|
|
مرحبا اخواتي
انا عندي كمن استفسار بخصوص عملية تكبير الصدر
طبعا قريت وايد ابحاث و مقالات و بالصدفه دخلت موقعكم و استفدت اكثر من احدى المواضيع الي تم طرحها سابقا ابخصوص تكبير الصدر
انا في حيره من امري لني ماعرف عند منو اروح بس انا بقولكم الموضوع و انتو قولولي شو اتحسون و شو الافضل حتى لو كنتوا سامعين
في دكتور يجي على المركز الامريكي البريطاني الطبي للتجميل في دبي هو امريكي زائر اسمه
الدكتور مارك ماني Dr. Marc mani انزين و رحت عنده استشاره و قال انه بيحط لي سيلكون محشو بمحلول مائي موب بالجل و بيفتح فتحه من الحلمه و سعره 40 الف درهم اماراتي
حد سامع بهذا الدكتور حد مجرب عنده ؟ لني احس انه غالي مقارنه بالباقين هل لانه السلكون الي عنده افضل و لا بس من باب انه يبغي يغلي على الناس
https://www.absamc.com/testimonials هذا موقع العياده الي يجي فيها
و اتصلت بالدكتوره *** القاضي قالت انها بتحطلي السلكون الجل موب المائي و انه الفتحه بتكون يا من الحلمه او من ثنية الصدرو و السعر 20 الف درهم
الاسئلة الي ابغي اقولكم اياها :
– حد مجرب او سامع عن هاذيلا الدكتورين، او حد يعرف او مجرب دكتور شاطر و خبير و مريح في عملية تكبير الصدر بالامارات
– هل الجرح يروح مع الايام او اتم ندبة الجرح ما تخوز ابدا
– شو الفرق بين انه السيلكون ينحط تحت العضله و فوق العضله ما فهمت هاذي النقطه
– هل الافضل فتح الحلمه او فتحه من ثنية الصدر و هل احساس الحلمه يرجع مثل ماكان اذا تمت العملية من خلالها
– شو احسن و افضل على المدى البعيد السلكون الجل او السلكون الملحي مع العلم اني قريت انه السلكون الجل افضل في الملمس بينما السلكون المحلي له ايجابيات اكثر بس عيبه انه ممكن يطلع صوت او بقبقه مادري
– كيف اعرف انه السيلكون اصلي و موب مغشوش لا سمح الله ، حد يعرف اسم الشركه الي اتصنعه و كيف انا ممكن نستفسر من الدكاتره اكثر حول هذا الموضوع و ما ننغش
اتمنى انفيد و نستفيد
اختكم
اي وحده عندها راي اذا ممكن تشارك فيه بليز
هو اللي عنده الاجوبه كلها
كل اللي قلتيه ..كل وحده بمكانك بتسأل ..بس صدقيني..اهم شي تلقين دكتور شاطر ..تثقين فيــــــه ..ومن بعدها بتثقين بأجوبته
موفقــــــــــه
