|
|
بنات منو عندها فكره باحسن دكتور يسوي عملية اللوز حق الأطفال و سواء كان بمستشفى خاص او حكومي و خصوصا انه ولدي صغير عمره 3 سنوات و راح انسوي له العملية لأنه محتاجها ياريت اللي عندها فكره عن الموضوع اتفيدني و هم ابي اعرف بعد العملية شنو المضاعفات اللي ممكن اتصير و شنو الأشياء اللي ممكن يستفيد منها الطفل بعد العملية بليييز اللي عندها فكرة ياريت اتساعديني …
انا سويتها بمستشفى زين وطلع بنفس اليوم
انا سويت لولدي بعمر ولدج
وصدقيني سهالااات وتدارين ولدج فتره وخلاص
واتبعي اوامر الطبيب
وما عليه الا العافيه
انا لمن كنت صغيره اذكر كان عمره 12 سنه سويت العمليه بالصباح ..
اذا ولدج متعبته اللوز والاطباء شافوا انها تنشال فورا توكلي على الله ومستشفى زين..كان لا باس فيه..وانتي راح تلعين بنفس اليوم..فلا تحاتين شي انشالله..
مستشفى زين كل من يمدحه بس فيه نطره بالأشهر إلا إذا عندج واسطة
أما أنا فحيل عجبني د/ سند الفضالة بمستشفى طيبه
يسويله العملية بالليزر يعني مافيه خياط و لاجرح و لاألم و الطفل يطلع بعد ساعتين من المستشفى و سعره زين و هو ماعليه كلام استشاري كبير
يعتمد اكله على الايس كريم والشوربات
انا ارتفعت حرارتي بعد العمليه نمت ليله وطلعت ثاني يوم
سويتها حق ولدي بالهاادي
و الله ولدي تهبدل من الحراره و هالمره و المرات اللي فاتت كل ما يمرض و يعطونه مضاد حيوي شراب و ما اينفع معاه و يردون يعطونه ابر مضاد لأنه الشراب مايسوي له شي الا الابر اهي اللي تنفع معاه احس ولدي تعقد من الطبيب الحين
والكبيره بعدها بسنه كان عمرها خمس سنين في مستشفى زين بس لوز وبعدها ولدي الصغير عمره سنتين وشهر لوز ولحميه وسحب ماي بالأذون هم بمستشفى زين والحمدلله سهالات وأحمد ربي اني سويتلهم لأن عيالي موحراره والله كل ليله يكحون يكحون لمن يستفرغون وكله عبالي صدر فيهم (ربو) وتعبنا من الأطبه والأدويه والحين الحمدلله الله يعافيهم ويعافي ولدج
و احنا أول شي رحنا خاص حق كذا دكتور منهم الصبيح قالنا ليش تسوونها بالخاص!
أحسن شي مستشفى زين لأن وايد من الي يسوون بالخاص مردهم ترد لهم و يروحون زين…
و العملية بسيطه و سهله
انا كنت مستعيله و أبيها بالخاص لأن خايفه على ولدي حيل لحميته كبيره بس الدكتور فهمنا ان ماله داعي الخوف و الوضع طبيعي و عموما اذا الحاله مستعجله ما ينطرونه شهر و الا شهرين.
انتي روحي المستوصف يحولونج عالصباح و تاخذين من هناك موعد للعملية لو لا سمح الله ولدج وضعه مستعجل ماراح يعطلونج و اذا وضعه عادي مافيها شي تنطرين شوي…مايطولون عن شهر حسب ما جربت…الا اذا صار الولد مريض أو مسخن لا سمح الله وقت عمليته ممكن تتأخر أكثر شوي.
بها العمر لازم ينومونه ليله قبل العمليه تروحون بالليل و من باجر الصبح عمليته و يطلع باليل أو العصر.
باجي التعليمات شنو توكلينه و شنو المضاعفات الي ممكن تحصل يشرحونها لج هناك أول ما توصلين.يفهمونج الأساسيات عالاقل.
وعموما السسترات وايد شاطرين و فاهمين لو تمسكين لج وحده منهم تشرح لج كل التفاصيل .
و عسى الله يشافيه و يعافيه