|
|
السلام عليكم ورحمة الله وبركاته
شلونكم خواتي؟؟
ماعليكم أمر حبيت أنزل الموضوع هذا عشان نفيد ونستفيد
وعندي استفسار اللي مجربة الليزر في المنطقة الحساسة والبكيني تخبرنا عنها..
كم جلسة خذت لحد ما خف الشعر؟
وهل حملت بعد الليزر ولا واجهت مشاكل؟؟
عرسي بإذن الله بعد 3 شهور وناوية باجر أروح العيادة عندي جلسة ليزر بس خايفة لأن بنت خالتي قالت لي ان الليزر بالمنطقة الحساسة تسبب العقم لا سمح الله … فشو رايكم بنات أفيدوني جزاكم الله خير 
انا سويت جلسه وحده قبل 4 اسابيع هذي اول جلسه وان شاء الله بستمر
لد الحين ماطلع شعر او بالاصح يطلع بس من اتسبع يطيح من نفسه
حيييييييييييييييييييييييييييييييييييييييييييييل مريح
بس يعور لما تسوينه يعني مو نفس ليزر الوجه والايد والرجل لا هذا عوار ثاني
اما عن الحمال اممممم نووو للاسف مادري عنه لانه تو عرسي ماصار عشان اعرف 
هم كل شي قالوا عنه يسبب العقم حتى العلووووووووووج …والكاكاويات …أختى مسويه …واسم الله عليها عندها 2 الحين …بس فترة الحمل ماتسوي لأنه يأثر عالجنين …
وماييب العقم من قاااااال
رفيجة اختي مسويته ومتزوجه وعندها 2 مشالله
بس صح ماتسوينه وانتي حامل
يعني قبل عرسج بيومين سوي اخر جلسه علشان يطول معاج المفعول
اب
للاسف ماعرف
قهوة فرنسية
بنت أحلى ديرة
كرز حالي
غرور وايل
أشكركم من كل قلبي والله
الحمد لله رحت اليوم الصبح توكلت على الله واستخرت والحمد لله سويت وحسيت براحة نفسية
ياليتني سويته ايام الخطوبة 
يالله ماعلليه ان شاء الله اييب نتيجة
ويسلموو بنات وماقصرتواا..
>> مو متزوجه لووول 
بـنـات انا نفسكمـ فكرت اسوي ليزر ,
خلاص حطيتها فبالي مسويه يعني مسويه
بس قلت مابي استعجل سألت كذااا بنت امسويه من فتره تقدرون تقولون طويله
وحده قالت / طلع تحت جلدي لو اخضـر
والثانيه قالت / مهما اتنضف يطلع ريحه حيل مو شويـه . لأن المسامات اللي كان يطلع منها العرق تسكرت ,
والثالثه قالت / ساعات اتجيني حكه مو طبيعيهـ .
لاتغامرون نصيـحـه ترا سلبياته للحين ماطلعت عــدل ,
وفللله مايطلع شعر واذا طلع بعد فتررررررره طويلة ويطلع نااعم مثل الزغب
وعن نفسي ماشوف فية سلبيات
حماتي وصديقاتي مسووين وحملو عادي
ويكفي الراااحه
وترى من وحدة لثانيه تختلف الاستجابه ^^
والكل مدحة الصراحة وأقنعت بنت خالتي تسوي
وبنت خالي مسوية قبل 5 سنوات ماقالت عن الشعر اللي تحت الجلد
اللي تبغي تسوي تستخير وتتوكل على الله