اللى عندها عيال تدرسهم تدخل .

شخبارك يا امهات يا حلوات…..

ابى اعرف اشلون تدرسون عيالكم ؟؟؟؟؟

جم ساعه؟؟؟

يكتبون الواجب وبس؟؟؟؟؟؟ولا يراجعون ويحضرون؟؟؟؟؟

وتدرسينهم كلهم مع بعض ولا واحد واحد؟؟؟؟

وابى نصايكم وتجاربكم فى هالسالفه….

شكرا يا حلوين

انا اللي ادرسه واحد والثاني في الروضه
تعبت معاه وايد اول السنه بس الحين الحمد لله وايد احسن
العربي كل يوم اخليه يكتب حتى اذا ما عنده واجب
وباجي المواد تقريبا كل يوم واجب مو امقصرين بالعكس انا احس ان واجباتهم وايد
والدين كل اسبوع آيه اخلييه ارددها كل يوم وكل وقت حتى في السياره
ان شاء الله اكون فدتج

الله يخليهم لك….احنا مشكلتنا بالعربى …. بس طريقتك حلوه انك تكتبينه ولو ما عنده ….

يزاك الله خير عالمرور..

وناسه خوش موضوع ينفع للمستقبل

كملووووووووووووووووو

وين البنات ,,,,,,,, ما ادرى

الظاهر فاكيين نفهم وودوهم معاهد

جنى والله زين منك الوحده عيالها وما لها خلق بس انتى تدربى على اختك …. وباجر طبقى على عيالج

انا نفس كيكه

عندي اولى ابتدائي
كل يوم عندنا واجب عربي

انا اخليه لما يرجع من المدرسه يلعب شويه
بعدين العصر اخليه يكتب الواجب

و اذا الواجبات وايد
اجزئهم علشان ما يتعب

يعني شويه العصر
و الباجي المغرب

و سلامتكم

عزوز …..احسن عشان ما يمل …. حلو

انا عندي ولدي بثانيه ابتدائي

اول مايرجع يشوف بباي لي الساعه 3

وبعدين ابدي معاه
طبعا المدرسه مايعطونه واجبات كله علينا احنا بس يوم واحد بالاسبوع املاء

يوم كان باولي مدرسات وصج كانو يهتمون فيهم كل يوم واجب واملاء يوم وترك

بس السنه وديته عند المدرسين لوعو جبدي مالهم خلق يدرسون

لا وتخيلي امتحان من 30 صفحه
وبالمتحان بس 5 ال 6 اسئله

بس شوفي حق العربي انا ليش ولدي يحب الكمبيوتر
اعطيه قصه واقوله يكتبها بالكمبيوتر عشان يحفظ الاحرف

والحمدالله الحين حفظهم
والله يعينا على دراستهم

والله انها خوش فكره …ز بسويها مع بنتى هى ب2 ابتدائى احس انها ارح تنفع…..
والله انك ذكيه وعندك افكار

أنا بناتي أدرسهم الظهرية وأحل معاهم الواجبات ونحضر الدروس ….. المهم أخلص لهم مره وحده المذاكرة ,,, بس الي في الروضة متعبتني شوي أحسها كسولة مو مثل ختها شاطرة …………….

انا عندي ولد بثانية ابتدائي
يرجع من المدرسة يتغدا وعلى طول نفتح الواجبات ويحلهم واذا احتاج انا اساعده
عقب يلعب ليمن المغرب
بعد المغرب يقرا قصة او كتاب صغير
عقبها نسمع الايات اللي حفظها
والاملاء قبل النوم بسرعه نحفظه

الثاني بالروضة بس يشتكون منه المدرسات مطلع عينهم عنيد
الله يعينني عليه
مطنشهم عالاخر
عاد هذا يبي له قلب شكبره
مهما اجابله يمللني ويعاند
وعلى حطة ايدكم مافي تقدم لانه من راسه مايبي
ماخذني على قد عقلي يعني

والله يعيننا عليهم

اشجان الله يعطيك العافيه…….

بس الظهر شنه وقت غير مناسب توهم رادين من المدرسه مالهم خلق……… اتوقع ان العصر احسن على الاقل يلعبون شوى وبعدين يدرسون …….

نفيشه….. والله احنا هذا حالنا العنييد عنييد والكسلان كسلان والدايخ دايخ ومو ملحقين راس معهم,,,,,,,

بس احس طريقتج مع ولدك حلوه …..

انا افتكيت وديت بنتى معهد

انا عندي الكبير بالصف الخامس بس أول السنة شديت عليه شوي بالدراسة بس ألحين هديته بروحه بس حق الأمتحان أراجع معاه.
الثانية بثانية ابتدائي هذي ترجع من المدرسة تقريبا 2:45 يدوب تتغدى و نسولف كلنا شوية و بعدين تبدى تحل الواجبات . ما أحل معاها بس أكون موجودة اذا تبي سؤال. و القرآن و الحديث يزاهم الله خير المدرسة يحفظونهم انا مالي شغل و الامتحانات أراجع معاها قبل الامتحان بس التحضير ما نحضر الا اذا طلبت المدرسة بأمر من المدرسة نفسها.
الصغيرة بأولى روضة هذي بايعتها و لا لها شفل بالدنيا. و انا مالي خلقها بعد كافي الكبار