المشروع الوطني للطلبه عشان يعطلون صج او غشمره ؟؟

توني قريت موضوع عن مشروع ال ايه ال وطني يطالبون الطلبه انهم يعطلون ؟؟

الحين اللي كاتبه الموضوع من صجها ؟؟؟ اللي داز الايميل وقاعد ينشره عشان يوصل لكل الطلبه قبل المدرسه من صجه ؟؟

مااقول الا استحو على وجيهكم يا عيال النيدو ياطلبه التسدح والتبطح لعنبوكم 3 شهور ماكفتكم معارضين على 10 ايام

الناس وصلت القمر وانتو ماوصلتو بيت جيرانكم

اتمنى اقرا مواضيع تحث على العلم والتطور نطور الكويت نطور من نفسنا مو نحث على التمرد شوفو الناس وصلت وين وعيالنا وين اكثر الامراض عندنا ومو عارفين نعالجها كله مرضانا برا معتمدين على غيرنا شوفو مباني الدول الثاني وشوفو ديرتنا

قبل الواحد يطلع من الابتدائي يقرا ويكتب الحين يوصل الثانوي كل كتابته بدليات مو منه من النوم

قبل المدرس له هيبه الحين طقة المدرس وطقة الجلب واحد

عيب والله عيب

اي والله صاجة يا ختي

:/

………………………………………….. ………………………………………….. ……………………..

والله شوفي انا مخلصه دراسه من زمان بس شنو فيها المدرسه غير سياسه تنحيش للطالب ؟
تجحيش وطلبات وامتحانات ولوعه جبد ويكرهونهم بالمنهج ليش ؟
ليش مانسوي مثل امريكا يحببون الطالب بالدراسه
والله العظيم اعرف اسره كويتيه عيالهم درسوا بالكويت والحين بامريكا لظروف والله مايبون يردون الكويت والله يبجون اذا صارو ويك اند يبون المدرسه
ليش احنا مو مثلهم ؟ ليش الطالب لاراح المدرسه يرد مهدود حيله ابسط الحقوق حطو تكيف سنع صكروا المدرسه جونا مو مال ساحه شكبرها بنص الشمس وجونا الله بالخير باريسي والله مايلامون اذا تلككوا عيالنا عالعشر ايام الله يعينهم

أحببببببببببببببببببببببببج على كلامج الحلو ياحلوة …………

والله إنج على راسي والله

اضم صوتي اشندوخه

شندوووخه كفيتي ووفيتي يالغلا

مابعد كلامج كلام

المدارس بالكويت صارت بيئة طاردهـ ..

لو يهتمون صج بالتعليم واهتمامهم مبين عدل جان ماطالبوا بالعطله

بس صدقيني الوزاره نفسها ماهتمت بالدراسه

أييدج بالكلام 100% وهم في مدرسات يجعمون اليهال بالصف ويحرجونة وبعضهم يستعملون أسلوب التخويف والطق بس عشان يبون الطالب يبيض ويهه جذام الموجهة

وهم تبين الصج أحنا إكبار مانستحمل دوامات بالرمضان والله أخيس من الحر بالجامعة والواحد راسة يدور وهذا إحنا بسياييرنا وبالحرم الجامعي داخل عيل أشلون اليهال والحر حراااااااام

نبي عطلة …

هذا انتي قلتيها عشرة ايام يعني شنو بتزيد او تنقص لو اجلوها لبعد العيد شنو بتأخر هالعشرة ايام شنو بيستفيد الطالب والمدرس بهالعشرة ايام غير التعب بهالحر و هو صايم صراحة قرار ماله داعي .

والله انج صاجة
شوفي المنتدى وبدليات الالف والتاء .. الخ

الحين انتي من صجج حاطه موضوع كامل بتردين فيه على موضوع وحده يبا ليش العباله ردي عليها بنفس موضوعها وخلاص وبعدين ما اسمحلج تقولين علينا طلبة التسدح والتبطح مادري شنو لو انج ذايقــه اللي نذووووقه بالمدارس الحين جان ما تجرأتي وحطيتيلج موضوع كامل عشان تقولين فيه طلبة التسدح والتبطح وعيال النيدوو <<<< ترا في اسلوب احســـن ؟؟؟!!!

ممكن اعرف شنو تتكلمين عنه عشان اعرف ارد يعني شنو اهو المشروع اللي تتكلمين عنه

ومن ناحية عيال النيدو صاجه التعليم اخترب والسبب ان المدرس صار ماله هيبه انا مدرسة روضه ولو قلت كلمه لياهل يتني شكوى اليوم الثاني

صار المدرس يخاف من القوانين اللي فوق راسه وصاروا الطلبه مدلعين ومايحترمون المدرس

اما التعليم قبل لو الولد او البنت تذبحه المدرسه اهله ماقالوا شي عشان جذيه يطلع يهتم بالتعليم ويسمع كلام معلمه ويحترمه

انا مع كيووتيه @@

حبيبتي ترا في اسلوب احسن من جذي

كيوتيه كفيتي ووفيتي حبيبتي انا معاج

صح لسانج شندوخه

انا ارشحج تصيرين وزيرة التربيه

كلج حنيه