((اللي عندها مشكله مع زوجها او اهل زوجها تتفضل وأنا اعطيها الحل)) ارجو التثبيت

السلام عليكم….
ياقلبي عندرفيقتي مشكله وابي الحل منج؟

ياقلبي (moon)
ابي رقمج اذا تقدرين لان المشكله طويله وابي اكلمج ضروري
ردي علي

المشكله رفيقتي عندها مشكله بين حماتهاوعمتها وزوجها مع امه
ردي علي عشان اقولج اكثر من كذا

حبيبتي اكتبيها علشان الكل يستفيد ..واذا تبين على الخاص تفضلي ..

الله يجزاك خير

ياليت تشوفين لي حل مع عصبيتي

حدي أعصب وبدون سبب أي كلمه يقولها

مهما كانت بسيطة أعصب منها

كأني مغصوبة عليه مع اني أحبه ومتزوجته عن قناعة

وهو يستاهل

حبيبتي ..روحي اللحين شربي قلاص ماي ..خذي شهيق .. وزفير .. شلي وحسي بالتوتر يخرج منج بمجرد تطلعين الزفير ..

واعرفي ان العصبيه عدوتج بتهد حياتج لو لازمتج .. سوي عكس الشئ .. اذا شفتي اي موقف عصبج .. اضحكي .. ابتسمي قولي عادي ..الدنيا احلى من ان نهتم بهالاشياء .. اذا مب علشانج علشان اللي تحبينه .. زوجج .. اللي يموت فيج .

واسمعي للتالي :

ركز على السلوك الذي يزعجك وليس على الأشخاص، فالنقد، والتجريح، والسخرية، والاستهزاء، والاعتداء، لا تحل المشكلة بل تزيدها تعقيداً، وتجعل الشخص الآخر في موقف الدفاع.

· تعلم مهارات الاتصال، تعلم كيف تستمع للآخرين، وكيف تعبر عن مشاعرك وأفكارك بطريقة تظهر للآخرين فيها الاحترام.

· ذكِّر نفسك دائما بأن العصبية والغضب لا تحل أي شيء، ولن تجعلك تشعر أفضل، بل ربما تخلق لديك مشاعر سيئة، واستفد في ذلك من الخبرات الماضية.

· كن واقعياً في توقعاتك وفي مطالبك، وتأكد أن الحياة لا تصفو في كل شيء.

· اسأل الآخرين الذين لا يغضبون مثلك، واستفد من أفكارهم.

جيتي بوقتك عساك على القوه
حبيبتي حبيت اشكيلك من اهل زوجي انا متزوجه 7سنوات
ومن يوم ادخل عليهم وهم زعل وشرهات وانا بيت اهلي متعوده على الدلع
وحتى مجتمعنا الحمدلله فيه صلة رحم ومتقاربين لبعض
بس اهل زوجي غيررررررر البشر مادري كيف اوصفلك
والله علشان ابو اعيالي متحمله ولا اااااااااكرهم مااااطيقهم الله يفرجلك ساعدين
خالي الي ابو زوجي مادري وش فيه علي وانا ماقصرت معهم من الحب والاحترام واكف
تقل خدامه واطبخ بالعربي ماقاصرت بشي وهو لي 5شهور متغير اذا سلمت عليه يعطين
عرض اكتوفه ويروح ويعاملني معامله شينه ومادري كيف اتعامل وهو من النوع الي مافيه تفاهم
حتى كلمته يوم العيد ولا رد بعدين كلم زوجي ورد عليه مادري وش فيه علي
حتى زوجي قال ابكلمه بس طبياعه شينه زوعول واخاف تكبر المشكله
والله اذا جاء اليوم الي بروح لمهم نفسيتي تتعب ماحب اروح والله مادري وش فيه علي
تكفين ابغى حل ضروووري
انا بنتظارك ربي يفرجلك فرجي لي والله مهتمه علشان زوجي يرغمني عليهم

اولآيعطيج ألف عافيه
ثاني شي مثل ماقال اللأخت هيبه ملك
الله يجزاك خير

ياليت تشوفين لي حل مع عصبيتي

حدي أعصب وبدون سبب أي كلمه يقولها

مهما كانت بسيطة أعصب منها

كأني مغصوبة عليه مع اني أحبه ومتزوجته عن قناعة

وهو يستاهل نفس المشكله
أخاف يجي يوم مايقدر يستحملني
وثاني شي يحب يأكل كثير مع أن عمره 28
وزنه 140تعبت معاه نقطه ضعفه الأكل بس ياكل تعبت معاه مااخليت شي ماسويته نادي وأقنعته يدخل ثاني يوم طلع
اذا كلمته يتنرفز دم ضروسه اقوله لا تكثر من الأكل
تعالي شوفي النجره
فشلني اليوم بالمطعم عشان طلبت صحن واحد عيش حطيتله شوي عشان مايكثر وينسه نفس
سوالي فصل بالمطعم شسوي والله تعبت معاه
بديت أكره المعاشره وسبه ثقله
تقدرين تساعديني

