اللي بالجامعه والتطبيقي تدخل علمو المستجدات (النظام شلون صاير ؟)

.

< فدتيني واااااااايد بـ موضوع إني آشتري الآغراض هع < شآيله همهم هههههه ..

إي قصدي اخر سؤال شنو المواد اللي تدرسينهم , بس دآمج مو حآبه تكتبين كليتج مآ يحتآي هع ,

بسسس والله آسعدني مرورج فديتج ,

اقتباس:

المشاركة الأصلية كتبت بواسطة gala q8 ^^ فديتج والله منوووووره , و مآشآء الله مرتبه الآجوبه مآشآء الله عليج , < فدتيني واااااااايد بـ موضوع إني آشتري الآغراض هع < شآيله همهم هههههه .. إي قصدي اخر سؤال شنو المواد اللي تدرسينهم , بس دآمج مو حآبه تكتبين كليتج مآ يحتآي هع , بسسس والله آسعدني مرورج فديتج ,

.

.

اقتباس:

المشاركة الأصلية كتبت بواسطة DaLoo3t BaBaTii . حبيبتي من ذوقج .. لوووول آلآغرآض آخر شي آفكر فيه ! آلنوت و آلآقلآم آشتريهم آول يوم دوآم من آلكليةة و تنتهي آلقصةة مو كل آلموآد آللي آخذهم بكليتي .. آخذ موآد بالآجتمآعيةة و بآلآدآب و بكل آلكليآت .

لوولْ ,,

م ـنووووره الموضووووع والله

بس انا مستجده بالتجآري ناطره القبوول

ويعطيج العآفيه حبيبتي ع الموضوع وايد عشان كلنا نستفيد

يا الله بنات نبي بعد كليآآت البنات ..

آمم .. انا الكليه اللي بروح لها لي الحين ما ردوا علينا البنات هع ,

نآطرييين الجآمعيآت والمستجدآآت ..

الاغراض المهمه

فايل ونوت وقلم بو اربع الوان هذااا اهم شي هههه
عدد الغيآبآت والتحويل والصيفي

الحضور اهم من كل شي عندناا لان متشددين شوي بالسالفه هذيي >_<
التحويل حق اي تخصص بالجامعه لازم 2.50
والصيفي شهر ونص طبعاا عدد الساعات يزييد 3 ساعات للمحاضره الوحده >_<

ما ندري شنو نشتري ؟

مثل ماقالوا البنات فايل وقلم بو اربع الوان ونوت*

انا عن نفسي بس نوته صغيره حق اول يوم اسجل اسامي الكتب وتواريخ الامتحان يعطيج اياها الدكتور من اول يووم وقلم*

وتقدرين تكتفين بفونج تكتبين المهم بالنوت باول يوم

ومن ناحية الكتب ماكنت اخذ ولا كتاب والله

لانه دكاترتنا اغلبهم مايبونا انييب كتب ونبطلهم بالكلاس يقولون الكتاب والدراسه بالبيت

و ما نعرف عدد الغيآبآت

كل دكتور غير عن الثاني*

في دكتور عدد معين للغياب وينزل انذارات*

وفي دكتور مايعترف للانذارات بس يتعامل بالدرجات كل غياب نص درجه وجذي*

انا انصح بالدكتور اللي يتعامل بالدرجات مو انذارات
لانه الدرجات تقدرين ترفعينها بنشاط او بونص وجذي

في دكاتره يشيلون الغيابات لما تكلمينهم*
وفي يشيلونها لما اتيبينلهم مرضيات*

في دكاتره مايشيلون الغيابات لو شنوو*

ع فكره ٣ انذارات حرمان من الماده او فصل من الكليه ودوريلج كليه ثانيه*

٣ غيابات انذار اول*
٦غيابات انذار ثاني*
٩ غيابات انذار ثالث واخير*

طبعا في انذار اسمه انذار معدل .. هذا اذا كل موادج درجاتج ناازله واذا خذيتيه ٣ مرات فصل من الكليه*

