|
|
سوووري والله عالموضوع
الموضوع مزعج اشوي
سلمكم الله اجتماعنا الاسبوع الياي وقالولنا فجأة من غير لا يحددون
وانا اول صف يعني كلش مايمديني اخيط ولا اسوي اييي شي
ومستوى مدرستنا متميزة يعني للاسف المدرسات كل وحدة شاطة روحها ولبس يديد وهالسوالف
بليييز اللي عنده لبس او فكرة قوية للبس او مكان يبيع لبس جاهز
لااا يتردد بالبرايف او بهالموضوع
صج صج احترررت ومابقى مكان مافريته وماادري شنو اسوي
اكرر ماراح انسالها هالخدمة بحياتي
وسووري والله عالموضوع اللي حدي مفتشلة منه : )
:: Secrets ::
احنا كلنا هني نعين ونعاون ..
وانتي ماقصرتي معانا بمواضيعج الحلوه واللي استفدنا منها 
بس على قولتج الاسبوع الياي وماكو وقت اصلا حق الخياط !!!
ياغثهم على سوالف الفجأه 
اذا انتي مصوره اطفالج من بداية هالسنه او اذا عندج صوره لهم جماعيه بيوم القرقيعان ليش ما تطبعينهم على تي شيرتات ويلبسونها مع بنطرونات جينز … هذا اسرع شي اذا تبين تلبسينهم ..
والله هذي الفكره اللي في بالي حاليا يمكن تكون قديمه بس هذي اللي فكرت فيه حاليا ..
اذا فكرت او لقيت شي قتلج
طلعوا يهبلون
.gif "Eh S(6)")
وان شاء تعجبج الفكره تحياتي.gif "Eh S(8)")
المشكلة ان الطباعة سوتها مدرسة بالتخضير
مو اقوولج روضتنا مابقى فكرة ماسووها
لا والكل مترقبني مادري على شنو متوقعين بسوي شي ماراح يقدرون عليه 
ابلة مميزة
ويييييييييين ع ايدج وين مجمع السنام وين صاير مادله؟؟؟
اهوا في النقره بجانب عماره الدكاتره عالشارع مقابل الروضه وجمعيه الاصلاح بس ترا ميزي في 2 محاميد عالشارع واحد في الشروق سنتر والثاني واللي اهوا المقصود في مجمع السنام
اكو سكارفات عند بو 100 ملوت الكاوبوي جان تعرفينهم حلوين باللبس خل يلبسونهم دار مدار رقبتهم على شكل مثلث … انشاءالله فهمتيني …
او سويلهم اوشحه يلبسونها … هذي كانت فكرة ابله .. خلت الاطفال يلبسون قمصان بيضه وبنطرونات سوده والبنات ابيض بأبيض.. ووشاح البنات مكتوب عليه … ملكة جمال روضه (….) والصبيان ماذكر …
والله صج صج ماقصرتي
واايد عجبتني فكرة ملكة الجمال
وبييب اغنيتهم اللي تطلع وتوصف كل وحده
يزااج الله خير تعبتج معاي
نخدمج ان شاالله ونردها لج باللي يوفي قدرج ..
ربي يحفظج..
: )
:: Secrets ::
انا عندي لك افكار روعه وبسرعه تسوينها
شوفي انا مرة شفت مدرسة
يايبه خام اصفر سترج اللى مترة بدينار
وقاصته مثل الصدريه بدون خياط
ويايبه المسدس الحراري وملزقه عليه شغلات من بميه
صاير شكله روعه روعه
وفاقع اللون
ويايبه تيجان عاديه للبنات وملزقه عليهم مثل ديزاينات ابو ميه
——————————
وفكرة ثانيه
وحدة يايبه االوسائل الربل لون اوف وايت وقاصته شكل اجنحه
وملبسه اليهال كلهم
وتاجات ريش
وكله بدون خياط
———
ووحده يايبه
الاجنحه الجاهزة مالوت الفرشات وملبسه البنات وردي والاولاد ازرق
مع تيشيرتات بيضاء وبرمودات بيضاء
شكلهم حده مرتب
————-
وتحصلين عند الموعد ملابس رخيصه وحلوه
————-
انا بيوم الامهات
شريت فساتين من لاند مارك بس طلعوا غالين على حيل
ونفس الفساتين تيشيرتات للاولاد
بس وايد كان غالى
لكن شكلهم حلو
ولبستهم قلوب من بوميه وكتبت عليها اهلا يا امى
اتمنى تعجبك اضافاتى
جان زين اقدر اساعدج …بس افكاري عتيجة بمسألة اللبس لأنه روضتنا ما ترضى >>>يبون اللبس الرسمي
شفت مره فكره لكبابيس ولزقي عليها بالحراري اللي عندج ..حلاو ..اقلام ..ككاو..العاب..بروشات …اي شي ..وقبل ماتلزقينهم رشي الكبوس بلون ..بس مو كله ..
وااايد شكله حلو وغريب ويونس اليهال ..
بس للأسف ما حصلتهم مخلصين من المعلم والمحاميد
.gif "Eh S(1)")
الظاهر الكل مسوي هالفكره
.gif "Eh S(3)")
بس ماعندي فكره عن ىهالسوالف خبرج انا تربية عملية بس فبالي شي ممكن تاخذين تي شيرتات عاديه ملونه مثلا للاولاد ازرق والبنات احمر واخذي اشياء من بو 100 او من الكلف ولزقي عليهم هم اتوقع يطلع حلو ومبتكر وغرييب موضوع صارلة سنتين تردون علية الحين ههههههه
تصدقون صايرة موضة تنرفع مواضيييع قديمة مادري ليش طيب ركزوا بالتاريخ شوي اوكي نستفيد بس مانرد جنة توها سالت عنة
سوري بنات بس جد مستغربة من هالشي يتكرر بالمنتدى بكذا قسم