حبيبتي ..اهل زوجج جذيه طبعهم ماتقدرين تغيرينهم .. تقبليهم مثل ماهم عليه ..اذا مب علشانج علشان حبيبج زوجج ..
ومثل ما انتي متعوده على الدلع هم متعودين على هالاسلوب .. اعذريهم افهميم .. حبيهم مثل ماهم عليه تحملي تقولين ما اطيقهم .. ترى هذي بدمر حياتج الكلمة .. مثل ما تعزين زوجج عزين بالعكس زوجج اذا شاف حبج لهم بيحبج اكثر صدقيني ..
وخالج ابو زوجج لاتشغلين بالج معاه انتي بس ظلي متمسكه باسلوبج الراقي واحترامج وعطائج .. واذا هو ظل بهالاسلوب فهو الخسران .. او يمكن عنده مشكلات نفسيه ..فلاتقحمين نفسج ولا تعورين راسج بمعرفة كيف تتعاملين معاه ..سوي اللي عليج واجرج على الله ..ومايحتاج زوجج يكلمة .. خليه براحته بيعرف الصح .. ولا تعورون راسكم انتي وزوجج ولاتسون مشكله من غير شئ مهم ..مارد عليج قولي في قلبج مش مهم .. واضحكي ..عيشي بسلام .. طيري فوق التفاهات ذي ..
واذا بتروحين لهم .. تعدلي .. ولبسي احسن شئ ..واذا تشرهوا عليج .. فهذا يدل على حبهم لج ..تشرهي انتي بعد واندمجي معاهم .. خليهم يحبونج .. تقربي منهم .. هم اهلج اللحين بعد .. خذيلهم كيكه .. سويلهم عشاء .. طرشي لخالج ابو زوجج باقة ورد حتى لو ردها او ما اهتم .. يكفي انج كسبتي نقاط لصالحج .. صدقيني بيحبونج .. وبتحبينهم ..
وكله خليه لله ثم لزوجج .. اكسبي اهله وبينيله انج تحبينهم ..بتكسبينه اكثر ..
وبالتوفيق

يعطيج العافيه

<— الله لا يجب لها المشاكل

ام ناصر .. حبيبتي العصبيه مب زينه بتدمرج .. حاولي تحطين اعصابج في ماي بارد .. وتعلمي كيف تتحكمين في اعصابج ..واعرفي ان الريال ماراح يستحمل عصبيتج للابد .. ممكن في اي وقت يفر منج اذا هذا اسلوبج .. لا حبيبتي .. حافظي على بيتج .. على مستقبل عيالج ..انتي انا فاهمتج ماعطه نفسج على راحتها مب عارفه شلون تظبطين نفسج ..
انا اقولج شلون .. اي موقف يعصبج .. اضحكي .. قوليه معليه انا ماراح اعصب لأني احب نفسي وما ابي ادمرها ..
مره بعد مره .. صدقيني .. بتغيرين ..وبتشوفين نتايج افضل .
الشئ الثاني شراهته في الأكل .. اول شئ ماتقدرين تقنعينه بعدم الأكل اذا هو مب من نفسه مقتع .. يعني ..لازم هو يكون اللي مقرر انه يبي يضعف .. انتي ماتقدرين تسوين شئ بروحج .. حاولي تقنعينه بأسلوبج الحلو .. اول شئ غيري معاملتج معاه .. دلليه دلعيه .. خلي حياته جنه .. بعدين سولفي معاه قولي له .. في شئ ابي اقولك عليه بس مستحيه ..خايفه ماتفهمني .. بيستغرب .. وبيسمعج عدل .( وهالمطلوب ) خذي يده قوليله ان وزنه الزائد ينقص عليج المعاشره ..وقولي اللي في قلبج كله بأسلوب هادئ ورقيق ..قوليله انك كل شئ فيك كامل بس لو تضعف بموت فيك .. مثلا ..
سويله جدول كل ما ضعف 2 كيلو سويله حفله ..اي صدقيني حفله تجنن .. مره خليها حمراء ومره خضراء .. كافئيه .. ترى اليال مثل الطفل الصغير .. يفرح بالهدايا .. وحبيه في الاخير مثل ما هو عليه متين .. ضعيف .. حبي قلبه ..وبالتوفيق .

