اللي عندها اكثر من ياهل بالمدارس ابيكم بسؤااااااااال

هلا والله حبايبي

والله لكم وحشه ………………….من زمااااااااااااااااااااااااان ما شبكت وولهاااااااااااااااااااانه عليكم

بس اعذروني؟؟؟؟؟؟؟؟؟

انا عندي ثلاث يهال بالابتدائي ومو قادره الحق علىهم

من تدريس وتلصق وحفظ واحس الوقت جدا ضيق

يعني مرااااااااااااااااااااات وايد اخليهم ينامون واهما ما كملوا واجباتهم

هذا بصوب وسالفه الامتحانات صوب

وقتها ايدي على قلبي احس ما استوعب او ما قهم

شسوي؟؟؟؟؟؟؟؟

يمكن لاني انام ساعه او ساعة ونص عقب الغدا ولا اقدر استغنى عن نومه الظهر لاني اذا ما نمت اتعومس

شسوووووووووووووووووووووووووووووووي

انا ماكنت انام الظهر لما ارجع من الدوام واقضي وقتي
بتدريس عيالي واسويلهم امتحانات بوقت الامتحانات
عشان يالله الحق بصراحه على الوقت مستحيل كنت
اخليهم بدون مايكملون واجباتهم .. ولما اكبروا الحمدلله اعتمدوا على نفسهم
طبعا ادرسهم ليما رابعه ابتدائي وبعدين كل وحده خلاص تسوي واجباتها بروحها ماعدا الامتحانات

نصيحتي لج نظمي وقتج وصدقيتي بتقدرين سئليهم منو عنده واجب وخليهم يسوون
الواجبات جدامج ووقت الامتحانات سويلهم كل وحده امتحان ولما ينامون اسم الله عليهم
سطريلهم ولزقيلهم الصور اهم شي ماتنامين الظهر لوووووووول

السلام عليكم اشلونج حبيبتى هموس عساج على القوة والله يعينج انا مريت بنفس مرحلت بناتى كانو 3 فى الابتدائي بس كنت اول شي اسويه يكتبون الواجبات وبعدين اوسي لهم امتحانات وتلصق اخليه بعد ما ينامون اريحلج وصدقينى تقدرين اتنضمين وقتج بس انج اتخلينهم ينامون بدون ما يكملون واجباتهم لأ هذى غلط والله يوفجهم ان شاء الله

السلام عليكم …أنا كنت أفتح كتبهم جدامي وهم طبعا معاي أدرس هذا شويه وأخليه يحفظ وألف عى الثاني وهكذا ..ومرات آخذ كتبهم معاي المدرسة ألخص علشان من أرو البيت على طول يدرسون ..وبالنسبة حق الانجليزي كنت على الكمبيوتر أسويلهم أسئلة على القواعد وأكررهم ..يعني أدبن كبدهم …لين يحفظون ..وتعبي معاهم كله رايح بووووووووووووش..كلهم دشوا دورات مالهم خلق يدرسون …ماأدري أنا كرهتهم بالدراسه يعني دبنت كبدهم …

مشكوووووووووووووووووووووين حبيباتي على ردودكم الاكثر من روعه

وانا على فكرة دايما قبل لا انام اوصيهم يحلون واجباتهم

بس اذن من طين واذن من عجين يطنشون ما كو فايده وانا على اعصابي وزف

الله يوفقهم ويوفقكم يارب

أنا اذا نمت الظهر أخليهم ينامون معاي علشان يرتاحون …

لا استحاله اخليهم ينامون لانهم اذا نامو راح يسهرون ويتعامسون معاي الصبح

الله يعينج حاولي تشجعينهم اذا يومها عندهم واجبات وامتحانات بشي يحبونه يعني تقوليلهم اذا قعدت من النوم ولقيت الكل حال واجباته راح اوديه الجمعيه او تزيدين مصروفه او اي شي يحبونه بهالطريقه يصير في حافز
والله يوفقج ويوفقنا

مشكوره حبيبتي على الاقتراح الحلو

بس اخاف افقد مصداقيتي لاني ما اقعد كل يوم اوديهم الجمعيه او ازيد مصروفهم

احاول اخلي الشغله اسبوعيه احسن بس ياليت تنفع

ما راح يسهرون لأنهم يبون ينحاشون من الدراسة فعلى طول اذا قلتيلهم ناموا قبل لا توصلين حق ألف الجماعة اللي في الكلمة اهم اشخري …

بند المكافآت من وجهة نظري بنوب مو شي لأنه كل مرةيتطلعون حق شي أكبر ..بعدين عاد ماراح اتلحقين..أو أهم يصير عندهم اكتفاء..

المشكله اني احاول امسك العصا من النص

ابي انام الظهر وابي الحق على دروسهم

المشكله بعد ان هالجيل حيل معتمد على غيره

الله يرحم ايام زمااااااااااااااااااااان يوم كنا نحل واجباتنا بروحنا وامهاتنا ربات بيوت

شوفي ياقلبي لا تخلينهم يعتمدون عليج اعتماد كلي
يعني لازم تكونين مجابلتهم يالله يكتبون واجباتهم هذا غلط
مثل مافي بند المكافأة في بند العقاب ولازم يحسون انه فرض عليهم
واذا ماسووه يتعاقبون وبينحرمون من الطلعه نهاية الاسبوع او بمعنى اصح شوفيهم
شنو اللي يحبونه حرميهم منه عشان يعرفون انه في عقاب وثواب وفي مكافأه وتشجيع
اذا خلصوا كل واجباتهم
وبعدين اهما توهم صغار لازم تكونين مسيطره عليهم
وتمشينهم مثل مانتي تبين بسبيل مصلحتهم عيل اذا اكبروا اشراح تسوين
( الله يعينج )

الله يعينج يا همسات انا عندي 2 بالابتدائي ومتعومسه

الي برابعه مهملته بتاتا ويابلي الشهاده تضيق الخلق

والي بثانيه مجابلته بس مو بالقدر الكافي ودي باكثر!!!!