اللي عندها فكرة عن الأطفال الخدج تقول

السلام عليكم يا بنات

مثل ما تعرفون صار عندي ولادة مبكرة وولدت بعملية في الاسبوع الثلاثين وبنتي للحين بالمستشفى في قسم الخدج بس ودي اعرف اللي عارفة عن الاطفال الخدج وكيفية التعامل معهم ما تبخل علي ..
ودمتم سالمين
وشكرا

بصراحه ما عندي فكره

بس انشالله … يصير البيبي زين ويكبر حجمه

ويخليه لج يا رب

تسلمون يا بنات
بانتظار اللي كان لها تجربة وتعلمنا ..

أم جوري

بنت حماي أولدته أمه

بأول يوم بالشهر الثامن

وما طلعت من الحاضنة الا لم خلصت الشهر التاسع

وكانت تروحله كل يوم وترضعه للأن الطبيب نصحه بهالشغلة

وساعات كانت تشفط بالشفاط وتودية

ونفس الحكاية

رفيجتي أخته بس أخته ولدت بالشهر السادس للأنه كانت حامل بتوأم

يهني شوي يطولون علشان الوزن يصير مناسب

أوقريب الشهر التاسع

وسلامتج

ويارب بنتج تنور بيتكم عن قريب يارب

أول شى حمد الله علي سلامتج وبعدين أنا أختي ولدت آخر الخامس وولدها تم أكثر من خمس أشهر بالمستشفي لين صار وزنه كيلوين بس عاد ليلحينه نتتتتتتتفه لأنه صغير يابته بس ودى أعرف يعنى ولدتي الياهل بأي شهر لأنى ما أعرف بالأسابيع علشان أقدر أفيدج

هلا اختي الحمدالله علي السلامه
انا عندي عيال اختي كانو والدين ناقصين والحمداله الحين واحد عمره 11 سنه والبنوته سنه
المهم دام انهم بالحضانه ماراح يعطونهم شي غير حليبج وليت من صدرج تشفطين وتودينه لهم او اي احد وبالنسبه للعجم دايمن بنيتهم صغيره وحاول ا>ا طلع البيبي من الطبيب ان شاء الله ماطلعينه بره البيت واجد لان للحين تكون مناعته ضعيفه وا>ا عنده خوان لا يحبونه وطبعا اغلبيه الاطفال بي كون نموه ابطي من اللي بعمره لانه والد مبجر يعني بنت اختي الحين الللي كبرها يمشون واهي للحين توها بس خطوتين وطيح وربي يعافيه لج ويخليه يارب

الحمدلله على سلامتج

شكرا لكم يا بنات والله ما تقصرون واليوم زرتها وقالوا لي انه وزنها ولله الحمد والمنة صار كيلوين وقربت طلعتها وشلتها للمرة الأولى لأنهم طلعوها من الحاضنة … يا حلوها عنووووووووووونة ..

سرابيل انا ولدتها بالسابع … وودي اعرف شنو الاشياء المحظورة وشنوالأشياء اللي تفيدها .. جذي يعني وعلى قولتهم اسال مجرب ولا تسأل طبيب …

مثل ما إنتي عارفه اليهال الخدج تكون مناعتهم ضعيفه مو مثل الباجي وتدرين الحين الجو بارد فإذا طلعت لج بالسلامه ديري بالج عليها من البرد وأي واحد فيه نشله لا تقربينه يمها وبعدين الدكاتره ماراح يقصرون معاج كل شى بقولونه لج وبعد راح يعطونج مقويات علي ما اعتقد هذا إلي أذكره الحين ولي تذكرت بقولج إن شاء الله

مشكووووووووووووووووووووورة

انا ولدت بالثامن ونصحني الدكتور اني اشفط الحليب واوديه للمستشفى وهم يرضعونه هناك
ومثل ماقالت لج سرابيل بسرعة يمرض يعني دربالج عليه دفيه عدل من البرد لاني ولدت تقريبا بنفس الفترة
وكان برد وجنني ولدي دايما تعبان ووزنه الحمدلله زين بس يقول الطبيبي انه اذا كان ضعيف لاتحاتين لانه
طلع من المستشفى كيلو و700 واهم شي ان وزنه يزيد معناها صحته ولله الحمد احسن
وعطيه ماي العيش علشان يقوي عظامه وعطيه اعشاب علشان تدفيه بهالبرد

مشكورة يا كويتية وربي يوفق الجميع ويحمي عيالنا ويحفظهم لنا ويطلعون من الذرية الصالحة ان شاء الله

اللي عرفته الحين ان البنوته طلعت بالسلامه
انا ولدت باول اسبوعين من الثامن وحطوه بالحضانه اسبوع لان كمل كلوين انصحج انج ماتسبحينها ولا تعرضينها لهوا كلششش ولا تطلعينها الا للضرورة من البيت وطفي السنترال والتكييف واذا فيها بوصفار دايم يصير للخدج حطيها باضاءة الشمس ورضعيها من صدرج ان امكن وبعد شهر او شهرين وديها لدكتور اطفال يعطيها قطرات مع الحليب فيتامينات تكبر الياهل وتعطيه صحه وعافيه

شكرا الحورية :9 ولو انه متأخرة
بس بنات منو تعرف احسن حليب صناعي للخدج لاني اعطيتها سميلاك نيو شرو سوالها امساك وغيرت لنان اتش ايه معم بالحديد قامت ترجع …. فشنو الحل ؟