|
|
السلام عليكم ورحمة الله وبركاته
كويتيه ذهبيه بس سجلت بنك ثاني ما ابي احد يعرفني
بنات انا ليش طلبت اللي ما جربوا الخيانه يمكن لانهم اكثر ناس بحسون فيني اللي جربت الخيانه
وتعودت عليها وصار عندها مناعه منها ما راح تحس باللي انا احس فيه او اي وحده جربت اللي انا مريت فيه
خلوني اعطيكم نبذه عن حياتي باختصار
متزوجه صارلي 12 سنه عايشه مع زوجي حياة من احلى مااا يمكن والله يمكن الكل يحسدنا عليها عيالنا جنهم
اصدقائنا الحب عاااامر بالبيت الم زوجي جدام عيالي اهو يلمني ابوس راسه ادلعه قااايمه فيه لدرجه بتقولون هذي تتصنع
لااااا والله اني اعبر عن حبي له بكل وقت لدرجه انه يستحي مني واهو عاااارف شكثر انا احبه لا واذا طالع الشاليه
دقيت عليه وما رد تعالوا شوفوا شيصير فيني يمااااااااااا اصير مينونه لدرجة اني اهستر اقول اكيد صارله شي اكيد حادث
وما اخلي اخواني ما ادق عليهم يعني باختصار اعفس الدنيا
ولا مرض اكنسسسسسسسل كل مشاويري واقعد اجابله جنه ولدي الصغير واذا تعبان لازم اسويله مساج واخلي عيالي
معاي شقولكم بعد
ومستحييييل انام اذا تأخر علي لازم يرجع البيت يالله اعرف انام وكل اللي ذكرته لكم ولااااشي في اكثر من جذي
بس بكتفي بهالقدر
بداية المشكله
فاتحني بموضوع السفر واهو يدري اني ما احبه يسافر بدوني يعني سفرة ربع هذي انا شااايلتها من راسه واهو بصراحه ما يحب يسافر الا معاي بس هالمره حسيته غييييير الا بيسافر لا واقولكم شي تعرف على واحد والله ان
هالانسان كللللللللللش مو عاجبني بس اهو موصله السما لا هذا مصلي مسمي لان زوجي وايد تغير علي من عرف هالشخص
المهم خلاصة الحوار
انا : السفره هذي مالها داعي ليش بتروح طول عمرك ما تفكر بهالسوالف
زوجي : ودي اغير جو بجرب اسافر مع ربعي انتي شنو مو واثقه فيني
انا: واثقه بس ما تعودت انك بتسافر بدوني ومع منو مع فلااااااان انا ما ارتاح له كللللش
زوجي: انتي شفيج عليه يبا انا بسافر يعني بسافر
انا : انا تعبانه ولو سمحت لا تفتح معاي موضوع السفر كللللش بس تأكد اني مو راضيه
مرت الايام ما قام يتكلم اثاري مزهب كل شي ويا رفيجه التذاكر والحجز وراح معاه يشترون ملابس
السفره على اساس انها الصييييييييييييييين
بجيييييييييت وبجييييت وبجيييت اول مره احس ان ما باذنه ماي بيسافر وكلمتي عنده ولا شي شهالانانيه
لهالدرجه تفكر بوناستك بصراحه وايد حز بخاطري هالموقف
اخر شي تقبلت واقعي من بعد ما راضاني وقلتله الله يحفظك سلم علينا وراح
طول ما كان يكلمني من بره كان يحلف انها اخر سفره والله ما اخليح لو شنو حسيت من صوته واحد مو مستانس
قعد عشر ايام رجع الكويت الصبح الساعه 6 بنات اول ما شافني مو اهو اللي اعرفه مكسور جنه بيبجي
حتى سلامه لي ما طول فيه قلت عادي من تعب السفر وقعد يوريني الهدايا والصوايغ شكثثثثثر اكثر من اهله
وعياله
رحنا الغرفه والله يا بنات حسيت بالخيانه وقلت خل اجس النبض يااااااااااي يا عل احساسي يخيب تكفا يا احساس
خيب ظني هالمره لا تقولي انه خايني لانه عمره ما سواها تكفااااااااا يا احساسي جذبني
قربت مو شوووووقا له لا والله بس بعرف قالي تعباااااان ما اقدر ترا مو هذي سوالفه كللللش فجأه قام طلع من الغرفه
الا البيت بكبره قالي بروح عند امي قلتله اوكي
