المجلس الطبي والربط

السلام عليكم والرحمه

كيف الحال خواتي كويتيات … بغيت رايكم بوضعي وياليت تعطوني نصيحه تفيدني وانشالله مايخيب ظني فيكم

انا في بداية شهر 2 سويت ربط لأني لما كنت حامل بولدي الاول ولدته بنهاية السادس طبعا بعد فضل الله علي وبعد عناء طويل وجهد جهيد من دكاترة العدان المهم حملت الحين وسويت ربط في بداية شهري الخامس لأني تأخرت بمراجعاتي المهم بعد العمليه عطوني اجازه اسبوعين وانا خذيت طبيات وداومت كذا يوم لحد الحين انتظر التقرير من الدكتور عشان اطلب مجلس طبي المهم صارلي تقريبا قريب الشهر عالطبيات من مستشفى خاص ومستوصف ولحد الحين على هالحال

اللي ابيه منكم تنصحوني اداوم مع العلم اني اتعب حيل من القعده لأني احس بضغط اسفل بطني والا اكمل على من منوال الطبيات لحد موعد المجلس الطبي

ملاحظه : انا موظفه جديده صارلي 4 شهور من تعييني ياليت ماتبخلون علي فديتكم

بصراحه شي يحز بالخاطر 8 دشوا بدون رد

19 مشاهده بدون رد او حتى رفع ليش ؟؟ سؤال يحير بصراحه

ما ادري بس برفعلج الموضوع ياقلبي انشاء الله البنات يفيدونج

السلام عليكم ورحمه والله وبركاته اهلين حبيبتى انا من رأيى اهم ماعليج صحتج والا الدوام لاحقه عليه بس حبيت استفسر انتى قدمتى نموذج رقم واحد وترفقين تقرير طبى تدزينهم للاجازات والدوام عشان تمشى اوراقج يستعجلون فى المجلس الطبى والله يعينج على حوسه المجلس الطبى بس شنو تسوين الله لا يخيب تعبج يارب اتمنى انى افدتج تحياتى

بعد عمري مس فاشن ماقصرتي

أسيرة الحب يالغاليه اليوم خذيت تقريري من الدكتور وبكره انشالله بروح اقدمه مع النموذج والله يعين