ولا نعرف شلون نحووول ولا نعرف سوالف الصيفي ؟*

التحويل بنات القوائم اكثر خبره بالموضوع ومايقصرون معاج*

اما الصيفي*
تعببببب كافي الحررر والخيسه والمده تكون اقصر فيكون ضغط ع الطالب يعني الكورس يتقلقص من ٤ شهور لي شهر ونص فكل شي ع بعضه*

ولا نعرررف نظآم البنات بكل الجامعات والكليات

كل كليه لها بناتها*

انا عن نفسي والله ماهتم واايد اهم شي رفيجاتي *اقعد معاهم ونسولف بالبريك او ناكل يعني مالي شغل بغيري*

انا بس اخذت مواد بكليتين*

خالديه وشويخ*
بس اللي لاحظته شويخ ناس راهيه وفاضيه تحسين الكل يسولف ويضحك ومبنى مسكر وتكييف

اما الخالديه يقطعون قلبي*
كلاساتهم بعيده عن بعض تحسين الكل يمشي يمشي والكل بيزي ونييرد*

من ناحية الدكاتره ع حسب كليتج كل كليه لها دكاترتها*
وكل قسم بالكليه غير يعني ماقدر افيدج بشكل عاام*

اللي تحتاجينه للكليه جنطه كبيره على الجتف تكفي نوتج وجم كتاب لانه مو كل الدكاتره يبون كتب الا اذا انتي تبي تخططين معاهم او تصيرين شاطره وتجاوبين الكتاب تحتاجين تييبينه معاج بالمواد العامه اكثر شي اما مواد التخصص انا رياضيات فبس احتاج النوت واكتب المسائل والعلوم مذكرات ا و مرات دكاتره يعطونج ملخصاتهم اللي يعرضونها اثناء المحاضره بالبوربوينت

كليتنا فله البنات
بالحدايق منسدحين وعزايم وحتى مسجل واغاني عادي
لانه كليه مو مختلطه ماخذين راحتنا
الاغلبيه قروبات مع بعض
المصلى كله بنات نايمين والاستراحه زوارات وعزايم xD
بالممرات قاعدين على الكراسي و يشقون اللي يمر خز

كل كورس يسوون معرض عندنا بالكليه يبيعون عطور ومكياج وملابس وجناط وكل شي من هالسوالف
و وايد يسوون حفلات عندنا بالمسرح والامير دايم يزور كليتنا
احنا كليتنا ثلاث مباني رئيس وملحق 1 وملحق 2
تروحيلهم بالباص او اذا تبين بسيارتج

يم المبنى الرئيسي في فرع وصالون ومركز تصوير للطالب حق الاوراق وفي مطعم خفايف وفطاير
يم الملحق 1 في جمعية الشاميه تروحيلها مشي وفي مطاعم كل ششي حلو وفيه محلات تقدرين تتونسين مع رفيجاتج

الغيابات مثل ما قالو البنات
والتحويل لازم تكونين حاطه في بالج من الاول عشان تكونن شاده حيلج ورافعه العدل
يا 2ونص او 3 على حسب التخصص

انا رياضيات ومواد الرياضيات يبيلها مجابل ومزاج
احسن دكتور لي لحين اهو
دكتور ياسين حديد … فديته والله طيب ويفهم وعسل :*
دكتور مشعل المنصوري ….. على راسي صاحب القلب الكبير ما يزعل احد ويراااااااعي :* ومحاضراته عسل
دكتور راشد مزيد الصانع … صج اني ما خذيت درجه سنعه في مادته لاني انا ما شديت حيلي … بس صج دكتور محترم وطيب واعزه حيل :*
دكتور سعود العصفور … هذا الدكتور موجود عندنا وبالجامعه لا تطوفينه ….. يهتم بالمشاركه وايد انتي خلي عندج الكتاب وجاوبي وتضمنين الa….. الله يطول عمره طيب طيب طيب اتعب وانا اقول طيب :* حتى محاضراته تهبل

استاذه فاتن الحجي … للطهي وفنونه ماده عامه تهههبل وتساعد وما تكثر طلبات بسسسسسس لا تغيبين وتاخذين الA

امممممم وهـ بس :*

حبيت الكليه مع انه المبنى مو ذاك الزود بس عادي انشالله قريب تروح المبنى اليديد بالعارضيه