بنات لما طلع صرت مينونه ابي مفتاح التجوري الا بشوف جوازه وين رايح ؟ يا رب دورته وما لقيته
رجع البيت رد يبي ينام كل مانام فز يقول ذابحني الوسواس قلتله اي وسواس
مااااا ادري ذابحني الوسواس وطبعا يااااني حيييل ضعفان
انا:انت مسوي شي غلط
زوجي : ايه .gif "Eh S(2)")
انا: شنو
زوجي: انا ما رحت الصين
انا : وين رحت
زوجي: رحت تايلند
انا : ليش جذبت علي
زوجي : انتي ما ترضين
انا: شي اكيد ما ارضى تبيني اخليك تروح حق اوصخ ديره بالعالم عوايل ومو سالمين هالمره سفره شبابيه
هديت الغرفه وطلعت
بنات صرت مينونه والله صرت مينوووووونه
انا: شسويت هناك ؟
زوجي : شربت
انا : وبعد
زوجي : رحت ديسكو
انا : وطبعا شفت الرقص والوصاخه اللي بالديسسكوات
زوجي: صدقيني غصبن علي
انا: والله ما تجيسني الا لما اشوف الفحص جدام عيني
ملاحظه : لما طلع من البيت جذب علي قال بروح عند امي راح مستشفى خاص يسوي تحليل الايدز
لا ليلي ليل ولا نهاري نهار ذبحني التفكيررررر منو شاف ومنو طالع ليييييييييش سوا جذي انا مو مقصره بحقه
مغرقته حب واهتمام عمري ما شكيت فيه ولا ضايقته
قعدت بداري مثل المينونه لي ثاني يوم ماني مصدقه شلوووووووووون يجذب علي شلوووون ؟ يستغفلني ويروح
شبي فيك الحين ياي تتحجي عقب ما استانست وسويت اللي في بالك
دش عل الغرفه
زوجي : تكفين لا تزعلين
انا: ليش زنيت ؟
زوجي : ما زنيت
انا: ليييييييييييييييش زنيت ؟
زوجي صدقيني ما زنيت ؟
انا: جذاب
زوجي : يبجييييييييي تكفين ساعديني
انا: اساعدك بشنو
زوجي : عطيني ايدج
وظل يبجي على ايدي وانا ساكته تحجرت دموعي
انا: جاوبني
زوجي : توعديني تساعديني
سحبت ايدي قلت ماكو فايده فيك ما تبي تتكلم
زوجي : تكفين عطيني ايدج والله بتكلم نزل راسه
انا : اسمعك
زوجي : انا سويت مساج
انا : شنو كانت لابسه اللي سوتلك وجنه يوقفون طابور وانت تختار صح ؟
زوجي : يبجي ولا شي
انا: وانت
زوجي: ولا شي
انا: تقول ما نمت
زوجي : كان بايدها
بناااااااااااااات طقيته بدون شعور على صدره سحبته صوبي وشقيت فنيلته يالحقيييييييييييييير وانا ابجي يالنذل
واهو يلمني ويقسم عالقراءن والله ما جامعتها جب جب ما ابي اسمعك اااااااااااااااااااه اااااااااااااااااه
وااااااااااااااي مو مصدقه تكفون ياللي ما جربتوا الخيانه تعالوا واسوني والله محد يعرف هالسالفه غيركم
لا صديقاتي ولا خواتي دافنتها بقلبي وما طلعتها الا الحين
بجييت وبجييت والوسواس كلا قلبي والغيره ذابحتني اغار ومن حقي اغار مسلمه مصليه مسميه
دعواتي له وهو رايح الله يحفظك واهو داش الله يخليك لنا اغار ومن حقي اغار مو زوجي ملكي لي بروووحي
وافز من الصبح وادخل عاليوتيوب واكتب بتايا
اه يا قلبي والله اني ابجي الحييين شفت بلاوي ودخلت عالمساج اللي وصفه لي يمااااااااااااا بموت بمووووت والله
وحده تارسه البانيو ومعبيته ورد واتخيل زوجي وهذي تسبحه وتفرك جسمه ا
وعقب السبوح تسويله المساج وعقب المساج اعتقد انتوا عارفين
يا علي مت قبل هاليوم يا علي متتتتت قبل هاليوم بجييييييييت دم مو دموع بجييييييييت دم ياني السكر من كثر
الهم اللي عشته
قمت حذفت اللاب وقمت اكسر كل شي جدامي الكل منصدم العيال الخدم الاهل قاطعتهم ما ابي احد يشوفني بهالحاله
كسرت خاطره والله اهو عارف شكثر احبه وما اتخيله مع وحده غيري تخيلوا يلمني ويبجي شقول
يقول يااااااااااارب هون عليها يااارب اللي صار معاهاا شي مو هيييين يارب انا السبب تخيوا ابجي
يقرا علي قرااااان (ترى زوجي مو ملتزم وااايد عااادي صلاته وصيامه وقران مو واايد يقرا)
بعدها هديت
عقبها بجم يوم رجعت لي حالة الينون اي والله ينووووووون
انا: اكيد عاجبتج
زوجي : لا والله
انا: قولي شلون شكلها
زوجي : نفس الفليبنات شفيج تكفين لا تسألين ولا تعبين روحج اقسم بالله انتي ذهب انتي كنز
اانا: انا كنز بس انت ضيعته ويقعد يبجي وانا ابجي
ما ابي اتكلم عن شكلي ولا عن اهتمامي ولا جسمي ولكن بقول (رحم الله امرئ عرف قدر نفسه)
اثار الخيانه حطمتني .gif "Eh S(11)")
حطمتني يا سعووود حطمتني يا سعووود 
1- لما نطلع اشوف ويوه الفلبينات بكل مكان وادقق واسرح بيوهم
2- انعدمت ثقتي في زوجي صج انه صارحني بس للأسف ماااكو ثقه
3- منتدى الحياة الزوجيه كنت اطل عليه واقرا مشاكل البنات وهمومهم وادعيلهم بظهر الغيب من بعد مشكلتي
والله قمت ما ادشه بس علشان اداوي جرحي ما ابي وحده تذكرني بخيانة زوجي
4- تغيرت حييييييييييييل اكتبها وانا ابجي غصبن علي ما قمت اتقبل زوجي حدي تغيرت شفتو الكلام اللي كتبته بالبدايه صار من النهايه بالنسبه لي
5- نسولف مع بعض ونضحك بس صج تغيرنا وهو تغير بسببي مو معطيته مجال يرد نفس قبل
6- حاولت ارد وانسى واسامح لانه بجى واااايد بس مو قااااادره اسامح يوم وارد اتذكر
7- اذا بدل جدامي اوسوس واتخيل
8- اغير ملابسي بعيد عنه احسه مو كفو
9- فكرت اروح عند ناعمه الهاشمي
10- ودي ترد حياتي نفس ما كانت يشهد الله علي ما بالغت وبولا كلمه كتبتها ابي حياتي ترد بعييييييييييش
نفس ما كنت ردي يا حياتي لو لحظه بس فرحي قلبي بس للاسف ماكو
شكرا لكل وحده قرت مشكلتي يمكن تكون مو مشكله يمكن هم ابيه يطلع مني ويفارقني للابد
شكرا لكل وحده حست بمعاناتي يمكن البعض يشوفها صغيره بس انا اشوفها كبيييييييييييييره
ما تعودت عالخيانه وعمري ما راح اتعود لو يخونوي مليون مره
ادعولي بنات ان الله يفرج همي وغمي واني انسى هالخيانه اللي صارلها 4 شهور ومازالت اثارها محطمه قلبي
بس هو يحبج واعترف لج..وانتي توكلي على الله بالاول والاخير
استغفر الله واتوب اليه —من حر مافيني
خل يتعظون اللي يخلون ازواجهم يسافرون وحاطين ايدهم وريلهم بماي باردة وتقول زوجي واثقة فيه
ياقلبي ماكو حجي بيخفف عنج لأن الهم كبير ادري .. الله يكون بعونج الله يكون بعونج مليووون مرة
ياقلبي ماتسوى دموعج وكلي امرج لربج .. اللي صار صار وعسى ان تكرهو شيئا وهو خيرا لكم
مافي كلمات رح تواسي جرحج انا ادري . . بس شتسوين .. هالشي مكتوب عليه وعليج .. المهم انه اهوا تاب واعتذرلج وبجى جدامج وهذا اككككككككبر دليل على انه يموت فيج بس متحسف عاللي صار
وانتي تدرين الدنيا مترووسة فتن وبلاوي والريال ماقدر يمسك نفسه (كل بني ادم خطاء….وخير الخطائين التوابين)
انا ماجربت الخيانة وانشالله ماجربها آمين .. بس والله حاسة بشعورج عدل ولو انا منج ماأهدم حياتي عشان وحدة زبالة الله اعلم من وين يت ولا وين راحت .. واهم ماعندي زوجي .. انه اعتذرلج ويبي يراظيج
شتسوين ؟؟؟؟؟ لاتطلبين الطلاق ولاتحرين نفسج ترا هذا كلش مو حل ..
