اللي عندها خبره بالاطفال الخدج تعلمني ومالها الا الاجر

السلام عليكم ورحمه الله وبركاته

بنات تكفون اللي تعرف شي عن الاطفال الخدج تقولي
انا بنت اختي ولدت بالشهر الثامن واول يوم حطوها بالشيشه وثاني يوم طلعوها حسبي الله على دار الشفا

وردوها بالحاضنه والام الحمدالله طلعت من المستشفى والبنت ودوها مستشفى ثاني بالاسعاف لانهم شايلينها بالحاضنه
صار فيها بوصفار والحمدالله راح اللهم لك الحمد
بس مادري المفروظ انها ترضع ولالا؟
لان يوم كانت بدار الشفا رضعت ونتفخ بطنها ووقفوا عنها الرضعه
والحين ردولها الرضعه بس على طول ترجعه مايتم في بطنها شي
وحطولها مغذي بالوريد بس نزل وزنها قرام او قرامين عادي ؟
عفيه طمنوني الله يخليكم

شوفي حبيبتي انا توني والده بالثامن الله يخليه ويعافيه بالهادي بس ما حطوه بالشيشة وبعد ما خذته الى البيت اكتشفت انه ما يرضع وكله نايم وديته الهادي وقال لي الطبيب ان نسبة بصفار فيه عاليه وقعد بالشيشة 4 ايام وقال لي تعالي كل يوم رضعيه من صدرج والحمد لله طلع بعد اربعة ايام بس قال لي حطيه بالشمس او حطي عليه مصباح نيون علشان ما يرجع له بوصفار والحمد لله كل شي الحين تمام فلا تخافين بس بالنسبة للترجيع يمكن الحليب مو مناسبة ترى المستشفى ما عندهم الا نوع واحد غيري الحليب او جيبي حليب فول الصويا خاص بالاطفال سألي الطبيب ترى ساعات ما ينتبهون

يارب الله يرزقج الجنه بدون حساب

مادري راحت امها بترضعها قالولها لا مانبيج ترضعين بس ان شاء الله اليوم بنسال يارب الله يشفيها

اهوة عالوزن لاتحاتين عادي ينزل

الرضاعة الطبيعية المفروض المستشفى يقولون اذا اي او لا
وبالنسبة حق الحليب في خاص للخدج مو الحليب العادي وبعد سالو عنه

يعني عادي سالفه الترجيع ؟
انزين هالحليب وين احصله بصيدليات ؟
والمستشفى اليوم قالها ميخالف خل الام تشفط حليب ونرضعها وان شاء الله خير

شندوخة ياحياتي الله يطمنكم علا بنيتكم الرضاعة مقدور عليها تسحب لها مؤقت بالجهاز علا ماتطلع بالسلامة ان شاء الله

الله يعافيها يارب وتفرح اختج بسلامتها

امين الله يسمع منكم
مشكورين بعد قلبي الله لايخليني منكم :**

الحليب اكيد بتحصلينه بالصيدليات مو برع

بس خل ترضعه طبيعي لان بروحه الياهل مناعته ضعيفه

وتدرين شلون خل تسال المستشفى يعطون اي حليب واذا يناسب بنتكم او لا

عندج احنا بالبحرين المستشفى يعطون اس 26 ال بي دبليو بس ساحبينه من السوق
عندج ابتاميل بريماتجور
وعندج نان ويمه شي يمكن بري نان .. مادري
وعندج سيميلاك بريماتجور اتوقع

بعد قلبي ماتقصرين جاي حليب