ان لبسج يكون غالي وماركه وينكرف بالدوام والغبره واذا انعزمتي تلقين اغلب شحاطاتج وملابسج مكروفه

لذلك صار لبسي للدوام مانتوات موديلات حلوه وما اخذها من حريم عساس لبس ما يصير زي موحد خخخخخ

وملافع ذربه وجواتي عمليه لان انا نصابي 18 حصه واذا ريحوني عطوني 12+اعمال اداريه

وبالنسبه للمكياج كريم مرطب وحمايه وكحل داخل العين وجلوس بس

ومع ذلك للحين يقولون عني انيقه

اهم شي النعومه والبساطه

والكشخه تكون بالاستقبالات والزيارات والعروس ابرك

وبالنسبه للبس ماواجهت احد يكره احد من لبسه الانسان يفرض شخصيته واحترامه على الكل

ونصيحتي لج كوني بشوشه وساعديهم مو عشان يحبونج بالعكس خلي مساعدتج لوجه الله

بالعكس اللي تسوينه شي طبيعي

عندج أنا السنة اللي طافت أول سنة لي بالتدريس

وبصراحة كنت ألبس وأكشخ وكل أسبوع أروح السوق عشان أشتري بدل جديدة للدوام

بس ملابسي بالدوام معظمها سبور يعني تنانير وبنطلونات جينز مع توبات وبلايز وبديات + مكياج وسط لا هو خفيف ولا ثقيل

مع أن مدرستي معظم مدرساتها يلبسون عبايات سود أو مانتوهات شغل العربيد

بس كنت أكشخ علشان أحس بالحيوية والنشاط وعلشان تتحسن نفسيتي لأن كل شي بمدرستنا يسد النفس

زبدة الكلام أن وجهة نظرج صحيحة لا تخافين

يمكن انا لي وجهة نظر غيرررررررررررر

انا ما البس بالدوام الا عبايه وملفع وجوتي مكرم السامع طبي لان نصابي عشرين حصة <<< ابلة عربي>>>

هذا غير عن الكراف من تصوير تقويمات واوراق مهمه وغيره وغيره

وانا اساسا الصبح ما عندي وقت عيالي مدارس والبس واصارخ من صباح الله خير

غيرهذا وذاك

انا ما اسوق يعني لازم حنه ورنه علشان الابو يقوووووووووووووم

وبعد تبوني احط مكياج وبدلات ومشرقه من الصبح

لا والله حدي عبايه وكحل قلم ومسكرة وحمرة خفيفه وكان الله غفووووووووورا رحيما

هها حلو موضوعج

انا اول سنة كنت كل اسبوع اشتري لبس ومعاشي كله على لبسي والسنة الي وراها طلعت اجازة مرافق وناوية اذا رديت ارد حق الكشخة لان مظهري جدام زميلاتي يهمني خصوصا اني اطلع بعباة

بس انا ما احط ميك اب مول لان في ريايل ففي الاعراس والمناسبات المكياج يعطيني لوك وفي الدوام لبسي يعطيني لوك

الخلاصة انت صح دونت ووري

يحليلكم ماشاء الله حتى الي مالها خلق وتصارخ على عيالها وتقعد ريلها للدوام لازم حمرة وكحل وماسكارا…… ليش انا غير

انا حدي كحيانة بالمدرسة واااااااااي افشل زين خخخخخخخخخ عباية وملفع ونظارة طبيه لان اقعد من النوم حدة حدة خخخ احب النوم …. حتى احس ان المدرسة ماخذة عني فكرة اني مبهذله مادري احساس (يمكن لان صادف اول سنة وحامل بعد)

حتى مرة كنت لابسة عباه والا بنطرون البجامة مبين من تحت

بس بالنسبة للابلات عندنا وايد يكشخون وبدلات وعندنا الي نفسي عباة ومن تحت بنطرون البجامة مبين خخخخخ

سب انا اول ماتعينت جم يوم بس لبست تنانير وكنت ذربة (وانا اساسا ملتزمة بالعباه) شفت الوضع بالمدرسة مايخلى من الريايل من موجه ومصلح تكييف وغيرة فهونت

