|
|
حبيت أعرف رايكم بالزواج الثاني …
متى تزوجتي مره ثانيه؟ يعني من بعد ما انتهت فترة عدة الطلاق باشكثر؟
هل انتي مرتاحه في الزواج الثاني؟ او تحسين ان عقدة الزواج الاول طيفها ملازمج؟
هل الزوج الثاني اللي ارتبطتي فيه يعرف تفاصيل قصة طلاقج؟
هل واجهتي مشكلة تذكيرج بزواجج الاول (المعاير) من قبل زوجج الثاني في حال حدوث اي خلاف بينكم؟ (لاسمح الله)
اشلون الشخص اللي ارتبطتي فيه؟ يعني ما سبق له الزواج؟ او له تجربة مثلج؟
ياريت تفيدونا برايكم والله يوفقكم اجمعين في حياتكم الزوجية
بس ما جاوبتي على اسئلتي .. اشكثر صار لج من تطلقتي؟
هل الزوج الثاني اللي بترتبطين فيه يعرف تفاصيل قصة طلاقج؟
اشلون الشخص اللي متقدم لج؟ يعني ما سبق له الزواج؟ او له تجربة مثلج؟
تزوجت مره ثانيه بس عندها بنت من طليقها
المهم ان طليقها خذا البنت منها بعد زواجها الثاني
البنت تعبانه والام تعبانه والمحاكم شغاله لين تطلقت من الثاني وحسبي الله عاللي كان السبب
انا بس حبيت انبه كل وحده انها تستخير وتستشير الزواج الثاني مافيه شي بالعكس ستر للمره
بس حبيت اقولكم تجربه هالانسانه عساس كل وحده عندها عيال من زواجها الاول تفكر عدل
عشان ماتتعب مثل ماتعبت هالانسانه
يعني هل انتي محتاجه اسره يديده ولا عيالج تبينهم يمج باقي عمرج طبعا في هالحاله افضل انها تستشير اهل خبره مثلا محامين او استشاريين عشان لاتتعب وسامحوني عالاطاله
وكان عندها بيبي من الاول وتزوجت اول ماخلصت عدتهاا وتحسفت
لان الثااني مااطلع ذااك الزود
السالفة موو سهله لان سهل تتزوجين واحد وتتطلقين بس صعبه 2 وتتطلقين جذي بتنهين حيااتج بيدج
شي حلوو تكون البنت اسره وتساانس وتكون ربة بيت وام بس هم شي صعب اهم شي تستخيرون اكثر من مره وتسالوون عدل عدل
بالنسبه لي الحمدلله ما في بيني وبين طليقي عيال
وعن السؤال عن الزوج الثاني .. ان شاء الله اذا يه النصيب بسأل عدللللللللللللللللللللللل لان كفايه اللي شفته من طليقي .. حتى اهلي بيكونون حذرين بدل المره الف .. يعني الله يعينه اللي يفكر يرتبط فيني هالمره
وكل وحده تقراااء ردودي وتقراااء توقيعي تدعيلي ان الله يرزقني ويعوضني
عن زواجي الاول
يا الله يعوضج اختي (ملح بدويه) وكل وحده شافت ظلم من زواجها الاول ويرزقها خير عن اللي صبرته دنيا واخره
وحسبي والله ونعم الوكيل على كل واحد متزوج او يتزوج بنات الناس ويظلمهم معاه وما يخاف الله فيهم
مدري شوفو
انا قبل تفكير كان غير من الي كنت اشوفه
يعني قبل الي تطلق هذي نهايه العالم لهاااا لا تضحكون علي بس انا كان تفكيري جذي ومستحيل اتزوج بس تربي عيالها وبس وبس
اما الحين انا اشوف الدنيا صارت وييييين تعدد الحدود الحمد الله الناس تفتحت وقامت المرى تتزوج وتوفق بين عيالها وزواجها الثاني
وبالعكس ماشيه حياتها من احسن ما يكوون الناس تطورت وصارت متفتحه ما تشغلها الامور هذي امور الحياه اهم من المعاير
بس كل شي قسمه ونصيب والحمد الله على كل حال
اقطعت قلبي سالفتها
|
المشاركة الأصلية كتبت بواسطة !! الواصليّـــــة !!
 ليش ماخلتهم بحضانة الجده ؟ [ امها يعني ] ؟
اقطعت قلبي سالفتها |
السالفه طويله عريضه وللحين ماخلصت أحداثها بس عفيه بنات ادعولها ان ربي يرد لها بنتها ويجمعها بطليقها الثاني
وان ربي يشرح صدرها ويشافيها آسفه حبيبتي ماأقدر أكتب التفاصيل بس لأني شفت بعيني معاناتها ماحبيت انها تتكرر مع اي انسانه ثانيه
وبعدين بنات عفيه أي وحده ناويه تتزوج مره ثانيه تسأل عدل مدل أعرف وحده ثانيه تطلقت مرتين مع انها خوش وحده تنحط عالجرح يبرى
بس الأول كان راعي خرابيط والثاني تصرفاته معاها ماتدل الاعلى ان اهوه مضطرب نفسيا من طق وسب….الخ جدام الناس شي ومع مرته شي ثاني
والحين ياقلبي تخاف من الرياييل وتكرهم الله يجبر بكسر قلوبهم كلهم
الاختيار يكون صح والتوفيج من الله ..