الله يفرجلها الي تساعدني :(نسبتي 80 اما المكافئ 70 وانا ابي هندسه او طب شسوي؟؟ )

حياكم بنات

انا مشكلتي حيل تعبتني لدرجة كل يوم ارجع ؛ وهالثنويه جابتلي القولون

ابي احد يوجهني ومو لاقيه ..

انا تخرجت من ثانويه عامه بنسبة 80 علمي

بس انصحوني امتحن قدرات وامتحنت وانا مو فاهمه انها ممكن تنزل النسبه ومادرست على امل اعيده وسقطت وولأسف نزلت نسبتي ل70 بالهندسه وعلوم …؛؛و 71 بطب مساعد ؛؛؛وطبعا مركز علوم طبيه 69

انا ابي طب مساعد او طب لانها ميولي ..

بس اقبلوني بعلوم بيولوجيه ؛ ما ابيها يقولون كتبها من الجلده للجلده انقلش ؟
الي يقهرني القدرات الي لعب فيني يمكن من غيرها قبلوني طب مساعد ؛؛؛؛؛؛؛؛؛؛؛؛وبالبيولوجيه قبلوا معاي بنات بالستينات << يعني جني ماسويت شي بالثنويه

فكرت اقعد بالبيت كورس واحاول ارفع هالنسبه بالقدرات ؟

ياناس دلوني درب السنع وينه محتاجه نصايحكم حيل بنات

شسوي عشان احول ؟؟؟ قريت ان لو حولت حق طب مساعد بس تخصصين مو العلاج الطبيعي الي ابيه؟؟
وهل مايصير احول الا مره وحده

ودي اعرف اكثر عن الهندسه عشان افرح امي وادش اذا قدرت ؟ بس احس كلها فيزياء وانا ما اشتهيه
..

الله يوفق الي تدلني … وشكراا

والله ما بيدي غير اني ادعيلج الله يوفق

ويسدد خطاج لطريق الصحيح غاليتي

وان شاء الله بنات الهندسهه يساعدونج

بااللتوفيق

اول شي السلام عليكم ثاني شي والله اني حابه اخدمج بعيوني انا لما قلتي فزعه انقذوني قلت يمكن احد خانقها خلني افزع معها مسويه جنقر بس والله ما بيدي شي لو سالتي عن اي شي بالادبي اخدمج بسرع وقت تعرفين الادبي خدومات ومطيعات يعني حش ما نعرفه وخرابيط ما عندنا عندنا بس الدراسه ثم الدراسه عكسكم بضبط ع العموم يا قلبي ما اطول عليج بس راح اسال لج ناس تعرف في الكليات الللي ذكرتيها ولا تشيلين هم و الله يوفقج انشاءالله وتحصلين الكليه اللي ترتاحين فيها وتستانسين واهم شي ما تتضايقين وتفكرين صح قبل كل شي والخيره فيما اختاره الله وسلام عليكم ورحمة الله وبركاته صايره ابلة دين انا وجهي باااااااااااي

نفس مشكلتي لما كنت بسجل بالجامعه بس الفرق انتي امتحنتي وانا ولا دريت عن شي اسمه امتحان قدرات انتي تبين طب مساعد ولا الهندسه بس مدري احسن لج الهندسه ومنو قالج كلها فيزيا هذا يعتمد عالتخصص اللي تتخصصينه ولا تخافين بالتحويل كل شي يصير بس بسألج ناجحه بالقدرات كلها?

عذبة الطباع …حبيبتي تسلمين يكفيني مرورج يالغاليه

مطيريه فزاعه …. لوووول فديت جنقر و الفزعه بعد شبدي والله ماقصرتي

الصمت الحنون …. بعد قلبي نجحت بالانقلش مره جبت الحفه 60 دزني واطيح والباقي سقطت الحمدلله

ما اعرف عن الهندسه شي بس تعرفين عشان افرح امي ودي فيها ودي اعرف جم المعاش بعد ما اتخرج ؟ وجم سنه اقعد فيها ؟ وشنو طبيعة دراستهم

يربي حيل خايفه ومحتاره هذا مستقبلي كله وانا دايم اتندم اخاف اقرر قرار واتندم

حبيبتي استخيري وحتى انا ماحولت الا عشان امي وابوي والله فرحتهم تسوى الدنيا ومافيها

حبيبتي والله ماادري عن المعاش بس المسمى يكفي واهي تقريبا اربع سنين ونص بس انتي شكلج تبين الطب المساعد بس عندي الهندسه احسن بسألي احد بالطب وشوفي شنو يقول متى بتسجلين موادج

انشالله بستخير الله يكتب الي فيه الخير ويوفقنا اجمعين..الثلاثاء.. بس يقولون اذا ابي هندسه لازم احول علوم رياضيه اول ؟؟

انتي شنو قبلوج هندسه بالتحويل … شنو المواد الي اخذتيها قبل التحويل ؟؟؟

هلا حبيبتي ..

