اللي معاي بالدوام

مرحبا
بنات انا عندي مشكله بالدوام
في بنات جدد معاي بنفس الغرفة وبنفس القسم
بما اني قديمة بالدوام احس انهم كل مع بعض ويحاولون انهم يشتغلون الشغل ابروحهم ووحدة منهم مغلوب على امرها ووحدة منهم الله يسامحها شايفه روحها وتحسسني اني ولا شي لدرجة تقولي ليه ما تتقاعدين مع انه توني ما وصلت وقت التقاعد بس تبي تتخلص مني خايفة احتمال اني اصير رئيستها
وما ادري اشلون اتعامل معاها ودايما احسها تبي الشغل لها بس وتبي تبين روحا جدام الكل واني انا ما اشتغل
قولولي كيف اتعامل معاها هذي

حبيبتى شكلج وايد طيبة سمعينى غناتى اول شى ثبتيلها ان شخصيتج قوية لاتعطينها وجه بالمرة خلى علاقتج محدودة بالشغل وبس

وااااي ليش جذي انتي ..! المفروض تعطينها العين الحمره .. وإذا ماتسنعت عطيها اللي ماعطاها زمانها

وقفيها عند حدها

لا تعطينها مجال تتمادى

حاولي تكسبينها وقولوليها شحقه اتقاعد للحين انا بصحتي وعندي طاقة وحاولي تدخلين معاهم بالشغل اللي يسوونه وتشاركي معاهم لعل وعسى

كسبيهم كل وحده شوفي شنو تحب ودخلي لها من هالمدخل يعني اللي تعبانه سئليها شلونج شمسويه وهالحركات يوميا حاولي تهتمين فيها واللي عندها مريض او شي واسيها ويعني لين تكسبينهم وحاولي اشوي تنزلين لي مستوى اعمارهم مو وايد يعني عشان يحسون انج معاهم مو اكبر ويمكن اهم مفكرينج ماتبين تتعاملين معاهم لفرق السن ترا تحصل ساعات وموفقه يارب بس انتي زيدي من الاستغفار بكل وقت وشوفي التوفيق من الله

حبيبتي انتي لاتتكلمين ولا شي !
خلي اثبات ذاتج بالشغل .. وكونج اقدم فهذا الشي بحد ذاته حلو بحقج .
انتي اشتغلي ولايطوفج شي .. وصدقيني بتفرضين احترامج ووجودج غصبن ع اي كلمة لأ !وعادي ترا هالشغلات في كل الدوامات .
موفقة

عادي ترا هالشغلات في كل الدوامات … وعموما جذي ولا جذي انتي الاقدم واحقيتك برئاسة القسم افضل وراح تصيرين رئسة قسم علي وعلى غيرها ساعتها بتلاقينها اهي اللي تركض وراك كل يوم وتسأل عن احوالك
وقولي ما قلت لك

موفقة

خليها احسن خل تشيل الشغل كله .
وانتي حطي ريل على ريل , واذا صار في شي
خل يرجعون لج منها ترتاحين ومنها تصيرين شبه مسئوله .

صح ؟؟؟؟؟

.

كل وحدة اتسوي شغلها بروحها
قولي حق مسئولج يقسم الشغل بالاسم واي شي اتسوينه وقعيه باسمج
وعلميها انج لج راي وانج كبرتي على سوالف اليهال

انت سوي الي عليج ,, واذا اهي بتموت على الشغل وما تعطيج مجال خليها تسويه
ولما تصيرين رئيسة قسم باذن الله تلقائي راح تحترم نفسها وتتحسف على العلاقه الي خلقتها بينكم ,,,,,,,,,,,,