|
|
مرحبا حبايبي كويتيات شلونكم
بسالكم يامدرساتنا الغاليات حماتي مدرسه وبتقدم مجلس طبي هي حامل بالسابع شلون طريقة طلب المجلس الطبي بالمدارس
واكون شاكره لكم وموتفشلوني عاد انا قلت كويتيات مايقصرون
شدعوه 15 وحده دشت ولارد
حبيبتي والله ما بي ادش من غير ما ارد عليج ..
مادري شلون الطريقه ……….؟
انا اللي اعرفه شلون اتحول مجلس طبي من الاداره يعني مو انا اللي اطلب ..
انشاء الله البنات يفيدونج
خل تطلب من الناظرة المجلس عشان اذا غابت والناظرة حولتها من راسها ينحسب خصم
اللحين تغيرت طريقة المجلس الطبي الناظره مالها اي شغل اول شيء تاخذ معاها تقرير بحالتها من الدكتوراللي تراجع عنده وتاخذه تروح فيه المنطقة التعليمية عند السكرتاريه وتقولهم ابي اسوي مجلس طبي ويعطونها موعد عند المجلس الطبي بالمستشفى ويعلمونها بالتفاصيل وشنو تسوي بعدها يعرضونها على المجلس الطبي ويشوفون ااذاا يوافقون عليها او لا واذا وافقو عليه تستلم طبياتها ن المسشفى وتسلمها للمدرسة واذا كان عندها مرضيات من قبل تاخذ معاها صورة منهم وبس 
والشيء مو سامعته من احد انا مسويته بنفسي انا اللحين ماخذه مجلس طبي واجدده كل شهرين وعندي رفيجتي تجدده كل شهر على حسب حال كل وحده يحددون مدة التجديد
منتج كويتي مشكوره ياحياتي
انا سوينه شهر 11 2024 طبعتلي السكرتاريرية طلب تحويلي المجلس الطبي بناءا على رغبتي ارفقت معاه التقرير وصور الطبيات ووقعته الناظرة وطرشوه المنطقة وانا اخذت نسخة وقعها المسؤل مناور جدعان (منطقة الفروانية) بعدين وديتها الوارد بالمنطقة يحطونلها رقم ويطرشونه المجلس الطبي بحدود يومين ثلاثة وتكون معاي صورة موقعة واروح المجلس يعطوني ورقة منهم اوديها المستشفى والمستشفى بدورهم يحددون لي موعد ويقولون شنو اجازة او تخفيف على فكرة انا ادارية واكيد انتم نفس الطريقة وسلامتج .