|
|
مرحبا بنات
انا ملييييت من المشكله الازليه الا وهي السمنه
اسوي ريجيم واضعف بس بعد مده يرد الوزن دبلات
جربت ريجيم العوضي عند الاخصائيه الهنديه ونزلت 12 كيلو بشهرين
وجربت دايت سنتر ونزلت 6 كيلو بشهر
وجربت الرياضه ومليت داومت يومين بس بالنادي
لان كان عندي صيفي وكنت ارد العصر وتعب
وجربت ريجيم دشتي ومن اول اسبوع جاتني دوووخه
فالحين قررت التالي:
وزني صار 90 وهذي اول مره اوصل هالوزن خصوصا ان طولي 160 فمعناته دق ناقوس الخطر عندي 
لازم انزل 25 كيلو عساس اوصل لوزن 65
قررت اسوى ريجيم من نفسي
بوقف الكاكاو وجميع انوع الحلويات
والوجبات السريعه والمقليات والدسم
والنشويات من باستا وعيش وخبز ما عدا التوست الاسمر
بخلي اكلي سلطات وفواكه والغدا بيكون مشويات او شوربات
الريوق عباره عن اجبان ولبنه لو فات او بيض مقلي بزيت زيتون وسلطه
بين الوجبات فاكهه
ومن الساعه 6 بوقف الاكل الا في حاله الجوع الشديد روب او فاكهه
والماي بيكون لترين باليوم
الى جانب شاي اعشاب
مع حبوب ايزي لاكس
وحزه العصر عساس ما ادوخ بتقهوى مع حبتين تمر
وافكر اكل حبوب فيتامينات
وراح اسوي رياضه ومحتاره
بين المشي يوميا ساعه
او اشترك بفلكس
اخاف اشترك واتخسر وما اروح خصوصا ان بيتنا بالفحيحيل فراح يكون درب على يوميا
مع اني متشوقه اشترك فيه
اي ونسيت اقولكم انا ببدي هالنظام من تاريخ 1/مايو ليما تاريخ 30/اغسطس
انتوا شرايكم ؟؟
ابي ملاحظاتكم عالنظام
واللي ناويه تبتدي معاي حياها الله عساس نشجع بعض
بس ليش من 1مايو
ليش مو من اليوم وليش على الاقل من الاسبوع الياي
جذي راح يزيد وزنج عن 90 بدال ما تكونين نقصتي كيلوين او ثلاث بها الايام زدتيهم
انا اقول توكلي على الله وابدي مشوار الرشاقه صدقيني لوتنقصين على الاقل خمسه كيلو بالشهر ما ايي شهر 8 إلا وانتي سمبتيك
الله يوفقج ان شاء الله ونسمع انج رشيقه
بعدين على سالفة النادي انا اقول ابديها بمشي احسن وعقب الرياضه لاحقه على النادي خليها بالعطله
عندج ممشى الكوت روعه وشحلاته ولا تحسين انج تمشين انا ودي امشي كل يوم بس مامن مشجع يعني اوكي اروح يوم يومين وتالي امل لان محد معاي وخصوصا اني بالقرين وايله بس الحين سوو الممشى عندنا شحلاته
لايطوفج
خلك متفائلة وان شاء الله توصلين للوزن اللى تبيه
حبيبتى تعالى شاركينا فى مسابقة الحلم اصبح حقيقة ..بقسم السمنة والنحافة
وان شاء الله تلقى كل ترحيب وتشجيع من كل المشاركات وكلنا راح نشارك بعض وان شاء الله يتحقق حلمنا بالوصول لجسم رشيق بدون سمنة ولا متاعب مع ثقة بالنفس …….. تعالى بسرعة سجلى معنا واكتبى يومياتك و وكل اللى بخاطرج ……..
وممشى الكوت حلو وحيييل قريب من البيت بس انا اخاف المشي بس يضعف ما يشد وانا اخاف يترهل جسمي عساس جذي ودي بالنادي بس مشكلته انه بعيد
واخاف اسافر بالعطله ويروح على الاشتراك
ان شاء الله لي مرور على موضوعكم
انا صج صج مليت من شي اسمه ريجيم وربي
وانا ألحين صارلي جم يوم بادية تخفيف وجربت يومين ريجيم السوائل بقيت اموت من الصداع ولوعة الجبد بس هونت ماقدرت اكمل …وانا بشاركج بس صارلي جم يوم نفس طريقتج وارتحت حيل عليها حبيبتي
وان شالله نضعف وانصير منيكانات
قولي يااااااااااااااارب الله يسمع منج
كم طولج ووزنج
وكم ناويه تنزلين وبكم المدة؟؟
آآآآآآآآآآآآآآآآآآآآآآآآآآآآآآآآآآآآآه
وربي محدددددد كررررررررررره الريجيم والضعف كثررررررررري
مليييييييت خلااااااااااااص طفح الكيل فيني
وربي يالجادل إني مثلج شهر 4 اللي فاااات سوويت ريجيم ونقصت علييه بس بعدييين مليييت لأن وزني ماااينزل بسرررعه
تخيلي من شهر 4 اللي فاات لما الحيين مانزلت إلا 10 كيلوات
مع إني أول مابديت بالريجيم لو المفروووض أنزل 20 مو عشره
كنت شاده حيلي من قلب لأني صج صج كنت بضعف
بس تعرفين لما شفت وزني ماقام ينزل
خلااااص سكرت بوجهي الدنيا وعفت طااري الريجيم
مع إني بداخلي أبي الضعف وأدوره بس ماأدري ليش
والحين كل ماقلت بسووي ريجيم
أكلت بزيادة
والنادي مثلج بعد أشترك أروحله يومين وأمل
وأمي تقولي حرام الفلوس راحت والله
النادي اللي أروحله بالفنطااس
تعاالي وياااي أشتركي خلينا نشجع بعض ،، شرايج
لأن صج صج مليت من الدكاترة ومن الريجيم
وقلت بخفف ولا أبي دكاترة ولا بطيخ
انا مثلج بس بالمقلوب اول الريجيم انزل حيل بعدين يوقف الوزن مده وهذا اللي يضايق
النادي اللي بالفنطاس شلونه
لاني مره اشتركت باللي بالمنقف اسمه كازابلانكا وطلع وسخخخخ
مظلومه
انا العمليات تخوفني جداا
عساس اذا جا 1/مايو
التزم عدل
ريوقي:
سلطه خضرا مع جبن حلوم قليل الدسم وتوسته سمرا
وعصير
الغدا:
شوربه خضار مع لبن خالي الدسم و4 ملاعق عيش ابيض
العصر تمرتين وقهوه عربيه
والعشا
تفاحه وبرتقاله
مع حبوب ايزي لاكس انصحك فيه ومع قهوه النسكافيه يسد النفس ويخليج دائمااا شبعانه
حرام تشتركين بنادي لان بالصيف يصير زحمه