المتكممات ساعدووووني

سلام لكل المتكممات والمتحورات

ابي مساعدتكم يابنات انا سويت عملية السليف في تاريخ 9/8/2009 تقريبا صارلي 4 شهور كان وزني قبل العملية 109 واللحين 92 بس مااحس اني ضعفت حيل وانا خايفة يوقف وزني لأن قالولي فرصتك الست شهور الأولى اذا ماضعفتي خلاص وزنك بيوقف على كذي

مادري هل هذه المعلومه صحيحة ان عقب الست شهور ماراح اضعف
وبعدين طبيعي نزولي وله شويه يعني انا اول شهر ضعفت 9 كيلو وثاني شهر بس 3 كيلو يعني كل شهر تقريبا قاعد اضعف 3 كيلو تكفون بنات فيدوني انتوا صار معاكم نفس الشي وله كان النزول سريع للكيلوات.
في ناس قالولي اشرب اعشاب مسهلة واكل حبوب الردكتيل شرايكم
فيدوني الله يوفقكم وانا بنتظار ردودكم

عادي منو يقولج من جسم ليه ثاني انا كنت مسويه حلقه بسنسين وشوي نزلت 48 يعني بالسنه 20 تخيلي عادي يرد ينزل لا تحاتييييييين
ينزل النفسيه اهي اتاثر علا الوزن انا اعرف وايد مسوين وما ثبت الوزن ينزل اهو جذي اتي فتره يووقف بعدين ينزل مره وحده

انا قالولي بس الست شهور الاولى هي اللي تضعفين فيها عقب ماراح ينزل وزنك
يعني انتي حتى عقب السنه قعدتي تضعفين الله يبشرك بالخير نزين شسويتي هل كليتي حبوب رجيم واعشاب
وله بس اعتمدتي على العملية

تكفين خرعتيني أنا مفكرة اسويها بس ابي اضعف بسرعة يعني ما تسوسها و اسوي تحويل اسرع صح

بدوون ولا شي عمليه فقط لا غيرر يفرق من جسم ليه الثاني عادي وايد سوو وانزلوو ما اثر عليهم بشي اهو بس الفرصه بالست شهور الاولى اسرع وافضل ويختلف من شخص وجسم ليه ثاني

موشرط ان تحويل المسار يضعف اكثر من غيرة هو مثل ماقالت مس بطوط من شخص لثاني يفرق لان انا اعرف ناس مسوين تحويل ماضعفوا بسرعة مرت حماي مسويتها وصارلها ثلاث شهور بس ضاعفة 12كيلوا وهم وحدة صارها سنه بس ضاعفة 36 كيلو
وبعدين انا ماانصحك بتحويل المسار لأن اشوف انهم يتعبون ودايما دوخه معاهم/ ويمكن انا ماضعفت بسرعة ليش جسمي متعود عالرجيم موانا حياتي كلها رجيم