اللي مسوين تقويم يدشون

السلام عليكم يا أحلى كوتيات
مركبه تقويم وذابحني فبه أطراف فب نهايه التقويم حاده وتغز بس بسأل اللي مسويه التقويم كيف عادي تغز ولا فيه حل وشلون عن التنظيف بعد الاكل شلون تقدرون تنظفون أنا صار أكثر أكلي عصاير وأحس بألم عادي ومتى يروح وبس ولكم الشكر والتقدير

ماتشوفين شر حبيبتي

رح انقل الموضوع للقسم المناسب

اب اب اب
في قسم صحه الفم والاسنان يمكن يفيدونج اكثر

ايه ياحياتي الله يعينج ..
انا ركبت تقويم وشلته ..
لهو طبيعي باول شهر يعورج وتحسين
ان ظروسج شاده بس هاذا شي طبيعي
اما من ناحيه ان يعز اكيد بتحسين لان شي
جديد عليج انتي راح تنسين بعدين
ومن ناحيه الاكل اكلي عادي واهم شي تنظفين ظروسج
بفرشاه خاصه للتقويم
موووفقه حياااتي

مشكوري على الافاده وتوني أدري فيه فرشاة للتقويم شكرا أختي على المعلومه
ونهي أيه تكفين وديه حق القسم المناسب الله يجزاج خير

هلا حبيبتي

كاهو موضوعج الحين صار في قسم طب الاسنان

نهى وجمانة شكرا لاهتمامكم
الله يفرج لكم ويوسع عليكم دنيا وأخره
الشمع عندي وبحطه ما طرا علي
مشكوووووووووووووووووووووووووورين

بالضبط >> روحي اخذي الشمع من الصيدليه أو قولي حق دكتورج التقويم يعطيج إياه .. واااااااايد يريح

انا كنت حاطته التقويم بدايته اذيه الاكل اول اسبوع يعورج اغلب الاكل شراب وشوربه بس حاولي تقطعين الاكل وتاكلين شوي شوي بعدين راح يصير عادي
وكل ما تروحين ويشده راح تصير نفس الشي اول جم يوم يعور بعدين عادي
والتفريش ضروري في فرشتين اول فرشه صغيره جنها مالت المميه بس عنونه تفرشين بين التقويم بين كل ضرسين وبعدين تفرشين بفرشه عاديه
واذا اللي ورا السيم وايدةطالع ويجرح اللثه عادي روحيله قوليله راح يقص منه شوي (: