|
|
شلوووونكم….
شخباااااااااركم….
ابي اسئلكم عن حفلة التخرج…..
ابي اعرف كل وحده بتتخرج هالكورس 
وين بيسوون الحفله في المدرسه ولا بره المدرسه؟
و بتسوون اليير بوك؟ واذا فيه فنتك حلووووووو قولوا
واذا بتسوون اي شي يديد او اي فكره حلوه حق الحفله او اي شي؟
وابيييييييييي ردوووووود 
حتى لو كنتي متخرجه وخااااااالصه
والله يوفق الجميييييييييييييع
وااااااااااي احلى يوم بحياتي كانت حفلتنا حدها بسيطه بس صج كان يوم عجيب بمعنى الكلمه
كانت حفلتنا بالثنويه و طبعا قبلها ذلونا ذل على الحفله مره يقولون بيسوون و مره يقولون لا ماراح نسوي ,, وقالوا لنا نلبس الروب فوق لبس الثنويه ,, حده اي شي بس اشوه بعدين غيروا .
و روبنا كان كحلي بعنابي و اوف وايت كان حلو ,, طبعا كانت في اغنيه باسم ثنويتنا غنيناها عجييييييبه كانت حدها ,,
و هم كيكه كبيييييره و بس كانت حفلتنا حدها بسيطه ,, هم نعمه ان سوو لنا بعد ما عذبونا عليها …
بس المو حلو فيها انها كانت قبل امتحانات الفاينل ,, فمو شي نسوي الحفله بعدها باسبوع انيي نمتحن فاينل ,, حلاته تخلون حفلتكم بعد الفاينل عشان تحسون ان صج تخرجتوا
خل اقولج شصار فيني يوم الحفله 
امبييييييي موقف لا احسد عليه
انا نوعيتي مواعيدي بالثانيه ما احب اتاخر بشي بس امبي يومها مادري شصار فيني ,, حاطه المنبه على الساعه 6 ونص اقوم اتسبح واضبط نفسي لانهم قالوا لنا على ال9 لازم تكونون بالثنويه ,, وانا طول الليل مو نايمه مادري شلون غفيت ما اشوف الا رفيجتي داقه علي نوحه وينج @@ ولا الساعه 8 ونص امبيييي وانا لي الحين بالفراش ,, مادري شلون قمت و تسبحت و بدلت و البس عدساتي ادعس العدسه بعيني مو راضيه و ادعسها ,, ولا شنو لابسه عدسه و قاعده احط الثانيه فوقها من العيله امبيي شوي و ابجي ,, و بسرعه بسرعه اشوه يوم رحت ولا لي الحين مو بادين ,, و طبعا مصورين من المجلات شكثرهم يايين ,, وانا ادور مجله مو معروفه عشان اصور لوووووووول لاني ما احب هالسوالف بس كان بخاطري اصور عشان الذكرى و صورت بمجله الديره ,, و يوم صعدنا على المسرح قبل لا نستلم الشهاده و احنا نغني اغنيه الثنويه ,, ما احس الا دموعي تنزل امبي شفييييينييييييييي ,,, و التفت على رفيجاتي ولا نفس الحاله لووووول ,, بعدها انا و رفيجاتي تيمعنا ببيتنا نبدل و بعدها رحنا تغدينا بره و بعدها رحنا مصور ( صورنا بروباتنا ) عشان الذكرى …
صج صج صج كان من احلى الايام الي بحياتي …
ردج يونسسسسسسسسسس حده ه ه ه ه
واحنا بعد نفس السالفه
ذلونا اول شي قالوا مافي حفله
خو ما يصير تخرج من دون حفله
اختي بالروضه بيسوون لها حفله واحنا بالثانويه ما يسووون!!
شالسالفه
وبنات قالوا بيشتكون وحالتنا حاله
والحين الحمدلله بيسون
ونااااسه
ولا بعد ورا الفاينل بيسوونها
الواحد يحسسس انه متخرج
شكلي مثلج من الوناسه ما راح انام
خخخخخخخخخخخخخخخخخخخخ
لان والله بنت خالتي هم تخرجت سنه الي طافت و صارت فيها نفس الحركه ,, و كانت مواعده رفيجتها الصبح تيي عندها عشان تمكيج رفيجتها ,, و تخيلي بنت خالتي تقول كنت بسااااابع نومه ما اشوف الا باب غرفتي يطقونه حيل ,, رفيجتها يت لها و اهي لي الحين بالفراش لووول
احنا مجموعه من البنات سووه
بس بصراحه ما تضمنين صورتج تنقط بيد منو وعليها اسمج بعد ,, انا ما اشتركت معاهم لا انا ولا رفيجاتي …
والحفله كانت عقب الفاينل … وانا كنت مخلصه امتحانات صارلي اسبووع …
يعني متزهبه عدددل للحفله
والحفله بدت 9 وانا قاايمه 7 … يومها النوووم مفاارقني << حشا عرسج !!!
لانه قبلها بيوم كنت اكلم رفيجاتي ومستاانسين بالحفله اللي بتسير …
ورحت عالساعه 8 وربع عشان الكل متجمع .. وانا نظامنا كان مقرارات يعني الحفله اجباري …
دشيت المدرسه وانا بكامل زينتي حتى الروب لابسته من البيت …
وصورنا بصالة البدينه وجت اكثر من جريده ومجلااااات لا تعد و لاتحصى …
ولمه اجتمعنا جوا ابلاتنا يسلمون علينا 
يااااااااااو بجوونا … بس زفوني عالمكياج الاوفر خخخخ
خو شنو بعد حفله بعد لازم نكشخ ….!! واهي مره بالعمر غير الجامعه طبعا
وكانت حلوه الحفله بس النظام لج عليــــه المدرج ماكان كاافي …
والصفوف على حسب المعدل اونا كاشخه الصفه الاولى مادريت الا اخر صفه جوا قبلنا … لانه المدرج ماكفى
صرنا الصفه الثانيه …..!
وعقب توزيع الشهايد اجتمعنا وغنينا اغنيتنا اللي مسوينها بـ 200 مادري 300 نسيت والله ….
اهني بدا البجي والصيااح والنحيب والتلطم << شدعوااااااااااااا !!!
ونزلنا من المسرح وتطشرنا عند اهلنا وبدا السلام والتبوووس وتوزيع الحلو والتصووير …
عالساعه 11 ونص طلعنا واللموزين برا وطلعنا عالمطعم دايركت … واااي استحيت بالرووب وانا بالمطعم
كل من مر قالي مبرررروك :$
بس المسجات المؤثره ماوقفت وانا بالمطعم من رفيجااتي بجووني الله يساامحهم
عقبها تمشينا عالخليج شوي بعدين ردينا البيت وخالاتي وخوالي كلهم ينطرووني عالساعه 3 الا ربع …
وقعدنا لي 5 سوالف وضحك وبجي شوووي خخخ
والنوووم همن فارقني لانه النااس داشه طالعه ومجبوره اطلع لهم
يعني انصحج شبعي نوم قبلها بيوم ….
وبعدها بيوم سويت حفله بيتنا وعزمت كــــــــــــل رفيجاتي وماقصروا حباايبي جوا وتذكرنا مواقف التخرج ومواقف المدرسه
وقمنا نلتقي بعدها لمدة 3 اسااابيع لانه كل وحده كان عندها حفله بيتهم …..
وووووووووووو شنو بعد ….
بـــس
سوووري طوولت بالرد :$
انا توني عالتخرج
بس يعني كل مدرسه يسون تخرج ولا على حسب
حدي استانست
ويكرمون كل البنات ولا بس المتفوقين !!
والله انا بعاشر بس حدي تشيشت
لووووووووووووووووووووووول
والله انا انطر هاليوم بفارغ الصبر ..
آنـا بتخرج هالكورس انشـالله ،،بس للأسـف لا بيسولنـا حفـلة ولا شي مهضوم حقنـا وعليـه
بس يالله مجرد تخرجي بالنسـبة لي أحلى شي يصير بحيـاتي وعقبـال كلنـا نتخرج من الجامعـه انشالله ..
الظاهر انا حفلـتي بتصير بالبيت ههههههه .. و الله يوفقج وتتخرجيـن بنسـبة حلوة
يا بعد عمري SAMRAH 86 ليش ما في حفله ما يصير
لا مايصير تسكتون حتى لو لين اللحين ما بديتو تجهيز تره احنا توهم ايمعون الافلوس منا ماااااااااااا بدو بشي
والفال لكم انشاءالله اتسوون حفله
والفال ل قلمر تتخرجين وتتفوقين انشاءالله
يا بعد عمري SAMRAH 86 ليش ما في حفله ما يصير
لا مايصير تسكتون حتى لو لين اللحين ما بديتو تجهيز تره احنا توهم ايمعون الافلوس منا ماااااااااااا بدو بشي
والفال لكم انشاءالله اتسوون حفله
والفال ل قلمر تتخرجين وتتفوقين انشاءالله
بس للاسف انا تخرجت كورس اول والكورس للي سوو فيه
حفله التخرج انا كنت موقفه قيدي
وراحت علي الحفلهبس خذيت روب من رفيجتي وصورت مع بنات خالاتي
بس المشكله بهالمدرسه اللي تبط الجبد مودري متى تتعدل
مره اي و مره لا وليما الحين مودري اكو ولا لا ..
ليمن اسمع تجهيزات المدارس الثانيه اموت قهر شنو اللي قطني بهالمدرسه
اهو يوم بالعمر بيذلونا عليه شنو
و الف مبروك للمتخرجين مقدماً
على ان لما تخرجت من رابعه متوسط مسويه حفله كبيره وبوفيه وروب تخرج وعازمه كل اللي يعرفوني
غريبه انا صح لووووووووووووووووووووووول
احنا الحين المشكله بحفله المدرسه و لا حفله البيت و الاهل
خالصين منها التجهيزات خآلصه
<<< حشآ عرس 