|
|
قوووة بنات
ياليت المتزوجات يساعدونا بخبرتهم ونصايحهم في التجهيز
من النصايح اللي اعجبتني وطبقتها هي:
لا تشترين الدراريع الا اخر شي والسبب ان المشاغل صارت معروفة والكل شايفها
حلاتها تشترين اخر شي ولا تكثرين
يعني اربع دراريع كشخة فقط والسبب مثل ما قلت راح تصير قديمة ومعروفة في نظر الناس
وبعدين تكفي للعزايم خلال هالفترة
واذا احتجتي تقدرين تروحين بعدها السوق( الفلوس موجودة والمشاغل عرفتيها ( وسهل الاختيار)
أما دراريع البيت للي تسكن عند الحمولة
لا تشترين أقطان خلال هالفترة
الأفضل تخيطين دراريع ناعمة بدل الاقطان تطلع عليج نفس سعر الاقطان
واشتري لج كم دراعة ناعمة اسعارها من 25 إلى 35 بالكثير
اعتقد 10 كافي حق هالفترة لانج محط انظار اهل زوجج بالذات واذا ما كشختي خلال هالفترة متى تكشخين؟؟
ابدئي بلبسها اول ثم البسي اللي خيطيتها.
العبايات؟
لازم عباية راس حتى لو كنتي من اللي يلبسون كتف
وللكتف كافي وحدة غالية تكون طقم مع الملفع ووحدة ثانية طقم بس ارخص من الاولى
ولا تكثرين لان فيه بعض الازواج ما يرضى زوجته تلبس كتف
يمكن ماراح تلبسينها الا مرة او مرتين بعدها يقولج البسي راس.
ونصيحة ثانية للي تقدر تسافر
اشتري الجناط والعبايات والملافع والساعات من أي دولة خليجية مثل الامارت الرياض الخبر الدمام وغيرها لان اسواقنا محفوووظة وحلات العروس تشتري شي مميز محد شافه.
وبالنسبة لملابس الشقة اللي تلبسينها عند زوجج
اول اسبوع ابتعدي عن البوديات والجينزات والبسي فساتسن قصيرة أو تنانير قصيرة فيها شغل وحركات مع نعال كعب واكسسوار راقي( خليه يحس انج عروس)
بعدها ابدئي بالجينزات والبوديات ويفضل تشترين من اللي سعرها مناسب
لا تشترين غالي لانه ما يدري عن سعرها
ولازم تاخذين لج على الأقل 20 بودي غيرها من أبو دينار ونص لان التنويع مهم ( فيه قطع حلوة عند الاسواق الشعبية )
اكمل معاكم بعد ما اشوف الردود وتجاربكم
نصيحة يا بنات لا تخلون صلاة الليل فيها توفيق وبركة وترد عنج المصايب وتحبب زوجج فيج
ما صفة صلاة الليل على وجه الإجمال؟ وما أقلها؟ ومتى يبدأ الثلث الأخير من الليل ومتى ينتهي؟صلاة الليل هي ما يُصلَّى ما بين العشاء والفجر، والنبي –صلى الله عليه وسلم- يقول: "صلاة الليل مثنى مثنى فإذا خشي أحدكم الصبح فليوتر بواحدة" البخاري (472)، ومسلم (749) أي أن الإنسان يصلي ما تيسَّر له ركعتين ركعتين، يعني يصلي ركعتين ثم يسلِّم، ثم يقوم ويصلي ركعتين ويسلِّم وهكذا. و إذا انتهى أو أوشك على الانتهاء يختمها بركعة واحدة توتر له ما صلى في ليلته.
أمَّا الثلث الأخير من الليل متى يبدأ ومتى ينتهي فإن هذا يختلف من وقت لآخر، فليل الصيف غير ليل الشتاء، وأنت تقسم ما بين غروب الشمس وطلوع الفجر إلى ثلاثة أقسام، والثلث الأخير منها في ليلتك التي تريد أن تصلي فيها تعرف قدره هل هو ثلاث ساعات، أو ثلاث ساعات ونصف، أو أربع ساعات؟
اكمل الباقي قريبا وبعد الردود والتجارب.
كملي حبيبتي
وناطرين التكملة
وناطرين باقي النصايح
يااااااااااااااااااارب أتزوج عن قريب واطبق موضوعج
وبكمل عليج وبقول لأي عروس
أي شي تشتريه لغرفة النوم لا تكلف واااااااااايد على نفسها وتشتري غالي لأن الرجال مايميز الغالي من الرخيص وبهذي الطريقه راح تشتري أكثر وهذا اللي يهم الزوج التنويع (( سامعتها من خواتي))