المشكلة مو هني المشكلة شلون اصير مرتبة للسنة الياية اول الايام مفكرة البس بدلات لكن بعدين ؟؟؟؟؟؟؟ ابي بما انكم مدرسات ادزولي رقم جم وحدة تسوي مانتوات مرتبة وحلوة

وشاكرة لكم

بالعكس عادي وضعج

انا كنت اول سنه كشخخخخخخخخخخخخه
حتي كنت اصغر وحده بالمدرسه واكشخ وحده
والناظره مستانسه علي وتقولي شكلج كيوت

والله وكيلج صكوني عين
ياني عوار بريلي
كنت ابجي منه بجيييييييييييييييييييييييييييييييييييييييي

بس انتقلت من المدرسه
مافيني الا العافيه

شوفي بمدرستي اليديده
بما اني ادرس صبيان فلبسي فيه بنطلونات
وتنانير قليله

بما ان شغلي زاد هالسنتين
فالبسي تغير

يعني فيه كشخه
بس مالبس ماركات بالمدرسه
لانهم راح ينكرفون

فيعني البس يكون مرتب وعلي الموضه
وهم كيوت

وطبعا
لازم الكحل والحمره والغلوس

والجنطه الماركه

وسلامتج

ذابحتنا سوالف المدرسه … ورانا ورانا ياربي

لووول

انا بأول سنه … كنت البس بدل و تنانير … بس عقب مليت .. التزام ولازم انوع و اكوي من الصبح و مرات الاحظ العرق على الابلات فقلت اكيد انا هم يبين علي !! خو حالي من حالهم … وهم اذا سلمنا من هذا كله … ما نسلم من الوصخ و الغبار و الممرات اللي كلها عصير بالفرصه .. غير الطاولات القديمه اللي تنتل الملابس ..

جاااان اهون و البس عباة حالي من حال خلق الله … لان اغلب المدرسه عبي و مانتوهات شغل حريم
و صرت اركز على الساعات و الخواتم و الجواتي تكرمون …والاهم الملافع ..

بس بكل الاحوال … ما لهم حق يحكمون عليج من لبسج انج متكبره … المفروض يتركون مجال يتعرفون عليج .. و الحمدلله اللي عرفوج و تخلو عن فكرتهم عنج

خلج على كشختج اذا مو مضايقتج ما عليج من احد
و ديري بالج على بشرتج من الكريمات و الميك اب اليومي ..

وبس سلامتج … شكثر قرقت

خوش موضوع تدرين انا صارلي سنتين من تعينت وليومج هذا كل يوم بدلة وحتي الامهات بالروضة مسميني المتألقة والمدرسات من حقدهم يطالعونج من تحت لي فوق مع اني نفسج البس حق نفسي علشان اي فرش والاطفال يستانسون عاللبس الملون لين صكوني عين والله للحين مو مترقعة ومفكرة ألأبس عباة علي طول اللي ياني كافي وادعولي بالستر والعافية ياعلكم العافية

اشفيكم مكبرين الموضوع معرووفة اي وحدة توها متوظفة لازم تكشخ وتفسس المعاش اللي ماعاش

ومن عقب جم سنة تركد شوي وتبتدي تكون عملية بلبسها ومكياجها

لا وبعد من اذا تزوجت وحملت وكثروا عيالها يتغير الوضع

اكشخي و ستانسي
اذا انتي صغيرة و ما كشختي
متى بتكشخييييييييين؟؟
لما تكبييرين و الجسم و الوجه يترهل؟
وراي الناس مفروووض ما يهمج
اهم شي رايج في نفسج

انا البس لبس عادي لبسي سبورت او تنانير .. ولبسي مرتب ويديد

بس الأغلب بنطرونات بما اني ابلة روضه وكل شوي قاعدين بالأرض مع اليهال واسرعلي بالحركه وروضتنا اتيب اليهد مو مال واحد يكشخ فيها حسافة لهدوم الكشخه لها

بس البس عشان نفسيتي واحس اني فرش ونشيطه

والمكياج يمكن اول ايام الدوام قبل لا يداومون اليهال .. وباجي الايام على حسب المزاج ومكياجي بسيط كريم اساس وكحل وقلوس ..

الصراحه اخلي هدومي الكشخه حق لما احد يعزمني مو حق الروضه الخايسه