المرجع الشامل لكل عروس بتجهز من الرياض

عطورات فرنسيه:
شارع السويلم سألو عنه
عند اسواق الديره عنده كل العطورات مالت باريس غاليري ودبنهامز
بس اسعاره ارخص بواااايد واصليه

عطورات شرقيه وعود:
اسواق المعيقليه همن بعد صوب اسواق الديره جريبه حيل من السويلم

نفنوف العرس والبدلات :
اول شارع العليا مجابل سوق الكمبيوتر
فيه مجمع يبيع نفانيف عرس امريكيه
و بعد مارينا مول خوش بدلات اعراس
ومجمع نجود وسياحيه مول قبل الفيصليه
والعليا مول

جناط:
اصلي >> المملكه (قوتشي كوتش جيفنشي بيربيري فالنتينو لوي فيتون رالف لورين ديور شانيل ارماني )
الفيصليه >> جوسي كوتش دكني هارفي نيكلز
واكو غيرهم نسيتهم

لبس بيت وبجامات وجواتي عزكم الله وجذي
صحارى , رياض غاليري , حياه مول , بانوراما
وماانصحكم بالهرم
صج يشوقون بس مو مالت كد ومد
لبسه ويقلب عليكم خامها
فلاتعتمدون عليه اخذو منه بس لاتكثرون
اخذو من سيتي ماكس اذرب من الهرم ورخيصه

تقليد ماركات
رويال مول + العزيزيه مول + الاندلس

اكسسوريز ذرب
فتيحي وهارفي نيكلز وحياه مول الدور الثاني

تصميم خواتم وذهب وجذي
اسواق طيبه

مواعين
العويس
ومحلات باخشوين والخنبشي والسيف

كل الاماكن شمال الرياض
ماعدا اسواق السويلم والمعيقليه صوب قصر المصمك
اتمنه ايفيدكم الموضوع
ولاتنسوني من دعاوتكم