المتزوجات امهات الخبرات العريقة تعالوا نقذوني

الله يخليلج زوجج ويحط محبتج في قلبة والله يغشي على عيونه مايشوف غيرج اااااااااااااامين

نبدي

بنات انا متزوجة حديثا وريلي طييييييييييييييب سااااااااااااااااااااااااذج اعيز وقول مسكييين فقييير
احبه احبه معاملته وايد حلوه حقي مازعلي ابد

بسسسسسسس

في اطباع شويه مو حلوه وادري هذا شي طبيعي مافي احد كامل بقولكم هالاطباع وقولولي شلون اقدر اغيرها بصالحي لانه اهوا احسه للحين مثل العجينه يتشكل
مدامي توني ابداية حياتي ابي ابدي صح مع زوجي ابي اعوده على الاشياء الزينه واهو نوعه لقابلية انه يتغير

فأبي نصايح منكم شعلم زوجي من ناحية النفقة والصرف اهوا شوي حريص وكلا يخاف يصير فقير يحاتي وايد مادري من وين يايبلي هالافكار السخيفة

من كثر مايحن علي على سالفة الفلوس يخليني اخذ من امي واصرف على نفسي ولا اطلب منه عشان مايصير فقير على قولته
واهو بيني وبينكم للحين طالب وفلوسه على قده انا مو قاعده اطلب منه شي يعني مراعيته على مايتوظف بس اخاف يتعود اني اصرف على نفسي واني اخذ من امي ويقوم مايعطيني بعدين — انا للحين قاعده اخمن مادري–

ثاني شي خالتي الي اهي امه حبيبتي هم وايد زينه واهوا يمووت فيها ومايرضا عليها — ادري شي طبيعي– بسس ووايد يحاتي لي درجه انه يفكر يأجر بيت ويقعدها معانا وهم بالمستقبل بيشتري بيت واهيا تحط معاه ويصير البيت نصه باسمه والنص ثاني باسمها — امبي بنات هذا مو مستقبل كلش حقي وحق عيالي– وانا بيني وبينكم حاطة شرط بعقد زواجي سكن خاص شفيه نساااا؟؟؟ واذا بطلت حلجي اخاف يقول ماتحب امي

السؤال عادي بالمستقبل اخذ قرض واحط معاه ونشتري بيت بس عشان امه ماتحط ويصير البيت بيتها؟؟
بس انا ما اثق فالريال ابدا سواء طيب ولا اقشر ووصية يدتي حق بناتها وحفيداتها — لاتحطين فلس مع ريلج تندمين– لانه يتزوج علييج.. يطلقج .. يبيعع البيت ويشوحج كل شي جايز بهالزمان الغدار

واخر شي ابي نصايع ابي احافظ على حب زوجي وابي ازيد الحب بعد ..شسوي ؟؟
شسوي عشان اخليه يتمسك فيني ومايفكر بغيري؟؟

عفية ثم عفيه والله ذبحني القلق اخاف اقط كلمه او اتصرف تصرف غلط وياه واخرب على روحي
يعني تخيلو افكر مليون مره قبل لا اقول شي او اسوي شي كل شي حذررر واحاتي انا الي سويته غلط ولا صح وللحين مادري شلون اعامله مااااااااااادري .. اصير طبية واسمع كلامه اخاف يستقوي علي.. واخاف اصير قوية وماسكت عن شي يكرهني ويطفش