الله يعافيج حبيبتي اسعدني مرورج الكريم ..

الله يتمم سعادتج يارب .

اه اه اه اه اه
انا مجروحه وحزينه حيييييييييييييييييييييل
انا متزوجه من ست سنوات تحملت زوجي بقسوته وحقارته
بس فعلا ابي حل كل شي سويته قريت تعلمت حاولت جميع الطرق مالقيت حل
الحمدلله انا حلوه وذربه وسنعه الكل يقول عني
ماقصرت مع زوجي بشي
كسرت عينه بطيبي
بس من اخذته ماعمره قالي كلمه حلوه ماعمره حضني بس حزت الفراش
ابيه يقولي انا حبيبته ابيه يقول انتي عمري
ابيه يقول يعطيك العافيه على الطبخه الحلوه
تدرين مره حبيته بصاله قالي ابعدي عني
يخاف اقربله ولا اتحرش فيه
تدرين انا مره جيت اوكله تدرين شنو قال ليش انا مصري توكليني
صارحته قال انتي اتابعين مسلسلات واجد
حقير احس يخاف يصارحني يكبر راسي عليه
تكفين حاولي تساعديني
مع العلم مع الناس ذرب ويقولهم كلمه احلى من الثانيه

آه آه .. عورتي قلبي حبيبتي ..بس ولا يهمج ..تحملي تقولين الآه مره ثانيه ..تحملي احتسبي اجرج عند رب العالمين ..
حبيبتي في بعض الريايل هاي طبعهم .. حبيه مثل ماهو.. اذا سويتي طبخه حلوه قولي له قولي يعطيج العافيه .. اطلبي منه بدلع ..خل يتعلم شوي شوي يفك هذا الحصار اللي مقيد به نفسه ..قوليله امس حلمت حلم حلو .. شفتك تحضني وتقولي ياعمري ..قولي له طرت من الفرح ..وعلشان جذيه اليوم بسويلك حفله وعطيه هديه ..بيستغرب !! بيشوف شكثر هالحلم اثر فيج .. وقولي له شلون لو كان الحلم حقيقه بسويلك اكثر من جذيه .. صدقيني من داخله بيتأثر حتى لو مايبين لج ..والزوجة الذكية هي التي تستطيع أن تتعامل مع زوجها بمهارة وفن وحكمة، ولا يوجد زوج يتصف بالكمال، وعلى الزوجة أن تكون على معرفة ودراية بأنماط الشخصيات المختلفة حتى تعرف من أي
نمط تتكون شخصية زوجها فتدرك أسلوب التعامل معه…وإليك بعض الإرشادات التي تعينك في التعامل مع زوجك العنيد:
1- الحوار الهادئ الذي يتميز بالتفهم والاستماع.

2- تقبليه كما هو وعبري دائما عن حبك بلمسات عملية.

3- التشجيع والتعاون ومشاركته في أعمال مفيدة، ومساعدته على اتخاذ القرارات الجماعية بما يقلل

من درجة القسوه.

4- شجعيه وامنحيه الحافز الإيجابي دائما.

5- تقوية العلاقات معه بالحب والأمل.

6- عدم إصدار الأوامر له والتحدث معه بقسوة.

7- البحث دائما عن أشخاص متعاونين معه مثل الأصدقاء والمعارف.

8- تجنب المواقف المثيرة للانفعال.

9- اتركيه يعبر عن انفعالاته وأعطيه الفرصة للتعبير عن رأيه.

10- أعطي له مساحة من الاستقلالية والحرية.

11- لا تضغطي عليه بكثرة طلباتك.

12- احتويه بلمسات حبك وازرعي الأمان في قلبه معك.

13- تحدثي معه من خلال سلوكياتك.. اجعليها رسائل له مفعمة بالحب والحنان.

بالحب تقهرين العناد

لا بد أن تعرفي أن طاقة الحب طاقة شفائية، ولها ذبذبة عالية تجلب الخير وتقوم النفس، وتجعل الصعب

سهلا، فلتنشري بالحب والسلام ما تريدينه، وتوجهيه إلى الخير، حتى يتم إصلاح حياتك، وتستطيعين

بذلك تحويل الطاقة السلبية إلى طاقة إيجابية جاذبة للنور والخير.

ويارب ادعي في صلاتج ان يتغير ..