خلج رسمية معاه الى ان ترتاحين وتطفى النار شوي اللي بصدرج ..
انا ماأحطله عذر واقولج اللي سواه مو بيده . . بس انا قاعدة اواسيج عشان مابيج تهدمين حياتج وتظيعين عمرج وعيالج وبيتج وتظيعينه معاج
ربج بيحاسبه على اللي سواه . . وانتي حاولي تمسكي بالقرآن وتكفين اذا تقدرون روحو عمره … ترا بشوفة الكعبة اهوا بينهار .. وانتي رح ترتاحين واطلبي من ربج يغسل صدرج من كل هم وظيقة
والتزمي بالاستغفار والصلاة … وعسى الله يهدي بالج ويطمن قلبج ياقلبي .. ونصيحتي مرة ثانية لاتهدمين حياتج وصحتج الزم ماعليج
ومن وصفج لحياتج قبل السفره مبين ان ريلج يحبج ولله الحمد و هذا اللي سواه خلاص اعتبريه زله و اعترف فيها لان ضميره ليلحين صاحي مو نفس باجي الرياييل قلوبهم ميته
يعني اهو ما صارحج الا لان عارف بغلطه ومأنبه ضميره حييييل و انتي ماغبتي عن باله لكن تذكري حبيتي ابليس مامات وقص عليه ووسوس له رفيجه اللي وياه وغلط ! وزياده على هذا كان شارب والعياذ بالله يعني عقله مو معاه وصار اللي صار
بغض النظر كان شي سطحي أو عميق اهو صار , ولو حتى بس بالنظر وادري شي يقطع القلب
بس انتهى !!
تحبينه و تسامحينه وخلاص ربج يسامح و يغفر لعباده احنا يالبني آدميين مانغفر و نسامح !
اعتقد انج عاقبتيه بما فيه الكفايه ! ومن حقج تتغيرين عليه قد ماتبين لان الكسر اللي بداخلج مو قليل والصدمة كانت قويه
اما شلون ترجع حياتج نفس الاول انا اقولج شلون
تذكري ان الله عطانا نعمة النسيان بعد يوم او شهر او سنه ماردج بتنسين و بيطيب جرحج وبتذكرين هالخيانه بس تقولين خلاص زله وعدت وتعوذي من ابليس لان راح يحاول يدخل بينكم زياده ويذكرج فيها و يوسوس لج فيها و يخليج تشوفين عيووب ريلج كلها وتنسين الشغلات والايام الحلوه اللي عشتوها
وذكري الله و احتسبي الاجر و صيري احسن منه وكسري عينه وما يمنع انج بين وقت وقت تقطين نغزات عليه خفيفه تبينين له انج مانسيتي وكل ماتضايقتي وتذكرتي ابجي طلعي اللي بقلبج و تالي غسلي ويهج واقري القرآن وربي يشرح صدرج و ينوره
وادري قرقت وااايد بس لان احس بمشكلتج و تعاطفت معاها حيل و ريلج كثر ماهو شين واللي سواه هم شين بس احس انه فيه شغلات وايد زينه وموهاينه العشره عليه
الله يتمم عليكم و يبعد اعيال الحرام عن زوجج و ازواجنا كلنا وسافري معاه اي ديره غيري جوو و اخذي فترة استجمام وراحه حق نفسج وعطي روحج حقها اكثر من قبل ترى لي طحتي محد بيفيدج غير نفسج
وتقبلي تحياتي وقرقتي 
حبيبتي اهو غلط واعترف لج وحس بغلطته
اذا تقدرين تروحين وياه عمرة وهناك يمكن ربي يشرح صدوركم لبعض ويغير فيكم للافضل
موفقة
الحلو في ان صارحج لو ان اهو حاط في باله ان يستمر بهالدرب الوصخ جان ماعترف لج وكمل مسيرته بس شكله ندمان سامحيه وخل يعطيج وعد وعهد ان مايكررها
رايي تروحين العمرة انتي وياه تنغسل القلوب والآثام
اكيد ماراح تنسين لأ مستحيل
بس تناسي
يحب يجرب اي شي جديد
واتوقع رجلج مع حنه ورنه ربعه راااح معاهم يبي يجرب هالشي اللي الكل يسافر له ويشوفه
ورد لج بس رد ندمان ومنكسر…….. <<< وهذا اهم شي
عاقبتيه بمافيه الكفايه
صرختي سبيتي زعلتي ذليتيه……….. ومع كل هذا كان يبجي على ايدينج ويطلب العفو
وانها اول واخر مره
انا مو معاه عاللي سواه
بس كل انسان خطاااااء وكلن يخطيء ……. بس افضلنا اللي يعترف بالخطا ويتوووب………
ذكريه بالله …. اذا كان صلاته عادي وقراءته للقران عادي …….. كثفي عليه القراءه والصلاه ذكريه فيها على طول
صومي انتي وياه يوم بالاسبوع الاثنين مثلا ……………..
