|
|
السلام عليكم بنات
طبعا الحين الاغلبية مرتفع عندها هرمون الحليب و اهوا يأخر الحمل و في حالات يلخبط الدورة
بتكلم عن نفسي و اللي مرت بتجربة تفيدنا
انا من قبل لا اتزوج و الاحظ ان صدري يطلع منه حليب
كنت ماخذه الموضوع ضحك ولا كنت اعرف شي اسمه هرمون حليب
الحين بكمل سنه زواج ولا صار حمل مع ان الدورة منتظمه من سنين
رحت سويت تحاليل طلع الهرمون واصل 500 يعني هرمون وحده حامل. سبحان الله
الحين اخذ حبوب Dostinex لعلاج ارتفاع الهرمون
نص حبه الاثنين و الخميس..
سؤالي:
اخر يوم دورة كان 18 -6
و اول لوم علاج كان 1- 7
و صارلي اسبوع عوااااااار اسفل البطن احيانا مثل عوار الدورة و الاكثر عوار غريب يغزز سجاجين
و الدورة المفروض تنزل 10-7
وللحين ما شرفت
منو مرت بهالحالة ؟
تتوقعون ممكن حمل ؟
للعلم الدكاترة يقولون ان العلاج ينظم ما يأخر الدورة !!
من تقدر تفيدني جزاها الله خير
وعسى الله يرزق كل محرومه الذرية الصالحه في هذا الشهر الفضيل .gif "Eh S(17)")
انا نفسج الهرمون مرتفع عنندي واصل 900
وعطاني نفس حبوبج الشهر اللي طاف وتاخرت علي الدوره 8 ايام وبعدها شرفت
الله يرزقنا الذريه انا وياج وكل من يتمنى
انتي حللي وان شاء الله حامل ويفرح قلبج
كان صدري فيه حليب خذيت حبوب الدوستنكس نصف حبه اربع ايام ورا بعض طبعا يسبب لووووعه و عوار البطن
بعدت عن عن منتجات الالبان لانه تعرفون بعطونها هرمونات تزيد من ادار الحليب و الدياي و البيض بعد فيها هرمونات تعبت وايد لانه من هالشي
بعدت عن اي شي يحفز الحلمه الصدر مثل الستيان وحتي زوجي منعته يمسك صدري سوري علي الكلمه
اه ه ه ه هرمون الحليب قصتي معاه عادي حبيبتي ممكن تكونين حامل بس الحين انا حامل بالشهر الاول واحاتي اني اسقط بسبت هرمون الحليب لانه ينزل البيبي حيييل خايفه عفيه ادعوووا لي ان الله يثبته و يكون كامل الخلقه والاخلاق
واخرا واهم شي الصدقه تدفع البلاء عنج
ان شاءالله حامل ..
واكل حبتين باليوم .. نص حبه تصرع حصان شلون حبتين
حيل تعقدت من هالهرمون
وعالجته بالمردقوش استلمته شهر واقل بعد ولما رحت حللت
تفاجئت الدكتوره تقولي شنو ماكله؟؟؟
هرموناتج كلها طبيعيه مافيها اي خلل
والحمدلله يارب العالمين ( قولو ماشا الله)
حبيت افيدكم باجربتي
ونصيحه من اخت لاختها