|
|
السلام عليكم ورحمة الله وبركاته ..
خواتي العزيزات في منتدانا كويتيات
خواتي الامهات .. ارجوا ان تساعوني في مشكلتي مع بنتي في التدريس
بنات انا بنتي في 2 روضه في المدرسه الباكستانيه وطبعا تعبونا واجبات وبكثره
طبعا ادا بخصوص الواجبات تهون
بس مشكلتي ان وايد يعطونهم معلومات ودبحوني كل يومين املاء يا عربي او انجليزي
وبصراحه مايمدينا احفظ بنتي الكلمات سواء عربي او انجليزي الا بعدها جابولي كلمات جديده املاءي
وتنسى القدم بصراحه تعبت احس قاعد اضغط على البنت وبنفس الوقت ما قامنت تحب الدراسه
تخيلوا كل يومين يعطونها 5 كلمات انجليزي جدد
غير الكلمات السابقين بصراحه ما الحق بالتدريس والحفظ تعبت
بنتي 5 سنوات ما ابي اضغط اكثر عليها .. الي بسنها بالروضه الحكومه لعب وغيره
محتاره .. مادري اشد عليها .. بس تكسر خاطري اكثر من هالشد حرام ؟؟
وله ادرسها على حسب مقدرتها وسنها وطنش فيهم ولم تكبر شوي اشوي تتقوى اقصد لم تدش الابتدائي؟؟
انا مو حابه اوديها حكومه حرام البنت مستفيده واهي احسن من الاطفال الي بسنها بالحكومه من عايلتنا
الي بالحكومه الروضه اساميهم مايعرفونها
ساعات اقول اوديها حكومه وفتك .. بس حرام
مادري شسوي معاها بتدريس كل الطرق الحديثه اتبعتها معاها .. البنت مو غبيه لا شاطره بس منهجهم وايد والبنت صغيره طفله لها طاقاتها وتبي تلعب؟؟
احترت شوروا علي
شسوي معاها بالتدريس
بنتي دخلتها مدرسة خاصة ومن اولها قلت حق مدرستها ترى بنتي اصلا داشة صغيرة ثلاث سنين ونص الشي اللي ما تعرفه خلاص ما تعرفه لا تشدون عليها المهم البنت تتعلم حتى الدرجات مو مهم عندي تتعلم عالراحة وانا مجابلتها بالبيت وايد ادرسها بس على لعب ما اضغط عليها اكتبلها الكلمات على السبورة وهي تلونها ودفاتر الكتابة والحروف تلعب فيهم وتلون وتشخبط وتكتب ماقولها لا ولا امسح لها شي كتبته علبو غلط والا الخط مو حلو كيفها .. والغلط احطلها يمه غلط وخلاص .. واخليخا تلون الصفحات وتزينها وتلصق ستيكرز ..
انتي اهم شي ديري بالج لا تكره الدراسة هذا اهم شي لأني مدرسة واشوف بنات عندي وايد شطار بس من كثر ما اهلهم ذابحينهم وشادين عليهم يكرهون الدراسة ..
وعلميها ماقولج لا ودخليها احسن مدرسة بس الياهل يحتاج ترفيه هذا ياهل .. انا أأيد التعليم باللعب وايد ينفع ويحبب الياهل بالدراسة بس اذا تعليمهم جاف والله طلعيها وجنه العيد لو تودينها حكومة وانتي تدرسينها بالبيت وخلاص ..
ان شاء الله بغير الاسلوب بالدارسه وان شاء الله خير
بس نداء الي الامهات الي اعيالهم بالباكستانيه يفيدوني
انا ناويه ادخل " حبيب قلبي" الباكستانية ،، جنكم خرعتوني
عقب سنتين طلعته على بو انه بوديه الحكومه
ماطاوعني قلبي وحطيته بمدرسه خاصه
خصوصا بان هالسنتين حسيت انه ماستانس فيهم بعد عمري
والحين الحمدلله لوما الباكستانيه بصراحه جان مادش الخاص
حتى بنتي حاطتها معاه بكي جي ون وبصراحه يونسون تحسفت ليش ماحطيت ولدي معاهم من اول
يالله الحمدلله على كل حال
بصراحه على اخر سنه بالباكستانيه ماكنت اضغط عليه ولاعت جبدي من الواجبات خصوصن عقب ماسجلته بالمدرسه الخاصه الثنائية اللغه حتى دوام ماكانو يداومون ( بنتي كانت معاه بالحضانه )
هههه وبالتوفيق يا قلبي
اللي عندها أي طفل بالباكستانية لحد يخرب عليها واطلعه منها تراها مستوى
ومستقبل ناجح
عسى الله يوفقها ، الحين عندهم امتحانات الكورس الآول ، وعندي بعد واحد بالصف الرابع
تأسس الروضة ولحد ثانية ابتدائي راح البريطانية ( والله فرق ) مستواها يلوع الجبد ، وقاعدة أفكر
أرجعه مع أخته ، وعندي ولد في ثانية روضة بالباكستانية ، أي نعم واجبات وضغط عليهم بس
اليهال كل شي يتحملون ، اضغط عليهم الحين وبعدين أرتاح ولا يقثوني بعدين !!!!!!!
نصيحة أخت أسسي طفلج بالباكستانية وعلى المتوسط أو الثانوي انقليهم وين ما تبين 