اللي تبي حضانه زينه بالجابريه

اشلونكم خواتي عساكم بخير..حبيت أفيدكم بعد ماجربت هالحضانه بالجابريه..آنا صارلي سنه وآنا أحوس بالأنترنت وأسأل الأمهات عن الحضانات أدور حق بنت ولدي حضانه زينه وأحاتيها

وأفكر اشراح أسوي لو سجلتها بحضانه وماحبتها او قامت تبجي..أكيد راح اداوم معاها والحمدلله حصلت بالجابريه حضانه يديده أسمها منتسوري بامبيني..بصراحه اللي يشتغلون بالحضانه وايد حنونين ومهتمين باليهال والحمدلله بنت ولدي وايد حبتها وتقبلتها من أول يوم ومابجت فحبيت أقولكم عنها لأن جد ارتحت لهم وشايفه بنت ولدي مستانسه ومتعلقه بالمدرسات حيل..ترى آنا ولية أمر ..مو صاحبة الحضانه ولا لي أي مصلحه فيها ..بس للإفاده

السلام عليكم
الحضانة دى موجودة فين وفيه رقم تليفون لو تكرمتي

هلا حبيبتي ..الحضانه في قطعه 7..باجر اشوفلج العنوان بالضبط لما اوصل حفيدتي..رقمهم25318544

up up up

حبيت أقول لكم ان عدد اليهال في الحضانه قليل..يعني توهم صف واحد فيه أقل من 10 وآنا أرتحت من هالنقطه علشان ينتبهون لليهال عدل ويجابلونهم.. والحضانه بيت كبير مو شقه..ياريت إذا فيه أمهات عندنا بالمنتدى علشان نفتح تجمع ونفيد بعض

حبيبتي ممكن اعرف اسعارهم

السنه ب900 دينار..والدفع شهري

أختي الرقم كله مشغوووووووووووووووووووووووووووووووول
ماعندهم رقم ثاني؟؟
ؤ عادي ياخذون الحيين؟ لأن من زمان مبلشيو دوام!!

اليوم قالتلي صاحبة الحضانه مس عايشه ان تلفونهم خربان هاليومين لأني اتصلت بسأل عن بنت ولدي وماحصلتهم..بس عادي ليلحين يستقبلون أطفال..وهم بلشوا من بعد العيد على طول..بس التسجيل مستمر..وان شاءالله باجر الصبح أسألها إذا فيه رقم نقال أو رقم تلفون ثاني..وأسجل العنوان..عموما هي بقطعه 7 لما تشوفين مدرسة عاتكه الابتدائيه ويمها فرع فيه خياطين ومطعم الجواد تدخلين بهالسكه سيييييييييده لي قبل نهاية الفريج تلاقينها على ايدج اليمين طوفتها ملونه..

up up up

يبتلكم موبايل الحضانه 65767655 والعنوان الجابريه ق7 ش8 م 29

up up

up up

السلام عليكم اختي ممكن اعرف شنو جنسيات مدرساتهم وشنو المنهج المتبع عندهم وراعيه الحضانه كويتيه ومشكوره

والله اللي آنا شفتها صاحبة الحضانه سوريه أعتقد..والمدرسات وحده اسمها مس نعمت متحجبه تدرس انجليزي شكلها عربيه بس ماتتكلم عربي كلش..والثانيه حق العربي والقرآن عربيه..وكان فيه مدرسه امريكيه مسلمه بس ألحين ماأشوفها..يمكن علشان عدد الأطفال قليل توهم 6أو7 فموحاطه مدرسات وايد.. المنهج المتبع منهج منتسوري..