المتاخرات فى الحمل ممكن سؤال ؟

السلام عليكم ورحمة الله وبركاته
خواتى الغاليات الله يرزقنا واياكم لست هنا حتى افضفض
بصراحه هو اعتبروه استشارة او راى عام
طبعا ما يحتاى اشرحلكم ان كل وحدة مننا تواجه مضايقات فى كل مكان بخصوص تاخرها فى الحمل
والمكان الوحيد للى نقدر نغيره اهو دوامنا ……………. انا لاحظت انه من تدخلين فى دوام ويسالونج طبعا تحقيق ولا ال اف بى اى

وتقولين انج ما يبتى عيال احس نظرتهم لج تتغير ويصيرون فى كل مجلس يعطونج نصايح ووووالخ اكيد انتوا فاهمين على انزين اذا الوحدة فينا نوت تغير مكان وظيفتها برايكم انسب حل انها تكذب وتقول ان عندها ولد عشان تفتك منهم ومن حنتهم؟ ولا شرايكم؟انا ما ودى هالموقف يتكرر معاى ابصراحه مليت من هالاوادم
البرفيسور النفسانى طارق الحبيب يقول للى فيه عنده مشكله وتنصحه فى وجهة او تدعيله امام وجههة فانك تجرحه وتشعره بنقصه
وهالشى حاصل معاى خلاص يا اوادم انا انسانه راضية ليش ولى متى وانا اسمع نفس السيمفونية تعاد كل كم يوم الى متى وهالناس ما يستوعبون ان هالحجى يجرح الانسان ويضيق خلقة
انتوا شرايكم احسن حل فى هالحاله؟
وعلى فكرة انا اكتب وانا بوضع عادى جدا مو حاسه بنقص ولا شى ولا قصدى افضفض ولا اتحسر على عمرى وابكى لا بس انا حبيت اطرح الموضوع بموضوعية واشوف شنو الحل فى هالحاله ؟هل لى الحق فى انى اكذب حتى افتك من كثرة قرقتهم وتدخلهم في ما لا يعنيهم وتطفلهم الزايد عن محله
كل وحده تكتب رايها فى ان الامر يخصا شخصيا لا يخصنى انا وحدى
وهو موضوع عااااااااااااااام وليس شخصى بحت

انا وحده ما قمت اهتم حق احد ابداية زواجي اهله واهلي حنه ها مافي شي بطريج ها نبي نسمع اخبار حلوه وعلى هالموال لاعت جبدي لما حملت واجهضت ارتاحوا نفسيا قاموا ماسالون كلش حتى ريلي يتنرفز اذا قلت له اهلك يسالوني ليش ماتتعالجون ليش ماتغيرين دكتورتج ليش وليش قالي ردي عليهم رد واحد ريلي مايبي الحين وامسوين عزل هههههههههههه

والله افتكينه من حنتهم

اممممممم ،،،، شووفي لي سألتچ اي وحده. عندج عيال قوولي آي الحمدالله واذا قالت جم،،؟! قولي خير من الله وبس غيري الموضوع
لاتخلين احد يدخل بخصوصيآتج دآم هالموضووع يضايقج وماتبين احد يكلمج فيه ،،،

اذا كنت بمكانج من ناحيتي اقوول ان ماعندي عيال ،، اذا بالدوام ماتحجو الناس الحوالينا واهلنا بيتحجون ويسوون روحهم فاهمين
هذا شي من رب العالمين موبكيفنآ والحمدالله احنا راضيين بقضاءالله وقدره ،،

انا عجبتي وحده اهي تقرب لي ردها مرة حلوة ترد وبكل برود انا وزوجي مانبي نجيب عيال الحين

طبعا يردون بكل لقافه ليه ووش تنتظرون تقول هذا شي بيني وبينه ينحرجوون

انا صرت اقول كل شي من الله خير وبركه

انا الحمدلله متداركه هالموقف اقولهم ما جت الساعه المباركه الي احمل وانا للحين عادي هذا رزقمن الله ومحد يستعجل على رزقه وخلاص يسكرون الموضوع والحمدلله على كل حال والله يرزقنا الذريه الصالحه ،،،،،

بلعكس اني بفتخر أنو ماعندي أولاد قدام الناس
لأنو ربي متذكرني
لأنه اذا ربك أبتلى عبده فأنه يحبه
انا مابتحسس وشي عادي شوعاملة شغله فيها عيب
مابعرف ليش بتتحسسو
عادي حبيبتي الرزاق الله ويلي مشه عاجبه يطخ راسه بلحيط

حبيبتي حتي لو قلتي عندج واحد بيقولون ليش حرام بروحه هاتي له اخو ولا اخت
واذا قلتي عند بنت وصبي بيقولون ما يتوالمون مع بعض
واذا بنتين قالوا لج هاتي اخو سند لهم

