|
|
خواتي انا بورطة محتارة متقدم لي واحد مركز مرموق و من عايلة
لها مكانه بالبلد لكن اكبر مني 10سنوات و لمه شفته ما كان مثل مو حاطة
في بالي او مقايس الشكل او من ناحية الاسلوب يعني اهو جدي وايد
و رسمي و شكلة بيني و بينكم احبطني لكن عند اهلي عادي شكلة
لكن يمكن انا قاعدة اقارنه مع غيرة من الخطاب الي من عمري و الريال
دين و مصلي و مسمي او اهلة اجاويد مع العلم اني مو دينه و ايد
يعني بدل و ميك اب لكن محافظة ؏ـلێ حق ربي عدل
تكفووووووووووون نخيتكم
في حالة وافقت اشلون اتعامل معة ؟
اشلون اتقبل شكلة تراه مو دميم ولا جيكر لكن مايعجبني ؟
مادري شقول بعد محتارة حيل اهلي عاجبهم
انا ما عندي مشكلة بالعمر انخطبت من قبل بنفس
العمر لكن كان بشوش و مرح و جذبني و كان مهتم بشكله
و اسلوبة كان يجذب و كنت مرتاحه و كنت خلاص راح
اتزوج بس الله ما كتب حبيباتي اسفة عالاطاله لكن
ابي راي بنات تزوجوا نفس الي المتقدم
لي و قولون لي شنو صار و اشلون اتعامل بالظروف
يعني ترسوني ؏ـلێ المستقبل من خبرتكم و انشالله باسرع
وقت لان لازم اعطي رايي بعد ايام
و جزاكم الله خير
وشوفي ترتاحين او لا
اما من ناحية الشكل اريح لج باجر لاصار حلو بتكتبين هني زوجي والبنات بس يخزخزون فيه
واذا دين ومحترم وشكله نظيف ومقبول خلاص كل شي تمام
بس اللي عليج اتصلين استخاره
والله يتمم عليج بخير
سألي نفسج هذا الي بعيش معاه طول عمري وبجابله صبح وليل ؟
هذا بيصير ابو لعيالي ؟
اذا لقيتي الجواب اي اخذيه
والشكل اذا حبيتيه من قلبج راح تشوفينه اجمل رجل بالعالم
فعلا اذا حبيتي الشخص حتى لو شين تشوفينه احلى واحد بالدنيا
اني ويز استخيري والخيره فيما اختاره الله 
بس بنقولج راينا
اذا على الشكل لاتشيلين هم ترا اذا تزوجتيه بتحبينه وبتحسينه قمررر بعيونج
وبالنسبة للعمر عاادي احس انه متزوجه واحد اكبر مني بثمان سنين بس مو مبين العمرر كلش جنه قد قد
وقبل ماتوافقين استخييييري وشوفي شيصير والله يكتب الي فيه لخيررر لج يارب
بعدين من كلام شكله مقبول سمعته زينه ليش
ترفضين كلنا رياجيلنا غير عنا
لا تحكمينواطلبي نصيبج
طبيعي بتقولين لا
….
نفس الشي خطيبج اذا مو عاجبج لا تقبلينه لانه التقبل النفسي مهم تقبل باسلوبه بشكله باسلوب حياته كل هالامور مهمه ..!
حتى بعد الهوشات نعترف لبعض ان احنا نحب بعض
يعني الحب يشفع بهالحاله
الشكل مو اساس قدام الاخلاق والدين
اذا مصلي ومسمي ومن عايلة واخلاقه زينة
استخيري ربنا هل هالشخص يناسبك ولا لا ؟؟
والله يوفقك