الله يوفقها دنيا وآخره اللي ترد على سؤالي بخصوص الدكتوره ماجده

مرحبااااااااااا خواتي

الله يعافيكم ابيكم تعطوني اي فكره تعرفونها حتى لو عن تجربه وحده قريبه منكم

خواتي انا الحمد لله ،،،، الله من علي بالحمل ومشاء الله بالتوائم

مراجعاتي كلها عند الدكتوووووووووره ماجده اليتامى

والحين انا بالشهر الخامس ومستشفى الصباح والدكتوره ماجده والهادي والشفا كلهم اجمعو ان ولادتي راح تكون قيصريه لانهم توائم والحاله خاصة لانه حمل متعدد

فكرت اولد بالصباااااااح لأن التوائم محتاجين حضانات اكيد لكن للاسف مكانهم مونظيف وماأعتقد راح اشوف العنايه اللي تريحني نفسيا

ونويت انشالله اولد بالخاص وبدار الشفا واكيد عندهم الحاضنات فحبيت اسألكم شنو رايكم بالدكتوره ماجده اليتامى بالعمليه القيصريه يعني هل اللي جربوها مدحو خياط العمليه والتزامها بالموعد وغير وغير

اي معلوووووووومه عارفين اتمنى توافوني فيها وماتقصروووووووون كلكم خير وبركه
ارجوكم اللي جربت اي شي عن الدكتوره ماجده اليتامى تقولي

هال اختي الله يسهل عليج انشاءالله او ييقر عينج بشوفتهم

انا بصراحه جربت ناهده العلي بالقيصريه لان دقات قلب ولدي اتزلت حدها او الحبل السري لف عليه اورحمي مافتح الا 3 سانتي

المهم

انا ولدت بابره ظهر بدار الشفا من الخوف غمضت عيوني او احس اني نايمه على قاعده
ماشاءالله على ناهده او اهيا تفتح بطني لسانها ما طلح منه ذكر الله او القران او الادعيه
او خياطها توب توب توب مايبين كلش عندي بنت خالي او مرت خال ثنينهم قيصرري الحمدالله انا خياطي يديد اهما وحده قبل 3 سنين او الثانيه سنتين اضعف مني اهمل
انا خياطي مايبين كلش او اهما يحطون لزقات علشان يرح مع انا اهما مسوين تجميل اواانا تجميل

او ثاني شي تبارك الرحمن اتنظف الرحم عدل عدل عدل يعني بالكثير 20 يوم او تنظفين
طول ال20 يوم تكرمين بس ينزل عليج نقط دم خفيفه حيل
او تعطيج مرهم او مضاد حيوي حق الجرح

او اتخليهم طبعا يسبحونج بالمستشفى
او اذا طلعتي البيت تحطلج طبعا اللزاق الي ضد الماي او تسبحين عادي

المفروض 10 ايام اتشيل الخياط
او طبعا مو خياط خياط
بس تسحب شي يمين او يسار ما اتحسين
انا 6 ايام او شالته مع اني مو ضعيفه او المفروض احتاج فتره اطول علشان يمسك
بس شغلها وايد زين
او مره راجعت امراض نسا الدكتوره الي اهناك اسالتني من صجج مسويه قيصري ماشاءالله الخياط نظيف مو مبين تخيلي

الله يمم عليج حبيبتي

بالعكس مستشفى الصباح واااااااايد شطار الي فيها توأم احسن من الخاص

انشالله البنات يفييدونج اكثر عن الدكتوره لاني انا ماجربته

اذا عندج استطاعة مالية انج تدفعين بالحاضنة 160 دينار لليلة روحي الشفا وتوكلي على الله وماجدة اليتامى أشهر من نار على علم.

بس ان بغيتي نصيحتي روحي الصباح احسن للأطفال واريح لهم من بطنج لي الحاضنة والعملية انا مجربتتها الحمد لله حلوة وما كان في اي مضاعفات ومو مشوهه بطني هذا كله حكي حريم فاضي .

