|
|
بنات شلونكم وشخباركم اول شي اتمنى امنية من قلبي اني ادش المنتدى وما ادش هالقسم بس الله كريم 
انا امس قعد اشوف دعاية عن حبوب الجوجوبا اللي مكتشفها الدكتور نيقولا قماز سمعتوا عنها؟ 
يقول تضعف حيل وتحرق شحوم الخواصر والبطن 
وهذا الموقع
بليز الي تعرف او مجربة او تعرف احد مجرب تفيدنا عسى الله يفيدكم ويعطيكم ويعطينا الارادة 
دايم يحطون مقابلته مع الناس وهذا ضعفه وهذا وهذا … اشدراج مو معطيهم جم دينار أو أقصد جم ليرة على شان يضعفون ويقدمون أنفسهم بالبرنامج
وعلى فكرة ما تلاحظين أن كل المشتركين بالبرنامج أو إلى مسويلهم التجارب مسيح مثله ليييش بنظرج ؟ أكيد يبي يربحهم ولا يعطي المسلمين الفقارا إلى هناك
أنا بصراحة أحس انه نصاب وحرامي ويقص على عقول الناس أشدراج شنو راح يصير ليمن تاخذين هذي الحبوب أو الكريم ماله شيصير بالجلد أو المعدة أو الكبد أو الأمعاء لا سمح الله والله ماتدرين اسهال مزمن أو ترسبات بالأمعاء أو طفح جلدي …ويامالج من الأمراض الحين ما تطلع شوفيها بعدين
أنا ما أتمنالج ولبناتنا إلا كل خير وصحة وعافية والله ما شفتي البنات ليمن ياخذون أي اعشاب شيصير فيهم على سبة رجيم وأبي أضعف بلمح البصر
يبا الصحة ما تتعوض …. يمكن يحت الشعر أو بقع بالويه أو ضعف بالنظر … أو غيره وغيرة …
طيعيني لا تهتمين حق هالتفاهات وأنا اكلمج عن دراية ودراسة وخبرة بالمواضيع هذي …. وليش ما نغير أشوية من طريقة اكلنا … يعني نحط بقائمة الطعام اليومية مالتنا كالآتي :-
1 الخضروات الورقية وغيرها مثل ( خس وما ادراك ما الخس – خيار – طماطم – فجل- بربير – جرجير – كرفس-بقدونس …الخ
2 شرب الماء بزيادة يعني ( 4-6 ) أكواب باليوم .
3 التقليل من أكل السكريا والنشويات ( الكاكاو – الحلويات الشرقية – الكيك والكاتو وغيرها ) اما النشويات الخبز التوست الصمون الخبز الإيراني الجباتي و العييييييش وغيره من النشويات .
أنا ماقلت المتناع لكن التقليل شيء فشيء حتى المعدة تصغر وبعدين أنتي ماراح تشتهينها وايد الحلويات وغيرها ..
الوزن ما صار في يوموليلة لكن راح تضعفين ان شاء الله إذا استمريتي حتى بعد الأنقطاع .
والله يوفقج وتضعفين بصحة وعافية يارب
جان تقول جذاب نصاب ما سوالي شي ما ادري عاد
عقب اهي عاد اضعفت حيل تقول سويت مساج
بس بسالج …