قربيه لله اكثر
كل ماتقرب العبد لربه………..صدقيني كل ما ابتعد عن المنكرات
وان الصلاه تنهى عن الفحشاء والمنكر
واذا الله سبحانه جل جلاله بعظمته وبقدرته وبسلطانه وعرشه ……………. (( يسااامح))
انتي العبده الفقيره لله ……. ليش ماتسامحين!!!!
ترى الشيطان شاطر واهو اللي يكبر هالاشياء براسج……….. تعوذي من ابليس ومبين على زوجج خوش واحد………… لو واحد ثاني مايخاف ربه تلقينه انتهز فرصه انج زعلانه وراح كرر سفره الوناسه….
الله يهديه لج ويهديج له وينسيج اللي صار………..
تدرين ليش؟؟؟
لانج بقصتج ذكرتيني بخيانه زوجي لي..وانا كنت اتناساها..او ابي انساها..
موعارفه شنو الحل
بس اللي اعرفه انج ماراح تنسينها اسفه جداا اسفه بس لو عشتي معاه بتذكرين ولو بعيد عنه هم بتذكرين…
قولي اللهم اجرني في مصيبتي واخلفلي خيرا منها
بس انا وايد اهون منج انا تليفون فقط انتى احتمال زنى ةالله لايقولها انا ماتحملت بس مكالمات انتي شلون؟والله محد يلومج على اللي سويتيه
بس بالنسبه لي قمت افكر
انا ماراح اعيش طول عمري بهالدنيا ليش ما استانس واعيش حياتي
تقولين اهو بجى جدامج
انا عشان كلم وحده نزل تحت ريلي وبجى لين قال بس وريلي باسها قال ما ابدلج بالدنيا بس مهما كان الخيانه تعور
ذكرتيني وانا ناسيه.gif "Eh S(4)")
استغفر الله العلي العظيم
بس زوجج يحبج واعترف لج بهالشي
خلاص انسي وخليه يقطع علاته برفيجه
روحي حق ناعمه اكيييييد بتساعدج
بس لاتخسرين بيتج وعيالج علشان نزوه
تعوذي من ابليس وادعي له و اقري البقره 40 ليلة متواصله
وان شاء الله الله يفرج همج
فديتج والله
ولا تهدمين بيتج عشان حثاله المجتمع !!
صح الي سواه غلط وغلط كبير .. بس ربي خلق بكل انسان فطره
فطره النسيان ! عيالج اهلج بيتج كل شي لا تضيعينه عشان هفوه او زله من زوجج !!
يمكن انا ولله الحمد ماجربت الخيانه وان شاء الله ما اجربها .. بس مادري حسيت اني حاسه فيج ..
والله اني ابيلج الخير .. لا تهدميين بيتج .. لا تهدمينه عشان **** !!!
والله والله والله هالشي مو مستاهل .. صح قهر صح تحسين بنار .. بس بتنسينه والله بتنسينه
وزوجج ان شاء الله الي بينسيج .. اقعدي معاه وقوليله هالطاري مابيه كلش بالبيت وبسامحك بس عمري ماراح اسامحك مره ثانيه !
ازعلي اسبوع اسبوعين بس وبعدين كلميه وصارحيه بس لا تفقدين اعصابج خليج قويه وان شاء الله تردون مثل قبل
حبيبتي انتي وياه مو سنه ولا سنتين مشاء الله 12 سنه وعساه طول العمر وياج ان شاء الله ..
تدرين عاد كافي ان بجى واعتذرلج ومنهار .. كافي ان يحبج .. كافي ان ابو عيالج !
انسي هالسالفه لا تفتحين معاه هالموضوع كلش .. سالفه وانتهت !!!
والله يسخره لج يارب ويبعد عنه بنات الحرام .. موفقه حبيبتي