|
|
السلام عليكم
و أنا أدور بالإنترنت قريت مواضيع عن التّلبينة اللي وصى عنها الرسول صلى الله عليه و سلم ، بس بعض المواضع كاتبين إن التلبينة زينة و بعضهم يقولون إنها مضرة للمبايض و للمرأة.
فمادري منو أصدق ؟؟؟؟ محتارة.
اللي عندها فكرة ممكن تساعدني؟؟؟؟ و اللي جربتها و حملت ممكن تفيدنا بخبرتها.
و مشكورين.
ملاحظة: التلبينة : حساء يُعمل من ملعقتين من مطحون الشعير بنخالته ، ثم يضاف لهما كوب من
الماء ، وتطهى على نار هادئة لمدة 5 دقائق .
وبعض الناس يضيف عليها ملعقة عسل .
وسمِّيت " تلبينة " تشبيهاً لها باللبن في بياضها ورقتها .
وان شالله يفدونا البنااااات اذا هي زينه
اي شي يحدثنا عنا نبينا الكريم له فايده
فلما تصير حالة وفاة كانت السيدة عائشه -رضي الله عنها- تقول للنساء يسوون تلبينه تقول كان رسول الله صلى الله عليه وسلم يقول انها: "مجمة للفؤاد تذهب عنه بعض الحزن"
فالأكيد انها تخفف من الضيق والاكتئاب النفسي
يبيعون بالجمعية صوب منتجات العويد تلبينة معاها كتيب مع مراجع ومصادر علمية انها تساعد على تهدئة القولون وحيل مفيده حق الرجيم
بس مو كاتبين شي يخص الانجاب
اللي جربوها يقولون مره حلوه
تلقينها بالجمعيه
اخذي تلبينه العويد
تلقينها صوب منتجات العويد
وطريقتها سهله
اول شي ذوبيها في ماي كوب او كوبين بعدين حطيها بقدر على النار
وانتي تمي تحوسين فيها القفشه
<< عالمة بالمطبخ يبي لها حذف من الشباك
بعدين راح تصير لج جنها مهلبيه
تقريبا بعد خمس دقايق تلقينها ثقلت اشوي
الحين تجيبين حليب بودرة مذوبته بالماي < صار حليب ؛؛؛؛ ياااااااااااااو ما في شرح
صبي الحليب فوقها وانتي تمي تحركينها بالقفشه
دقايق راح تلاقينها تفور
وترتفع من القدر
اهني طفي النار
وحطيها بأكواب شوربه او شي جذي
وفي ناس يحطون فيها عسل طبيعي وهي تطبخ قبل الحليب
وانا طريقتي لما احطها بالكوب احط معاها سكر
حلوة جدا
طعمها مقارب للسيريلاك
وانا اشربها من اشهر
وفي تلاقين عند الحواج <<< بس بعد طبخها لازم تشخلينه اذا بتصبينه بالكوب
وما فيها ضرر واقري شنو فوائدها
و الله انا كنت شاريتها من عسل العويد قبل فترة و جربتها مرة وحدة و صح طعمها حلو
بس لما قريت بالنت موضوع عنها إنها تضعف المبايض ، الصراحة خفت آكلها
عموماً التلبينة من مكوناتها الشعير و الشعير يحتوي على فيتامينات ب ، و هالفيتامين يعتبر منشط و يزيل الاكتئاب .