|
|
السلام عليكم
شلونكم بنات عساكم بخير ان شاء الله
حبيت اسال كل وحده اولدت في دار الشفا عن الدكتوره اللى ولدتها … شنو اسمها؟؟ و شلون كانت معاملتها؟؟
انا سمعت عن الدكتوره زينات و شفتها و حسيت انها وايد حبوبه و شفت الدكتوره جيناتي و ارتحت لها بعد
ياليت تفيدوني بنات
و جزاكم الله كل خير
مشكوره حبيبتي على الرد السريع بارك الله فيج
يس ليش حبيبتي مو من المستشفى؟
انا مشكلتي كل شهر اشوف دكتوره غير علشان اشوف منو اللي ارتاح لها اكثر!
انزين انا الحين في السابع اقدر اشوف دكتوره من بره و اتفق معاها ؟
و اشكثر ياخذون زياده منى اذا الدكتوره من برا؟
ادري اختي دوختج من كثر الاسئله
تحيااتي
انا حبيتها دكتوره زينات والراي رايج غلاتي شوفي اللي يريحج
عطيكم الف عافيه بنات والله ما قصرتوا
بالنسبه للدكتوره امل عبدالعزيز اختي كانت تراجع عندها و وايد حبتها بعد و سبحان الله شفت لها مقابله مره غلى الراي و صج حسيت انها طيوبه حيل
و الدكتوره زينات ادعي ربي انها تكون موجوده على ولادتي ان شاء الله .. الحمدلله اكثر من وحده ارتاحو لها
و عموما السهاله بتكون من ربنا سبحانه و الله كريم
ربي يوفقكم اخواتي
وايد زينه وبالها طويل
وعلى طول ذكر الله بالسانها
بنات الله يعافيكم اشلون الدكتورات من ناحية الخياطه بعد الولاده لاني محتاره وابي من المستشفي مالي خلق دكتوره من برا المستشفى
سويت له كوبي بيست عشان اشاركج ابموضوع
انا ولدت ابدار الشفا بغرفة خاصة (قيصرية ) طلع علي اب 880دك
قعدت 5 ايام
عنايتهم بالنسبه لي زفففففففففففففففففففففففففتتتتتتتتتتتتتتتتتتت
حظي مو شي .. مع ان اللي شفته ابهالموضوع ان الكل يمدح
بس انا كللش ما عجبتني معاملة السسترات
نفس خايسة .. ومالهم خلق يسوون اي شي ..
ولما نزل علي ماي .. دقيت على د زينات من نفس المستشفى عشان كنت متفقه معاها تولدني
وحزة الحزة .. لما رحتللها وفحصتني .. قالت الوضع طبيعي بس الراس لاف شوي على جنب .. وخونت فيني قالت لي : النهارده فرح ابن اختي ولازم اروح الصالون واتجهز !!!!!!!!!!!!!!!!!!!!!
بطت جبدي .. فحولتني على د. حسام .. هم كنت اراجع عنده
دخلوني غرفتي .. وحطولي مسهل مرتين .. وعقب الطلق الصناعي
وماياني الطلق الا عقب مده .. طبعا كان نازل علي الماي من البيت
المهم .. ودوني غرفة الولاده .. واذبحوووووووووووووني بلفحص
كل نص ساعه يت السستر وافحصتني وانا المسكينه هذا البكر ومادري شنو يعني فحص
المهم استمروا على هالحاله فحص كل نص ساعه .. والياهل مانزل ابحوضي
فسووالي الالطبيب قيصرية
بس اشعقبه ؟؟؟ عقب ما اذبحوني بلفحص ..
والسسترات محد قعد يمي .. كانو برا غرفة الولاده.. وانا انادي .. ولا حياة لمن تنادي
وقبل لا اطلع من المستشفى المفروض يسبحوني .. الدكتورة قالت حق السستر الفلبينية سبحيها وغيريها لها اللزاق مال الجرح
بس اطلعت الطبيبة.. ولا السستر على طول بتغير لي اللزاق
قلت لها .. شنو ما راح اتسبحيني؟؟ قال ت : لأ من قال ؟؟
قلت لها توها الطبيبه قالت لج !! جان تقول : الطبيبه قالت ؟؟ متى ؟؟
قلت لها تبين اناديها واسألها جدامج ؟؟ قالت : مومشكله اسبحج بس ترا راح اشيل اللزاق اللي توني حطيته وراح يعورج !!
انقهرررررررررررررررررررررررررررررررررررررت
وحبست البجية .. من عوار الجرح ومن كلامها ونفسها الخايسة
وااااااااااااااااااااااي
دار الشفا .. مابي اولد عندهم مره ثانيه
حتى مرة نومت ولدي عندهم لما كمل السنه حاشه اسهال مع جفاف حاد والتهاب منطقة الحفاظ .. نفس الحاله : السسترات فاجين ومالهم شغل ابشي
كنت متوهقه ابولدي يبجي ومايرضى اغير له الحفاظ ولا اغسله
والسستر وواقفه تتطمش علينا !!!!!!!!
بس طبيبي ايهبل ما قصر د.حسام
بنات تسلمووون ما قصرتوا والله
ربي يعطيكم العافيه
ساره .. عاد تصدقين انا قلت حق الدكتوره زينات اذا الله كتب ابيها اهي تولدني.. قامت تضحك و قالت لا تصيرين نفس البنت اللي اولدت امس ما كانت تبي احد يلمسها الا زينات و الدكتوره كانت في البيت و غصب اقنعوها علشان تخلى دكتوره ثانيه تشوفها و تولدها!!
عاد قالت لى اخر شئ ممكن اكتب طلب علشان يزيدون (شفتاااتها))
تحياااتي