اللي جربت الطلق الصناعي تشارك الله يهون علينا كلنا :)

سلام

بنات منو قالتلها دكتورتها راح نولدج قبل موعدج ونعطيج تحميلات ؟

منو جربت الطلق الصناعي وشنو فرقه عن الطلق الطبيعي ؟ وتنصحون فيه ؟

السلام
انا جربته بس المفروض تاخذينه اذا مضطره فقط
يعنى انا عطونى اياه لان انفك الرحم وماكو طلق
وطبعا واكيد فيه فرق عنه وعن الطبيعى ماشاء الله الطبيعى سهاله ز على فترات يريح الجسم
لكن الصناعى ورا بعض الطلق يطلع الروح
طبعا ماتاخذه الوحده الا اذا مضطره
وانا جربت الاثنين الصناعى بهذله وطولت ياالله ولدت والطبيعى من الله ماشاء الله سهاله
الله يعطينا ان شاء الله الولاده الطبيعيه ماكو احسن منها

عمري ماجربت الطبيعي كله صناعي < الطلق الصناعي العوار وري بعض

أنا عطتني الدكتورة طلق صناعي نزلت ماء البيبي وما فيني طلق,,,والله يذبح مو نصيحة تاخديه أبدا..

يكون احمى من الطلق الطبيعي ويتم المغص الى بعد الولاده بساعات..بس شتسوين مو بيدك اذا الدكتوره قالتلك جذي توكلي على الله ترى كله طلق بطلق اهم شي تقومين بالسلامه وتشوفين ضناك بصحه وعافيه

الله يكون بعونج
ويهون عليج
اختي تاخذ طلق صناعي
لأن فيها سكر حمل فيعولدونها ف بداية التاسع
ان شاء الله اسأل فيه وارد لج خبر

انه جربته
لان طفت موعد ولادتي وارتفع الضغط عندي
حطولي التحميله بعدها بطوا جيس الياهل
بس كان عوار موطبيعي تحملت لين ماعطوني ابره الظهر بعدها
ماحسيت ابشي ونمت لين ماصرت 8 سم
قالولي خلاص ولاده
وخففوا عني المخدر عشان اقدر اضغط واساعدهم ابطلعة الياهل

جربته مرتين حبيبتي

بس مو التحميله

جربت الدريب

ما اقص عليج يعور اكثر من الطبيعي لان ورا بعض

بس كنت مظطره لازم اولد

بس والله الله يعافي الكمام

عمري ما جربت الطلق الطبيعي ولدت اربع مرات كله صناعي لان يفتح عندي الرحم ومافيني طلق بس اخر واحد من عيالي عطوني طلق صناعي وكام باقي لموعدي 12 يوم والرحم مسكر بعني لعانه بس فعلا تعبت والباهل دخل العنايه تخيلو 3 حقنات بس فعلا تعبت الله يعين الجميع ويسهل على بنات الحلال

انا بعد جربته بالدريب مو حقنة
كلهم طلق وكلهم يتعبوووون

الله يهون عليج

انا جربته ،

عطوني اياه لأن نبض البيبي ضعيف .. بس يفللللفلللللللللللللللل .. طبعا ما حسيت بالبداية عقبها تبهدلت ..

الله يستر علينا ويرزقنا الولاده الهينه الطبيعيه

انا جربته لان دشيت العاشر وخلصته وانا ماولدت والبيبي نزل تحت وصرت ماعرف امشي من بطني وكبره وصار وزنه 3كيلو و 800 غرام
يعني اذا صار 4 كيلو بيولدوني قيصيريه عشان جذي خذيت تحميله ودرب صناعي بغيت اموووووووووووووووووووت قعدت 14 ساعه وانا طلوقي ورا بعض ورا بعض بغيت اموت صج صج مانصحج فيه لان الطبيعي من الله اهون والله مانصحج فيه بس دام الدكتوره وصتج ..توكلي ع الله واستخيري وعسالله يهون عليج ..

انا ولادتين طلق طبيعي

بس في ولدي الاخير ماياني الطلق ورحمي تبطل 4 سانتي قررت الدكتوره تعطيني

عوار عوار ربس بسرعه ولدت لاني موصله

بسلاحظت انا العوار عقب ما ولدت وخلصت ونمت وقعدت ماراح العوار وظل معاي كنت بموت لمن عطوني ابر مهدئه

واااااااااااااااااااااااي