|
|
السلام عليكم[SIZE="6"]
اشلونكم خواتى [/SIZE]
والف مبرورك الترشششيح ادرى بعد طلعت الرووح
وحياكم ياللى ناطرين الترشييح وانشا الله ما انساكم بالدعااء وربى يرزقكم كل اللى بالكم
انا الصرااحة ودى انسولف اليوم عن مراكضنا ودوخة الراس بالوزارات ونفيد بعضنا بكل شى
وانشا الله البطالية يحووشهم اشوى من التفاءل ويعم الخير علينا كلنا
ببدا بقصتى
انا رشحونى لوزارة الصحة اول شى يوم الخميس اللى فات
ورحت الديوان اسالهم عن اذا بغير ترشحى قالولى عندج وزارتين الصحة والشوون
طبعا رحت وزارة الصحة بس ابى اسال عن المكان اللى قطونى فية قامو خذوا اوراقى وسوها وماقالولى المكان جان يقولون نطرى اندق عليج على المقابلة
طبعا قلبى ناقزنى ومابى الصحة يات المنتدى وسالت البنات وماقصروا معاى اللى امدحتلى الصحة واللى امدحتلى الشوون
ورحت اليوم حق الديوان على بنة ابى اغير حق الشووون اتوقعووون شنو صار
فتح لى ترشيييح ثالث البلدية
واتقوم اختكم ام يوسف ماصدقت على الله اى ابى البلدية احسن من الشوون والصحة
وماصقت خبر على طوول رشحونى ورحت الوزارة
وبدايت الخير قالوا يدقون على للمقابلة
وانتوا حبايب قلبى سولفولى شنو صار وياكم
البطالية انا بعد للحين احس انى وياكم وسالونى وابى اسولف وياكم مو تخلونى وتطلعوون
والله ادعيلكم من كل قلبى ماتدروون يرفضونى وارد لكم<<<<<<<<<<<<<<<تموت ن القهر يمكن
هههههههههههههههه
ادرى قرت عليكم ويسلمو على المشاهدة
الله يوفقج يارب ويعطيج ع قد نيتج ويسعدج دنيا وآخره
وتكونين بأحسن مكان وترتاحين
والفال لنا إن شاء الله وحق كل البطاليه 
آنا مره رحت دوام أبوي كان عنده شغل ومرينا بعد ماطلعنا من عيادة الأسنان أبوي شغله بكونا
المهم مرينا من صوب الديوان لأن إهوا لازق يم دوام أبوي وأشوف الزحمه والناس ماسكه أوراقها
وأقول حق أبوي متى أتوظف وأتقلقص معاهم بالزحمه لوووووووووووووول
الله يوفقج يارب
يسلموووووووووووووووووووووو ياحلوه
واي يحلاتج انتي
اذا ترشحت اقولج بس مادري البلديه اول مره اشوف احد يمدحها؟
الله يوفقج يارب ويعطيج ع قد نيتج ويسعدج دنيا وآخره
وتكونين بأحسن مكان وترتاحين
والفال لنا إن شاء الله وحق كل البطاليه
آنا مره رحت دوام أبوي كان عنده شغل ومرينا بعد ماطلعنا من عيادة الأسنان أبوي شغله بكونا
المهم مرينا من صوب الديوان لأن إهوا لازق يم دوام أبوي وأشوف الزحمه والناس ماسكه أوراقها
وأقول حق أبوي متى أتوظف وأتقلقص معاهم بالزحمه لوووووووووووووول
الله يوفقج يارب
يسلمو ياقلبى هذا من طيبج واصلج حبيبتى وانشا الله اشوف اليوم اللى تين فية واتقوليلى باركيلى رشحوونى ويومها انا اسويلة حفلة واعزم بنات المنتدى هههههههههههههههه
وانشا الله الفال حق كل البطالية بالوضيفة السنعة والمكان اللى يتمنونة
يسلموووووووووووووووووووووو على الكلام العسل اللى يطلع من حلجج ياحبيبتى
|
المشاركة الأصلية كتبت بواسطة احلا عجميه
 ههههههههههههه
واي يحلاتج انتي اذا ترشحت اقولج بس مادري البلديه اول مره اشوف احد يمدحها؟ |
انا الله يسلمج من زمان ابى البلدية حق رفيجاتى وحق الراحة وانا ودى بمفتشة عرفتى
ويسلمو ياقلبى على الرد اللى يفرح
|
المشاركة الأصلية كتبت بواسطة شقردية ذهبية
والله تستاهلييييين كل خير والصحه هم زيينه بس خيره إنه ماوافقتي عليها والبلديه الكل يتمناها مثل الفتوى معاااش قوووووووووووووي والمكاان زيين حتن يقولون بيروحون مكاان يدييد بس مادري متى ووين المهم ويقولون دوامهم خفييييييف فالأحسن لج وخيره لج طلع في البلديه وإن شاءالله نسمع خبر وسوالف المقابله والقبول والإداره اللي بيرشحونج فيها ومنها للأعلى والله يوفقج وعقبالنا مانتوظف (والله فرحتلج من قلبي)..
|
يسلمو ياقلبى عقبال ما اسمع عن كل البنات اللى بالمنتدى البطالياات انهم توضفوا وانسويلهم حفلة ونحتفل انشا الله
|
المشاركة الأصلية كتبت بواسطة المكسيكيه
موفقه حبيبتي الف الف مبروك
|
يسلمو يا قلبى والفال لج باللى تتمنينة يارب يارحمن يارحيم يفرح قلوبكم بالخير
|
المشاركة الأصلية كتبت بواسطة هوىالخفجي
موفقه إن شاء الله .
|
والفال لكم ياقلبى ومشكورة على الرد.gif "Eh S(21)")
طبعا انا نايمة بسابع نومة جان اى ريلى يقولى ام يوسف دقوا عليج البلدية ويقولون خلتى اتقدم اوراقها
جان اقولة اطلع برة الغرفة لاقوم اذبحك انا حسبالى يضحك وياى يبينى اقوم من النوم لانة صار ىالظهر وانا خايسة نومم ههههههههههههههههههههه تدرون حامل وتحب النوم
جان اقولة على اى تلفون دقوا جان يقول تلفونج
انا اهنى جان احط الغطا فوق راسى وبنام لانة يقص على انا معطتهم رقمة شلون يدقون على رقمى
بعدين جان يقول يعنى انا جذاب ويعصب على وييب التلفون ويحطة بويهى ويقبولى هذا رقم منو وانا رديت
والله يابنات من يوم ماتزوجت ريلى مايرد على تلفونى
جان اقولة منو سمحلك ترد على تلفونى جان يقوول مادرى حسيت مكالمة مهمة
جان اقولة اشلون ابوى
جان يقولى انا شدرانى
(طبعا سالتة عن ابوى لانة اليوم عمليتة واالله يشافية)
بنات حبايب قلبى ادعولى ربى يعمى عيونهم عن الحمال ويوضفونى بليز ادعوا حق اختكم ام يوسف
وانا ما انساكم ياحبايب قلبى
لا تحاتين حبيبتي الله كريم
يارب يارب يارب الله سهل أمورج يارب وإدوامين باجر وتقعدين تقولين لنا أبي أنام مابي الدوام هع
لاتنسين تبشرينا أول بأول
الله يوفقج يارب
:
والله يقوم الوالد بالسلامه ويطول بعمره ويخليه ذخر لكم يارب