اللي تعرف شي عن مدرسة النجاة او المعرفة تقولي ابي انقل ولدي متوسط لها تكفون لا تخلوني

السلام عليكم ورحمة الله وبركاته

راح ادش بالموضوع على طول انا ولدي بالمتوسط بالصف السابع طول عمره كان متفوق بس العام صار كل همه الهوشات بالهده وما تفوق للأسف بس جاب نسبه زينه يعني سبعه وثمانين نعمه بالنسبه لولد بس ما كان معودني على هالمستوى وكل يوم انطره بالهده من الخوف عليه من الهواش السنه هذي ابي اريح نفسي وقلت خلني احطه بمدرسه خاصه نموذجيه يمكن احسن له

فحبيت آخذ رايكم وطبعا راح استخير

شتنصحوني فيه وشرايكم في مدرسة النجاة النموذجيه اللي بالمنقف ومدرسة المعرفة النموذجيه بعد اللي بالمنقف ما فيهم هواش وشلون مستواهم التعليمي وجم رسومهم وشنهي مناهجهم

واذا تعرفون مدراس احسن قولولي الله يجزاكم الف خير المهم ما تكون بعيد على المنطقة العاشره يعني حولي او الاحمدي حلو

اهلين
انا عيال اخوي بالنجاة الي بحولي والله يمدحون المدرس يقولون زينه

طبعا بالصف يمكن 7 الكويتيين بس والدوام دوام عندهم مو نفس مدارس الحكومه يوم بعد ويوم قبل العطله يغيبون

اقتباس:

المشاركة الأصلية كتبت بواسطة q8-eng اهلين انا عيال اخوي بالنجاة الي بحولي والله يمدحون المدرس يقولون زينه طبعا بالصف يمكن 7 الكويتيين بس والدوام دوام عندهم مو نفس مدارس الحكومه يوم بعد ويوم قبل العطله يغيبون

زين ما قلتيلي الصف بس فيه كويتيين والمدرسة فيه جنسيات ثانية شنهي الأغلبيه

والهده فيه هوشات ولا لا حليوين

واخيرا جم رسومهم

وطبعا مشكوره لأنج عطيتيني وجه

الله يجزاج الف خير وما قصرتي

افا عليج ماسويت شي

بالنسبه للاغلبيه( مصريين ) يعني لازم يشد حيله ويفرض نفسه بدرجاته بينهم

وبالنسبه للهوشات على حسب الشخص انا ولد اخوي لين2ثانوي بالنجاة وما اشتكى ان فيها هوشات

وبالنسبه للرسوم اسألج وارد لج الخبر انشالله بس على ما اضن مو وايد

يعني الطالب اللي مستواه ضعيف مايمشي ؟؟؟؟ والا عادي ؟

اهوه ع الهوشات الله يعينج جذيه الصبيان لو وين بتحطينهم يتهاوشون حتى بامريكا يتهاوشون

بس اذا تبين المستوى مستواها وايد زين اخواني كانو فيها بس اللي في حولي وماشالله بالثنوي مدرسينهم صج على مستوى ويتواصلون مع الطلبة وحتى اخوي كان يدقدق ع المدرس اذا عنده اسئلة ايام الامتحانات يعني صج يعطون من قلبهم ..

واهيه نفس مناهج الحكومة والصف اغلبه اجانب مصريين وسوريين وعدد قليل من الكويتيين يمكن دام جذيه تقل الهوشات

مشكورين الله يجزيكم خير

اذا فيه اضافه لا احد يبخل علي واسعارها

واذا فيه احد يعرف عن فرع الاحمدي بعد

واللة انا رفيجتي بالمدرسة مدخلة عيالها فيها اللي بالمنقف طبعا تمدحهم حيل وتقول ملتزمين حييل ومدرسينهم اغلبهم سوريين شديدين عالصبيان وماعندهم خرابيط ولاغياب ولاهوشات بس عيبها ان كل من هب ودب دخل عياله فيها تقول زحمة حيييييييييييل بس للحين مسيطرين عالوضع والرسوم الظاهر 700 بس مومتاكدة

بس تبين الصراحة اريحلج من مدارس الحكومة الواحد قام يخاف عالصبي اكثر من البنية من هالبلاوي اللي نسمع عنها اللة يستر على عيالنا بس

ماجاوبتوني اذا مستوى الطاب ضعيف يمشي ويرفعون مستواه والا مايعدي ؟.

مشكوره وافيه ما قصرتي

يابنات جاوبوني

بصراحه انا نفسج ما جربت بس اتوقع ما دام سوريين يعني اكيد يأسسونه لج عدل اذا كان ضعيف بس طبعا مو اكيد لاني ما اعرف عن المدرسة شي بس ما حبيت اخليج بدون رد

مشكوره حبيبتي عالجواب وانشوف يمكن البنات يفيدونا بعد

يعدي عادي نفس مناهج الحكومه

بس اذا كان بالحكومه متفوق والثالث على صفه بالنجاه يصير انشالله متقوق بس

العاشر على الصف لان الي وياه كلهم دريسين

بالنهايه لازم يشد حيله سواء بالنجاة او غيرها