اللي عندها استفسار عن شغل شؤوون الطلبة بالمدارس تتفضل

هاي بنات
اللي حابة تسأل عن شغل شؤون الطلبة او السكرتارية في المدارس انا حاضرة
حياكم

بنات لا تستحون
اي استفسار عن الشغل بالمدارس ورياض الاطفال بعد

قوه حبيبتي

بغيت اسأل انا خريجة تجاري يعني عندي دبلوم ادارة
شنو أحسن اني اتوظف في شئون طلبه ولا سكرتاريه ولا روضه ؟؟
ادري دوختج بس بغيت أعرف الأفضل من حيث الدوام والراتب ؟؟

وعندي سؤال ثاني ؟
الحين خريجة دبلوم وخريجة معهد دورات نفس المعاش والوظيفه عندكم ؟؟

ويعطيج العافيه

بالنبة حق تخصصج ( ادارة )
انا معاي كذا وحدة بنفس التخصص ولمن تعينت صار مسماها مسجل شؤون طلبة
وبالنسبة للمعاش ترا خريجة الدورات الخاصة والتجاري نفس المستوى ( الخامسة وبدون علاوات )
بس اذ اشتغلتي بوزارة مثلا : الداخلية ، الدفاع ، الكهرباء والماء راح يكون فيه فرق بالمعاش لأن عندهم بدل تخصص وهذا للأسف موموجود بالمدارس

بالنسبة لي انا لقدر اشتغل في وزارة ثانية بس فضلت المدارس عشان العطل بس

ونصيحة اذا عندج واسطة قوية روحي روضة راح اتحسين الشغل غير

انزين الروضه نفس الراتب ؟؟

وبالمدارس – بس شئون طلبه ؟؟ يعني ما ما أقدر أشتغل في قسم ثاني !!

الروضة او اي مرحلة ثانية نفس الراتب
بس انتي ياقلبي لازم تسإلين شنو راح يكون تخصصج بعد التخرج مو شرط ادارة
تقدرين تشتغلين في السكرتارية مو شرط شؤوون الطلبة
انا انصحج بالروضة لأن الشغل فيها اخف
انا رحت حق كذا مرحلة
الصراحة الاصعب المتوسط ( كافي مراقبة الامتحانات _ والتصوير – والدور الثاني)
احسن شي الابتدائي وطبعا الروضة
وعلى حسب السكن
اذا رحتي المناطق الداخلية من صوبج لأن عدد الطلبة قليل بس المناطق الخارجية لا يحوشك
يعني يصير زيادة في الشغل
واذا تحبين ليش ما تشتغلين بالمناطق التعليمية ، مافيها شغل وايد

انا تخصصي ادارة – جامعية
واشتغل ادارية باحد المدارس الخاصة

اذا قمت على وزارة التربية – شنو برايج يوظفوني
وشنو الافضل برايج

والله حبيبتي برأي لازم تسإلين الديوان ماعرف شنو الطريقة
بس خوفج تكونين مرتاحة بالوظيفة بعدين تطولين على ما تشتغلبن مرة ثانية
خصوصا اذا كنتي متعودة عالمعاش

بس لازم تسإلين فيها الديوان أحسن اذا عندهم نقص واذا sure تنقبلين
وموفقة

قوه حبيبتي انا قبلتني وزارة التربيه بس بغيت اسالج اذا اشتغلت بالوزارة نفسها في علاوات؟؟؟؟؟ انا تخصصي اداره من التجاري؟ والا مافي علاوات؟؟؟؟ وبعدين شنو طبيعيه شغلي اذا اشتغلت بالروضه ؟؟؟ ومشكوره حبيبتي

حبيبتى عندى استفسار
يصير انقل عيالى لمدرسه تكون قريبه من دوامى والنقل على اساس قربهم من دوامى

حبيبتي ، البنات الي معاي تخصصهم ادارة من المعهد التجاري، بس لمن انقبلوا بالتربية تغير مسماهم الوظيفي إلى
( مسجل شؤون طلبة)واذا عالعلاوات بالمدرسة مافيها علاوات بس ماعندي فكرة اذا الوزارة فيها

اذا انتي تبين عيالج يمج تقدرين تييبين ورقة لمن يهمه الأمر من دوامج + لا مانع من المدرسة اللي تبينها +غير جذيه تاخذين هالورقة للمنطقة التعليمية اللي تابعة لها المدرسة قسم التخطيط والمعلومات تاخذين منهم موافقة عشان تنقلينهم
بس الحين المدارس معطلة
فالأحسن انج تسإلين المنطقة قسم التخطيط والمعلومات عن هالشي قبل لا تبدي المدارس عشان اتلحقين