|
|
السلام عليكم شلونكم يابنات
طبعا انا اراجع عند الدكتوره ناهده من قبل لا احمل وحتي لما ربي انعم علي وحملت بفضله انا مستمره عند الدكتوره ناهده والحمد الله مرتاحه عليها وابيها انشالله تولدني بس في ناس قاعدين يخوفوني منها يقولون انه اغلبية حالات الولاده اللي عندها تكون قيصريه وانها ما تصبر على الوحده وتستعيل عليها دايما وتكون الولاده قيصريه ….. انتوا شرايكم صج هالحجي وانا خايفه لأنه بعد مولدة ثنتين من جماعتنا قيصريه من قبل شهر بس انا لما سألتهم قالوا انه كان وضع الياهل مايسمح للولاده الطبيعيه وانه صارت معاهم مضاعفات علشان جذي كانت ولا دتهم قيصريه…..
شسوي انا محتاره وانا وايد مرتاحه لها وابيها تولدني بس هالحجي مخوفني وخصوصا اني بجر ماني عارفه شنو الوضع وقت الولاده بليييييييييييييييييز يا بنات ساعدوني هالحجي صج ولا لاء 
واذا كان بالشهر الاخير ومقعده تحت ف قيصيريه ومالج شغل من هالحجي الفاضي بس فالحين حق التخرع
توكلي علي الله والله يسهل عليج انشالله
سوت حق بنت خالتي ماشالله ايدها خفيفه وتهبل
وبعدين سالفة القيصريه أكيد وضع الياهل ما يسمح إنه ينولد طبيعي ولا ترا الدكاتره
مو فخر يفتحون بطون الناس بالعكس ما يحبون بس مضطرين
وإن شالله تولدين طبيعي وتقومين بالسلامه وتييبين ياهل متعافي وحلو بعد
اخذي مني الكلام المفيد
انا دكتورتي ناهدة العلي
كلمة تهبل شوية عليها
حنونة ، وراكدة ، وفاهمة
وتنطر عليج ليما آخر لحظة
آنا ولدت عندها قيصرية
ولكن،،،
انطرت علي سبع ساعات
وكان الطلق حامي جدا
والرحم مفتوح
ولكن وضع البيبي مو طبيعي
والله تعبت معاي وحاولت تولدني طبيعي
وحطت لها كرسي وجابلتني
مو مثل بعض الدكتورات
اللي تيي عالآخر
بس حق رزة الويه
الصراحة إذا تبين وحدة أمينة عليج وعلى البيبي
خليج عليها
وعسى الله يهون عليج ياربي
وتولدين طبيعي
والسهالة من الله
مو من أحد ثاني
وخصوصا اذا شافوا الوحده محتاره
مشكورين يابنات وما قصرتوا شوي طمنتوني مع اني عارفه انه وضع الطفل اهو اللي يحدد اذا كانت العملية قيصرية او لاء بس شسوي الناس خرعوني مع اني وايد مرتاحه على الدكتوره ناهده وابيها انشالله تولدني وانشالله ربنا يسهل علينا اجمعين 
ومع سارا ديور … كل وحده وحسب حالتها وولادتها شلون تكون هذا مو بيد الدكتورة …
توكلي على الله ..