انصحج روحي الصباح للأطفال احسن لهم عسى ربي يقر عينج بر}يتهم ويتم عليكم العافية

شوفي ياقلبي حالتج خاصه والبيبيات محتاجين حضانه فليش تغامرين وتروحين خاص وانتي شايفه الحكومه موفره هالشغلات انا معاج ان مو شي للتعامل والنظافه بس احسن شي للحضانات

واقولج شغله بنت عمتي ولدت بخاص وولدها احتاج عايه وحطوه بالحظانه وضاق التنفس(اسم الله عليكم) وقالولها شوفي الحكومه احنا ماعندنا دكتور للحاله هذي وواسطات ودنيا يالله اقبلوه الصباح اول يقولون ماعندنا مكان وما نستقبل الا الي والدين عندنا انتي استخيري والله كريم ويعينج وياجرج على التعب

انا كنت حامل بتوأم ماشاء الله تبارك الرحمن وولدت قيصرية بالصباح واعيالي احتاجوا الحاظنة

بالنسبة لحالتج نصيحة لاتغامرين

وروحي للحكومة لانهم راح يتحملون مسؤليتج

اى والله روحي الحكومه واي احسن

انا تونى والده وطبيعي عند ناهده العلى وانصحج بناهده حتى لو استشاره عشان يطمن قلبج

انا ولادة مرتين قيصرية عن د.ماجدة اليتامى عشان عندي عنق الرحم اقصير وسميك ومايفتح اثناء الولادة.. بس ابصراحة الخياط مايبين كنة جرح ابيض خفييييييف مايبين ماشاءالله عليها ايدها روعة وانا كل عندها وماراح اغير انشاءالله..وعلى فكرة ولاتي الثانية على نفس الجرح لافوق ولا تحت علية بالضبط وحم مايبين اتقولين زلق ماشاءالله..اتوكلي على الله وخليج معاها لان اهيا الي متابع حمالج واهي ابخص بالحالة..وعلى راحتج طبعاً

الله يسهل عليج ويجعلهم من الذرية الصالحة انشاءالله وتشوفينهم معاريس يارب..

يا حياتي ربي يسر ولا دتج استخيري بعدها قرري وين تولدين وانا بقيت طلب صغيرووووونوووووووو
ابيج دوم تدعين لي ان ربي يرزقني بالذريه الصالحه قولي آمين
ولا تنسيني بالدعاء

انا جربت ماجده و خرعتني قالت الياهل كبير و احتمال فتح بطن..

ويوم انبط الماي عندي رحت للمستشفى كان الساعه 12 الظهر و ماجده مايت لي الا 1 بالليل و موقفة ولادتي عشانها مسافره و محد بلغني و كل ما سألتهم وين الدكتوره يقولون لي الحين بتوصل و اقولهم حطيتوا طلق صناعي يقولون اي و اهما مو حاطين لما يت الدكتوره ماجده وحطت لي التحميله و مايت لي الا وانا مفتوحه 8 سانتي يعني على طلعة الراس وولا تعبت بأي شي..

الله يتمم عليج و يسهل عليج

ملاحظه: انا اراجع الحين عند د. ناهده العلي طبعاً لان وااااااااااااااااايد امدحوها لي

اختى الشافي هو الله … بس اتكلي على الله وروحي لدكتورة ماجده وبشرط اطلبيها هي لا تروحين للمساعدات ملوتها تراهم يعني وانا عن تجربه وتجربه طوييييييييييييله دكتورة ماجده وبس اخذي بنصيحتي انا لما سوت ي عمليتي ماشاالله ولا حسيت بشي وهي راعيه الحلال والنفس الطيبه والحلوه حتى لو مااستفدتي من علاجها ترتاحين لها والامل عندها موجود ماشالله والا مساعداتها الا بالزف ولا وتسمعينهم يتذمرون .. كان اول عندها د بتول روعه بس راحة الامارات الحين … لا تروحين الا لها حتى لو نطرتي موعدج مده مايهم .