هههه حجي الناس ما يخلص

احلى شي تقولين احنا مانبي الحين

والله كريم الله يرزقكم يارب

الحمل شي بيد الله مو بيدك ولا بيد زوجك
انا عن نفسي متزوجه لي شهرين تقريباً واشوف انه عادي لو مااحمل الحين
لكن المجتمع اللي عايشين فيه قلق وملاقيف ويحبون القرقه وكل شوي يسألون ها مافيه شي بالطريق
ودايم ارد عليهم بإبتسامه واقول اللي الله كاتبه لنا بيصير وان شاءالله خير
بس مسألة انك تكذبين على الناس ليش تكذبين وتسوين شي حرام ومو زين عشان ناس ماتستاهل؟
عادي خلك طبيعيه بدوامك وطنسي الكلام ولاتغيرين دوامك ولاشي
واي احد يتلقف ويسأل ردي رد عادي وامشي وخليه وبعدين سوي لك حدود بينك وبين الناس
يعني لاتخلين احد يتدخل بخصوصياتك مهما كان

الله يرزقنا جميع بالحمل السليم

أختي لا تهتمي للناس ومافي داعي للكذب ؛ انتي باختصار قولي لهم أنا وزوجي مؤ ناويين الحين بعدنا بشهر العسل لأني ارد بنفس الرد بالدوام وأكيد بيني وبين حالي وايد أتضايق بس يسألوني واحس بنار تاكلني ؛ ولكن ربك كريم وكل تأخيره فيها خيره ان شالله

انا اشوف لاتجذبين احسن لانه راح تاخذي اثم
فانتي لاحد سالج قولي الحمدلله بس
وحناااا حاسين فيج لان نمر باللي تمرين فيه وربي بيرزقنا ان شالله

حبيبتي لا تجذبين علشان الناس ولا تغييرين اي شي بحياتج منتي ملزومه … اللي شخصيا مضايقتج مسكيها علي جنب وكلميها قولي لها لو سمحتي أنا اذا حملت أبشركم خلاص الموضوع ترا شخصي!! أنا اذا طلبت نصيحة ساعدوني

لا تنحرجين وصلنا زمن انه لازم ما نسكت ونطوف ….

او قولي أنا ما عندي عيال والله كريم انشالله والموضوع علي كتبت الله وغيري الموضوع لا تعطين احد فرصة

الله يرزقكم يارب مالد داعي قولي تو الناس وخلاص

خذيها باستهبال لاقال احد عندج قول ي عندي ميه تبين واحد ؟؟
واضحكي قولي والله للحين مافي شي الله كريم ..

وغيري الموضوع ترا الناس لاشافو البنت ماخذه الموضوع استهبال خصوصا الي وقت الشغل
وتضحكين ولاهمج بيسسكتون من انفسهم

والله يرزقج ويرزقنا ..

فطومه عجبني ردك اي والله كلام الناس مايخلص

ضد انك تكذبين عشانهم

بالعكس تماما خذي الموضوع عادي

على كذا كل وحدة فيه شغله مضيقتها راح تكذب المطلقة بتقول ماتطلقت

واللي تهاوش مع زوجها بتقول زوجي مايهاوشني

واللي عندها ولد اقشر بتقول ولدي بريئ وهادي

هذا امر رايدة ربي

انا اشوف ردي بكل ثقة اي ماعندي للحين ببتسامه عااادي

واذا حاولو يضايقونك قولي بكل هدوء ماافي احد مرتاح لا اللي عنده عيال ولا اللي ماعندة هذي الدنيا

واذا احد تطفل عليك قولي هذي امور خاصه ماحب اتكلم فيها برضو بكل هدوء

بالنسبة للدعاء بالعكس حلو لما تعرفين انه فيه وحدة شايله همك وتدعي لك

انا افرح لما تقولها وحده تحبني او تعزني مو حي الله !!او وحده تقولها مجاكر!!

الحين في الجامعه البنات لما يسألوني متزوجه اقول ايه بعدين تسأل عندك اطفال ؟؟ اقول لا

يرجعون يسألون ليه شالسبب وفيه وحده في المريخ وفيه وحده في الصين زينه كل اللي يجونها يحملون

وهكذا

اتقبل كلامهم واقول الله يجزاكم خير

مع اني مو محتاجة هالوصفات او هالحريم اللي يقولون عنهم

بس احيان اضطر اخذ ارقامهم مجامله لاني احس انهم يتكلمون من قلبهم

هدي بالك وريحيه

وانتبهي يأثر ع حياتك هالشي

ربي بيرزقنا عاجلا غير اجل باٍذن الله

بس الاهم اننا ننجح في الاختبار الحين

نصبر ونشكر ونرضا

وبيجينا الفرج