|
|
السلام عليكم
شلونكم بنات
انا مقيمة بالمانية وعندي رفيجتي بتزوج عن قريب بعد جم اسبوع
وطلبت مني اسوي مكياج لها بيوم عرسها لان يعجبها مكياجي
بصراحة انا انحرجت منها واهي المسكينة تقول مافي احد يسوي لها لان اهني بالمانية مكياجهم حيل خفيف ومايبين
ومافي صالونات عربية تسوي عندهم وطلبتني قالت انا ملاحضة عليج مكياجج حلو تحطينة بالمناسبات وحابة تحطين لي يوم عرسي..قلت لها بسوي لج بروفا قبل العرس لان اخاف مااضبط المكياج عليج وبعدين اوهقج قالتلي اوكية
المهم ابي مساعدتكم تكفوون لا تردووني
انتم مشاءالله عليكم عندكم خبرة بالامور المكياج وانا متابعة لكم اول بالاول ويعجبني حيل مكياجكم
ابيكم تقولولي شنو استخدم لها من فونديشن اي نوع يصلح لها كاعروس عشان يبرز ويها وملامحها ويبيضها
وشنو الاضاء اللي تنقع لها والاي شدو والحمرا
ابي تكتبون لي الماركات عالمية يعني تكون متوفرة عندنا لان في شغلات بس متوفرة عندكم مافي منها اهني
ناطرتكم
ومشكورين وعسى الله مايحرمني منكم
وطبعا مادري اذا عندهم ماك او لأ لآن القليتر عندهم مو طبيعيه ولوز باودر مالت شانيل حلوه
هذا إلي اعرفه دام انج هناك وهم البنات ماراح ايقصرون معاج وتقبلي مروري يا الغلا
والله ماادري اذا موجودة بس انا بكتبهم بورقة واروح اسال عنهم بمحلاات التجميل
بس ياريت لو تكتبينهم لي بالانجليزي يكون افضل
وشاكرتلج ياقلبي
حاولي تبرزين العيون بالاضاءات وياليت يكون الشدو فيه غلتر بيكون احلى للعروس
بعد ماتخلصين رسم العين حطي شوي من الاضاءه تحت العين عشان تبرزينهم بشكل اكبر واوضح
لا تنسين الرموش الصناعيه ومثبت المكياج
في انواع وايد حلوه للعين وثابته وتدوم لساعات مثل ميك اب فور افر ومااك
مشكورة ياحياتي اسعدتني مشاركتج عسى الله يوفقج دنيا واخرة ويسعدك في حياتك
صحيح حطي قلم ابيض مشي عليه خفيف تحت الحواجب وببعدها حطي فوقه لمعه يطلع حلو ولاتنسي اللمعة عالخدين والخشم والويه لانها لازم تبرق ويكون مكياجها غير عن الحضور لازم تتميز
والله يهنيها ويوفقكم يارب
وفرنسا واكيد بتلاقينهم بالمانيه وشدوات ماك هم حلوين واذا تبين شدوات قويه حييل n7 اسمها نمبر سفن من بوتس او اي صيدليه هناك
والاضاءه اخذي من جفنشي روعه او من بنفت اما بالنسبه للفاونديشن سويلها مكس من cover derm و laval و max
vactorاو benefit او اي نوع اهيا يعجبها ويثبت على بشرتها وبالنسبه لحواجبها انصحج بتاتو من ميكب فور ايفر وبس هذا
اللي اتذكره واتمنى اني افدتج
مشكورين حبايبي ماقصرتوو فديتكم
لا خلا ولا عدم
ماحبيت اشوف موضوعج من غير ماارد عليج
شوفي انتي خلي تركيزج كلة على العين يعني وسعيها قدر الامكان انا عندي صور مكياج وايد حق العرايس بطرشهم لج على الخاص انشاءالله
ومايكون خاطرج الا طيب انشاءالله
شووفي
اهم شي لازم يكوون الفاونديشن اثقل من الفاونديشن اليومي
وحاولي تركزيين على طريقه الشدوو <<خليه سمووكي>> وثقلي الشدوو مع الايلاينر
ووركبيلها شوي رمووش
والحمره على حسب مسكتها
ولاتنسين اللمعه والزري عقب ماتخلصين المكياج
وانشالله اني فدتج لو شوي
طرشت لج الصور
وشوفي دام انتي بتحطيلها انا انصحج اول شي حطيلها بيس وايد مهم لانه يغذي البشره ومايتشقق المكياج ولا يروح, ويمدحون بيس ماركة سماش بوكس وشسيدو او شوفي اي ماركه
شوفي فاونديشن وبودر كنيبو او استي لودر وانتبهي, كريم اساس استي لودر اسمه كفر ويكون عصار صغير وايد حلو وكونسيلر شوفي ميك اب فور ايفر وبلاشر ماركة ديور الي يكون مدرجه الوانه الورديه وايد حلو يعطي اضاءه تهبل او شوفي ماركة نارس
وكحل العيون قبل استخدم ديور وحلو بس من زمان عنه والحين استخدم ماركات مو موجوده بالمانيا,, وشوفي محل سائل لانكوم وكلارنس هالاثنين عجيبين وماسكرا طبعا سان لوران ولانكوم وديور
وشدوات ميك اب فور ايفر تهبل وماركة ستيديو فيها لمعه عجيبه,, وتحت الحواجب شدو اسمه نايلون من ماركة مكياج عجيب وينحط على عظمة الخد وعلى الخشم يعطي اضاءه او شوفي اي ماركاة ثانيه مثل ديور شانيل وهذيله يمكن تلاقين عندهم لمعة تحت الحواجب حلوه
والمحدد من ميك اب فور ايفر او كلارنس والقلوس اوريال عجييييييب او ديور والحمره شوفي كل الماركات حمرهم حلوه ماك وديور وسان لوران
واخر شي مثبت المكياج من اي ماركه الي يكون بخاخ ترشينه اخر شي (:
وموفقين ياارب