|
|
السلام عليكم ورحمة الله وبركاته ….
حبيت اكتب الموضوع هذا حتى نستفيد من بعض ….
اذا انتي متزوجه وموظفه راتبج يتحكم فيه الزوج ؟؟؟ واذا بغيتي تسحبين من راتبج منو اللي يسحب لج هو والا انتي ؟؟؟واذا انتي ماتبينه يسحب لج وهو مصر على هالشي … خاصه انه مايخليج تطلعين على راتبه وشنو اللي باقي بالحساب ….هنيه شنو تسوين ؟؟؟؟
حبيت اكتب الموضوع هذا حتى نستفيد من بعض ….
اذا انتي متزوجه وموظفه راتبج يتحكم فيه الزوج ؟؟؟ واذا بغيتي تسحبين من راتبج منو اللي يسحب لج هو والا انتي ؟؟؟واذا انتي ماتبينه يسحب لج وهو مصر على هالشي … خاصه انه مايخليج تطلعين على راتبه وشنو اللي باقي بالحساب ….هنيه شنو تسوين ؟؟؟؟
@@
انا مو موظفه لي الحين طالبه بس نعم يتحكم فيه!!
ليش ان شاء الله
وين قاعدين
وانا وين شخصيتي بالله اهوا يسحب لي ليش!!لا وفوق هذا وذاك مايخليني اعرف راتبه!! شنو مو زوجي!!
لالا اختي قوي شخصيتج شوي
راتبج من حقج انتي وبس
تبين تعطينه شيئ راجع لج
بس نصيحه لا تسلمينه الخيط والمخيط
لوووول بس ما يشوف منه فلس حمر الااا بمزاجي الصراحه اذا انا حبيت اساعه بكيفي
خل اقعد بالبيت واخليه يصرف علي
عندي وحدة بالدوام كان ريلها يسوي فيها جذيه
قمت وعلمتها اشلون اتمرد عليه
وكاهي اشزينها
ما يخليني اعرف كم معاه واذا احتجت وهو يكون بالدوام يعني يكون عليه استلام هو عسكري ) يطرش رفيجه يسحب له ويجيب المصروف وانا وين ؟؟الله المستعان الحين تطلقت وارتحت منه ومن سيطرته ……لا واختي زوجها قايلها اذا توظفتي الراتب انا اخذه قالت : احسن لي انام وما اتوظف وهو اللي يتحمل يصرف علي …
اذا الوضع جذي بيصير تقعد معززه مكرمة ببيتها ويصرف عليها وريله فوق رقبته
لااوالله حلوه اهيا تكرف وتتعب واهوا يلعب بفلوسها ليش ان شاء الله
وانتي الله يعوضج يارب بواحد يقدرج
سنتين روضة
4 سنوات ابتدائي
4 متوسط
4 ثانوي
4 كلية
18 سنة دراسه وكراف واخرتها ياخذ المعاش اللي طالع من عيني باردة مبردة !!
لا يوقف حده واذا مساعدة يبشر
بس سوالف اخذيلي قرض وعطيني البطاقه ياكل جبن 
يعطيكم العافيه بنات شجعتوني واحس اني صرت قويه ههههههههه ابي اقول لااختي …
لان الفلوس فلوسها وحر مالها ومن حقها اهي
مايصير الريال ياخذ معاش المره بدون رغبتها
ليش تشتغل وتشا وتكد وتهد عيالها وتضحي بصحتها وراحتها ووقتها علشان ياخذ معاشها ويمشيلها مصرف؟
اذا محتاج وعنده ظروف ويبي فلوس مايمنع ان المره تساعد ريلها وتصرف وياه بالبيت بالنهايه البيت بيتها والعيال عيالها وهذا اجر لها لي حطت وياه وينحسب بميزان اعمالها وموشين خو كل عيال الكويت طرق معاشاتهم والدنيا غاليه حيل فمافيها شي تساعده بجزء من معاشها واللي تقدر عليه
اما اذا بياخذ المعاش كله من راس مرفوع ويمشيلها 200 دينار هذا بس خايف ان تشوف نفسها وتستقل هذا يسمونه نذاله وقل عقل
يعني يخاف ان صار عندها فلوس ترفسه مثلا؟ والا يبها تحت رحمته دايما؟
عيل ليش اشتغل و اتعب عمري
انام و ارتاح و اهو يعطيني المصرف
لا والله وماله شغل اصلا يعرف اشكثر اصرف واشكثر خاشه فلوس… هذا من حقي انا وان حطيت شي بالبيت فهو بمزاجي مو بكيفه….