اللي عندها اهتمام وخبرة بعجينة السيراميك تكفى تساعدني

السلام عليكم ورحمة الله وبركاته

انا من يديد صرت احب اشتغل بالسيراميك
جربت عدة طرق لكن كل طريقة لعمل العجينة تطلع بمشكلة
لو كانت سهلة التشكيل تتشقق لو تركتها تنشف بالهواء
ولو حطيتها بالفرن تنفخ ويتغير شكلها

فيدوني بعجينة سهلة التشكيل وتجف بدون ما يتغير شكلها
بالهواء او بالفرن
الله يجزيكن الخير

اختي الغاليه احسن لج تشترين وحده من المكتبه انا اشتريتهم واذا صارت جافه لا تحطين عليها ماي لاء حطي عليها اما فازلين او جلسويد كريم وانا استعملت العجينه روعه وكنت اسويها بالبيت بس عقدتني واشتريتها احسن وايد اي سؤال انا بالخدمه

انا اسويها وماتخترب اييب بودرت يهال حونسن واخلطها معى غرى وزيت

احلى عيون ربي يسلمك
جتني الفكرة اني اشتري العجينة جاهزة لكن انا لقيت سعرها غالي
وانا ابي اشتغل واسوق شغلي يعني ابي التكاليف اقل ما يمكن
لكن اوعدك اني اجربها ان شاء الله واذا ريحتني بستخدمها
ابيك تساعديني بأفكار يديدة لو عندج اهتمام

ام سعد ربي يسعدك
تكفين تعطيني المقادير بالضبط

اكو عجينه جاهزه ماركة داس عجيبه

في منها لونين ابيض وبني

وعلشان لا تنشف رشي عليها ماي وغطيها بسفرة الاكل النايلون

هلا حبي
2طاسه الروب نشا ذرة و1 طاسه غراء وقفشه ليمون وقفشه فازلين
ولما تخلطينهم عدل مطل تتكون عندج عجينه
تدهنين ايدج بالفازلين وتعجنينها عدل مدل
بعدين لفيها بجيس او قطعه خامه نظيفه قطن وحطيها بجيس وبالثلاجه هذي تقعد معاج اسبوع
ولما تنشف ما تتكسر

هلا جببيبتي نفس مقادير الاخت اللي فوق

بس من غير ليمون

وبدال النشا بودرة يهال

وبدال الفازلين زيت جونسون

في بودرة السيراميك
فرنسية تنباع بدسمان
بس حق القوالب
وايد حلوة واستخدامها احلى

أنا عندي مكونات العجينة الصحيحة

علمتني وحدة سورية وما شاء الله كنت أساعدها نسوي ورود كنا نلونهم بألوان السيراميك وكانت تبيعهم وما شاء الله إذا تشوفين الشغل تقولين ورود صجية

بس باجر أكتبلج الأدوات الصحيحة إن شاء الله

بس ذكريني برسالة خاصة

تحياتي