المعرس مو محتاج نصايح!!!

السلام عليكم

اشلونكم؟

بمجرد ما تنخطب البنية تهل النصايح عليها.. سوي جذي ولا تسوين جذي.. وديري بالج على ريلج.. لا تزعلينه.. سوي اللي يبيه و… و.. و.. و.. الخ..

وطبعا أغلب النصايح دمار للمرأة على المدى البعيد لان غالبا ما تكون النصايح متحيزة للرجل.. وماتراعي نفسية المرأة!!

سؤالي: ليش المرأة اللي يوجه لها الكم الكبير من النصايح بالمقابل مانشوف الرجل يتلقى نصايح بكيفية معاملة المرأة ومداراة شعورها وخصوصا انها تختلف معه بالاطباع.. فالرجل غالبا ما يكون خشن قوي والمرأة رقيقة مرهفة المشاعر!!!

ليش النصايح التي "قد" توجه للرجل تكون نصائح مادية مثل لا تقول لها جم معاشك!!! علمها تساعدك بمصاريف البيت!! وغيرها ؟؟؟

ليش ما تتبنى الدولة مشروع تأهيل المقبلين ع الزواج!! يتلقون دورات يتعلمون فيها بدال كلام فلان وعلان!! وأتوقع هالشي راح يحد من الطلاق ويقلل النسب..

اشرايكم بالموضوع؟؟؟؟

صح كلامك دايم النصايح للبنات أما الرجال لا مدري ليش !!!!!!!!!!!!!!!!!!

بصراحه فكرة ممتااااااازه

وفي بعض الاهل ينصحون ولدهم الا من رحم الله ..!

وتلقين المعرس كل خبراته بالزواج عن طريق تجارب ربعه الفاشله طبعا ..

صدقتي اشتيااااق بعض الربع والاهل ما ينصحون الا يشيشون ويخربون بيوت على ابو ان تحكم فيها وادقمها وهو تلاقينه جخاخه عند مرته خخخخخ

اجل في واحد ينصح خويه يقول لا تخلي مرتك تحمل الا عقب سنه عشان تعرف طبايعها عدل !!!!!!!!

موضوع رائع و الله و يسلمو على الطرح
لو يسون دورات تدريبيه لتعليم الرجال و النساء اشلون يعاملون بعض على اسس ديننا و الله كان الكل ارتاح
ترى الاسلام كرم المرأة و اعطاها حقوق وااااايد احنا بهالايام نتنازل عنها شكو انا ما ادرى و بالاخر كله على راسنا

مشكــــــــــووورين ع التفاعل

شخصيا لما تزوجت فروا راسي الحريم من كثر النصايح!! وطبعا ما اخذت الا بنصيحة وحده اللي اهي "لا تنامين بره فراشج حتى لو كنت زعلانه"

بالمقابل اشوف زوجي ابسط الاشياء مايعرفها.. استغرب منه بس ما الومه!! لأن ما شاف هالشي عند اهله ولا في توجيه من أي جهة له بالتالي أكيد ماراح يعرف!!

حبيبتي ترا في مراكز تنميه اسريه وعندهم قسم مختص لاستشارات ماقبل الزواج

يعني الفكره الي قلتيها موجوده لكن وين الريال اللي يكلف على عمره ويروح ؟؟؟؟!!!!

وترا هم في ناس ينصحون عيالهم بس نصيحه عن نصيحه تفرق وانا وحده وااااااااااايد عانيت ببدايه زواجي من نصايح الاهل الي تودي بداهيه مع ان بالنسبه لي كنت ما سمع الا نصايح يدتي وامي فقط لاغير واسمع من الكل بس مو اي شي يدش راسي

وحاليا البنات ماشاء الله ينصحون ديره مو محتاجين نصايح
مشكوره عالموضوع

مراكز التنمية مالها دور واضح.. أتوقع السبب اعلامي

الحين عندنا الفحص الطبي قبل الزواج اجباري..

اشلون عن الناحية النفسية؟ على الاقل اذا مو دورة اجباريه خل يوزعون كتيبات على المقبلين ع الزواج خل نستفيد

واذا تقولين البنات ينصحون ديرة.. اي راح ينصحون بس بالمقلوب !! والدليل نسبة الطلاق المرتفعه

الصراحه خوش موضوع
بس مادري ليش الكل ينصح البنيه اذا بتزوج سويله وفعليله ولاتزعلينه وسامحيه اذا غلط بس الريال نو نو ..

عدل كلامج
بس في اهل ينصحون عيالهم نصايح عدله
وفي اهل لا يخربون بيوت
عن امي كله تنصح اخوي مع ان اخوي ليلحين مو سن زواج

مشكورة اوخيتي

الولد لي قال يمه روحي خطبيلي بعرس اهني يبتدي دورها ودور الابو يقعدون مع الولد ويناقشونه واول سؤال يكون شتعرف عن الزواج؟؟؟

اذا قال وناسه وطلعات وهياته مع المره المفروض يقولوله ماتشوف شر يمه لي كبرت نخطب لك

ون قال الكلام المنطقي اللي اهو بعف نفسي عن الحرام وبفتح لي بيت وبكون مسؤول عن اسره وانا قادر اصونها واخاف ربي فيها قالوله علي بركة الله

والنصايح من الام والابو مايوقف دورها بس قبل الخطوبه لا يمه لازم يكونون وراه وراااااااه حتي لو ياب عشرين ياهل من بنت الناس العيال مايتستغنون عن نصايح اهلهم
حتي لويعرس وتصير بينه وبين مرته مشكله اهو سببها الام والابو يعصرونه ويرصونه ويسنعونه مو بس البنت خنت حيلي دوم النصايح لها

كل من على حسب تربيته ,, في امهات يحبون حق جناينهم اللي يحبونه حق بناتهم وفي العكس ,, , والحين في وايد دورات للمقبلين حق الزواج ,, يسوونها بصالة الزبن بالروضه

بحرينية@ماركة
حـبـ ǎdmấйt ــڴ
(مطيرية ماركة)

شكرا ع التفاعل

الغاليه نونو.. عجبني كلامج .. بالاول لازم يتأكدون أن ولدهم مستعد للزواج