بالعكس القدرات حيل يفيــد .. يفيدج انج ما تاخذين تمهيدي وتقعدين سنة كاملة بدون مواد ..

اذا انتي مو شاطرة بالانجليزي احمدي ربج انج سقطتي بالقدرات .. لأن تمهيدي الانجليزي حيــــــــل مفيد يقوي لغتج حيل .. وحتى تمهيدي الرياضيات يعلمج الاساسيات يعني يأسسج من جديد …

بالنسبة للتحويل تقدرين تحولين بس على ما اظن تعدين 30 وحده ويكون معدل مرتفع وحولــــــي .. بالنسبة لأول كورس وثاني كورس اخذي مواد سهله وحاولي انها تكون مشتركة مابين كليتج والكلية اللي بتحولين لها …

واختاري الكلية اللي تناسب ميولج يعني انتي شنو تحبين اكثر هندسة والا طب ..؟

الطب او الطب المساعد يبيــله مجاااابل .. ودراسة .. وحتى الهندسة بس سمعت الهندسة أهون …

وفي تخصصات حلوة بالهندسة مثل مدنية وكمبوتر وحيل تناسب البنات بعكس البترول والميكانيكي ..

واهم شي استخيري .. وتوكلي على الله ..

لو قعدتي بالبيت ما كورس واحد ما عندج الا فرصة وحدة حق القدرات اللي اهي بشهر 12 وشوفي انتي وحظج ودراستج تنجحين والا لأ ..

انا اقول لا تقعدين في البيت … اخذي تمهيدي انجليزي مع مادة سهلة عشان يرتفع المعدل ..

حبيبتى لا تقعدين كورس ولا هم يحزنزن
واللة كلة سهالات انصحج بالهندسة
قعدى بالبيولوجى رفعى نسبتج وحولى بس بشرط تاخذين مواد التحويييييييل للكلية الى تبينها
ومواد اضافية سهلة عشان ترفع معدلج
واذا ضايعة بالحجى عندج بنات الاتحاد ما يقصرووون
دقى عليهم ولا تاخذين بحجى او وحدة تشوفينها
وحرام يضيع عليج كورس وبعدين القدرات يبيلة دراسة انتى دشى تمهيدى وبعدين كورس تحويل

وبالتوفيج حبوبة

حبيبتي تاخذين فيزيا1 فيزيا2 حسبان 1 حسبان 2 كيميا1 انجليزي 161 هذي المواد لازم تجيبين فيها فوق C ومعدلج 2.67 وراح تاخذين مواد اختياريه

وحبيبتي انا كنت تربيه وحولت هندسه ما اعتقد فيها مشكله بس اتي اذا رحتي تأكدي منهم

وضحت العنوان..

موفقه يارب..

حبيبتي قصديc وفوق ان شاالله فهمتي علي

روج كرزي… حياتي فديتج قررت ما اقعد بالبيت بس انا نجحت بالانقلش عالحفه والباقي سقطت يالله يمكن خيره انشالله بحول

احلى زقرتيه … اشهد انج زقرتيه يسعدني مرورج يالغاليه انشالله بسأل بنات الاتحاد عشان ما اغلط غلطة القدرات ما سألت مادريت انها ممكن تنزل

الصمت الحنون ..فديــــــــــــتج اي فهمت عليج بس في مهندس قالي أساس الهندسه فيزيا ورياضيات .. ما اداني الفيزيا

انا احب الاحياء واحب اعرف اسباب الامراض وطرق علاجهم واحب الانقلش؟؟ وين اروح ؟؟ مو طب ؟ بس مخاوفي انها 7 واجد ؟ ودايم يقولون صعبه حيل فخايفه ؟؟

علميني مخاوفي لها داعي واهون::ولا اجرب ؟…. صمت احرجتيني بطيبج

رونه …يسعدني مرورج

انا مرت ولد عمتي تشتغل بالاتحاد

و تقول عملية التحويل لكلية الطب صعبة حيييييييييييييييييييييييييييييييييييييييييييييييل و مستحيلة بمعنى اصح

يعشمون البنات و بالنهاية ما يسووون و لا شي و لا يقبلوووووون !!!!

تاكدي عدل حبوبة و ياريت اقدر اساعدج انا ادبي

بس هالموضوع نتكلم فيه ذاك اليوم و قلت اقول لج