|
|
السلام عليكم
بنااااات انا عندي بحث بمادة من موادي بالجامعه
وطبعا بالانجليزي
بس ابي كل وحده صارت لها مشكله مع مديرها او سوء تفاهم مع مسؤؤولها بليييييز
تقولي ياه وشنو المشكله اللي صارت
يعني مثلا انتي كان قصدج شي واهوا فهمها شي ثاني
او اي سوء تفاهم بلييييز
قولوها بالعربي وانا اترجمها بالانجلش لووول
ومشكووورين
بس بليييييز قبل 24 -11
.gif "Eh S(1)")
Up
بالنسبه لموضوعج
انا صارتلي سالفه قبل اسبوعين
مادري تنفعج بالبحث والا لأ
المشكله ومافيها اني بالدوام وايد مخلصه بالشغل
والكل يمدح بقسمنا ولله الحمد
المشكله صارت بشنو
ان وصل لمديري كتاب شكوى من وحده الله يهديها
استغلت الشغل لتصفية المشاكل الشخصيه
ينقالها مسويه شي
الكتاب كان سري من مديرها لمديري
وتخيلي لما يوصل لمديرج كتاب شكوى باسمج
وينقال حجي بالكتاب بالحرف على السانج
تصدقين الشكوى كانت حجي وايد لما ناداني المدير
كان منصدم شوي ومتوتر عطاني الكتاب وقريته
كنت وقتها بين منصدمه وبين مستغربه ان السالفه ماتسوى كتاب
وياما انغلط بحقنا ولاوصلناها لكتب
المهم مالج بالطويله
سألني عن اللي صار قلتله السالفه
واللي صار بيني وبينها
فقلت شنو المطلوب قال بنجتمع انا وانتي ومديرها بيفهمون السالفه
انا وقتها شنو فكرت
انهم بيتوحدون فيني
قلت له انت مديري ودا الكتاب سري
انا قلتلك السالفه انهي السالفه بنفسك
تدرين شرد علي ؟؟
هذا موضوعج لازم انت تخلصينه !!!!!
والله يازبده انصدمت وايد
شلون مدير يتخلى عن موظفاته بهالسهوله!!!!
يعني لو اي واحد ثاني مابيرضا على موظفاته
خاصة ان عرف السالفه مني المفروض يكون لي ظهر يسندني مو يتخلى عني
ماتدرين اشكثر اتضايقت من موقف المدير مو من سالفة الشكوى
بعده بيوم حس ان قصر معاي
ناداني قالي شنو ناويه عليه
ماوده يروح واهوا مو عارف انا شبقول
والا شبرد عليهم
قلت لازم اقهره مثل ماتخلى عني
انا بعد مو بحاجته
قلت له انت مو قلت هذا موضوعج ولازم انت تخصينه ؟
انا ماعندي مشكله اني اخلصه
تحسين برد ويهه
ومن يومها رفيجاتي وكلنا غاسلين ايدينا منه
وان عمره مايستاهل يكون مدير
اللي يتخلى عن موظفاته ويسمح الادارات الثانيه يتصيدون عليهم خاصة اننا بنات !!
زبده
سوري عالاطاله
بس موضوعج ذكرني بالموقف
وان شاءالله يفيدج حبيبتي
بحطه بالبحث بس بالنجليزي ^^.
بس انشالله انحلت مشكلتج؟؟
دايما الطيب ياكلون حقه بكل المجالات
الله يوفقج حبيبتي