المرأه بعد الثلاثين . الصحه والغذاء

مرحبا اخواتي

ماادري اذا في موضوع بنفس المضمون او لا

ياليت نفتح ملف خاص بالمرأة بعد الثلاثين
عن الفيتامينات التي يجب ان تتناولها,,, والغذاء التي تحتاجه في هذا السن
عن طرق العناية بالبشرة
وعن الأمراض التي تكون عرضة لها

عموما عن اي متعلقات بالمرأة في الثلاثين
اتمنى من الكل من لديه معلومه او تجربه يدلي بدلوووه

ارجوا الإفادة وجزاكن الله خير الجزاء

هلا فيك حبيبتي

بانتظار ذوات الخبره>>>>امش يامدرسة اللغه العربيه خخخخخخ

بانتظار البنات وخبراااتهم

شاكره مرورك غاليتي

up

up

up

موضوع حلووو انا توني 32وحابه استفيد معاكم

بغيت اسأل صج البويضه تقل عندهم تصير ضعيفه

يعني مقدر أحمل ثاني مره أفيدوني

لا حبيبتى تقدرين تحملين ماله شغل السن فى بنات اللحين صغار تقعد الوحده من سنه الى اربعه سنين او اكثر يالله تحمل

انا 31 وحاليا احافظ على اخذ الكولاجين للحفاظ على شباب البشره
ومهتمة بالترطيب الدايم لجسمي
وجسمي محافظه عليه يعني من اولد ابدا رجيم ورياضة بعد الاربعين
ويرجع جسمي زي اول واحسن والحمدلله حتى كرش مافيني واحب
اجدد بالقصات والصبغات واللي يشوفني يقول عمري باول العشرين
وماسمعت بسالفة ضعف البويضات بالعكس تكون عندك القدره افضل
على الانجاب

مجنونه والله ماعطيتج بهالعمر فكرتج 22او 23
ماشاء الله

بالتوفيق مو ضوعكم حلوووو
انا 26 بس حابه اشاركم
واستفيد< مابقى شي 30

ههههههههه انا اكبر منك بسنه

لا ياقلبي مااعتقد هالشغله لها دخل بالعمر

وشاكره تواصلك يالغاليه

انا ان شاء بروح لدكتورة بشوف شنو تنصحني فيه

حلووووووووووو حلوووووووو

انا نفس الشي بالنسبه للبس والجسم والشعر

بس تعرفين المراه بهالعمر معرضه للاصابه بامراض كثيره الله يكفينا الشر

اقلها هشاشة العظااام

يعني نبي نشوف شنو ممكن ناخذه من فيتامينات

شاكره تواصلك غاليتي

واسعدني مرورك اللطيف

هشاشة عظاااااام!!!!!!!!!!!!!!

الله يهداك خليتينا عجايز اهل الجنه عمرهم 30 يعني افضل عمر صحيا ونفسيا

حياك ياام ناصر

تدرين اصلا يقولون المفروض هالشي تبتدي فيه الوحده من بعد سن العشرين يعني تبتدي تهتم بهالشغله وتهيأ نفسها

ههههههه بس هذا حالنا مانهتم بالشغله الا متأخر

ياكره العمر البارح كنت تونى بالثانويه وهالحين في منتصف الثلاثينات يالله طولة عمر في طاعتك ياكريم

بنات اللى يستخدمون الكولاجين ياليت اتحطون لنا احسن كريم ……

الماااي يابنات وعصير برتقال الطااازج كل يوم ولااازم القلاص كبيير مو مجكنم وتقصون على روووحكم

المشي والرياضه لان بعد 35 يبدي جسمج يقاومج فلازم انتي تهاجمينه قبل لايهاجمج ( هههه حشى داشه معرركه)) ترا صج معرركه

المهم فيتامين e مهم وضروووري لانه مضاد للاكسده ويحارب التجاعيد ومفيد للجسم عموما

الفاازلين حق الترطيب سواءا الوي او الجسمم

التفاح الاخضر لازم تاكلين تفاحه باليوم واذا ماتقدرين ضربي تفاحه اوحليب بالخلاط واشربي بالعاافيه

امممم شنو بعد امممم اي تهاااجم السيلولييت جسمج كللله يعني لازم رياضه والاهم المشي بالصيف على رمل البحررر يذبح السيلولايت

ولي عودة حق هالموضووع اغيييين

في البداية احب اشكر اختي صاحبة الموضوع على الموضوع المفيد واتمنى ان يكون فيه تفاعل من الخوات اللي بهالعمر وجربوا شغلات وفادتهم سواء فيتامينات او كريمات او اي شي ثاني…

وانا معاكم واايدكم لاني الحين افكر وايد بصحتي واهتمامي بنفسي .. وقريت عن كبسولات اسمها بيور كولاجين حيل مفيدة للبشرة والشعر والاظافر وتعوض الكولاجين المفقود..وسويت سيرج عنهم وحيل اقتنعت فيهم وناوية على هالشهر ان شاء الله اشتريهم وابلش فيهم واهم كورس لمدة 3 اشهر ..

والحمدلله الحين انا عمري 31 وشهرين ورديت وزني مثل لما كنت بنت واحسن بعد وجسمي سمبتيك..<< قولو ماشاء الله … والحمدلله عندي عيال والحين انا متفرغة لنفسي يعني ما افكر احمل بهالفترة مأجله الفكرة لجم سنة جدام..

بس مشكلتي بويهي حيل شاحب من الانيميا .. والهالات السودا اهي اللي اللي مخربة على ويهي اكثر شي ..

فاللي عندها حل لتوحيد اللون او تفتيح الهالات السودا ونضارة البشره ورونقها .. ويكون مجرب طبعا وياب معاها نتيجة حلوة لا تحرمنا منه ولها دعوة حلوووووووووه بظهر الغيب…